478.57
+0.37
561.79
+1.96
8.05
+0.02
+21
Եղանակը Երևանում
Հայ
ՀՀ նախագահը շեշտադրումներ է արել. Հայաստանի քաղաքական շաբաթվա արդյունքները
11:55
30 Նոյեմբերի 2009

ԵՐԵՎԱՆ, 30 նոյեմբերի. /Նովոստի-Արմենիա/. Նոյեմբերի 28-ին տեղի ունեցած իշխող Հայաստանի Հանրապետական կուսակցության համագումարն, անխոս, նախորդ շաբաթվա կարևորագույն ներքաղաքական իրադարձություններից էր: Հանրապետության ողջ քաղաքական վերնախավը ուշիուշով հետևում էր գործընթացին, երկրի առաջատար կուսակցության պաշտոնական հայտարարություններին և համագումարի արդյունքներին:

Կուսակցության նախագահի պաշտոնում վերընտրված ՀՀ նախագահ Սերժ Սարգսյանը հանդես եկավ ծրագրային ելույթով, որում ընդգծեց, որ պետության առաջնային խնդիրները՝ Հայաստանի զարգացումը, հայ-թուրքական հարաբերությունների և ղարաբաղյան հակամարտության կարգավորման հետ կապված հարցերի լուծումները լիովին լուծելի են միայն համատեղ ջանքերով:

Հայ-թուրքական հարաբերությունների կապակցությամբ Սարգսյանը նշեց, որ Թուրքիայի կողմից հայ-թուրքական արձանագրությունների վավերացման ձգձգման դեպքում Հայաստանը կձեռնարկի համարժեք քայլեր:

ՀՀ նախագահը հույս է հայտնել, որ Հայաստանի օրինակով Թուրքիան ևս կղեկավարվի միջազգային իրավունքի սկզբունքներով և արժանապատվորեն կկատարի ստանձնած պարտավորությունները:

Խոսելով ղարաբաղյան հակամարտության կարգավորման մասին Սարգսյանը նշեց, որ «հակամարտության կարգավորումը չափազանց բարդ գործընթաց է, և դրա վերջնական կարգավորման համար կարող են պահանջվել տարիներ»: Սակայն նրա խոսքերով, հակամարտության կարգավորման այսօրվա հանգրվանը  հույս է ներշնչում, որ հնարավոր է ողջամիտ ժամկետներում այն իր տրամաբանական ավարտին հասցնել:

Միաժամանակ նախագահը հայտարարեց, որ չնայած Հայաստանը կողմնակից է Լեռնային Ղարաբաղի հակամարտության խաղաղ կարգավորմանը բանակցությունների միջոցով, սակայն Լեռնային Ղարաբաղի նկատմամբ որևէ ոտնձգություն թույլ չի տա և ցանկացած ոտնձգության պատրաստ է արձագանքել ամենակոշտ միջոցներով:

Ինչ վերաբերում է ներքաղաքական կյանքին, ապա նախագահն այստեղ հայտարարեց կայուն ներքաղաքական համակարգ ձևավորելու անհրաժեշտության մասին:

«Նոր իրավիճակները պահանջում են նոր լուծումներ ու առաջ քաշում դրանց լուծման նոր տրամաբանություն: Քաղաքական ճկունությունը հնարավոր է միայն այն դեպքում, երբ հրաժարվում են միակ խելացին ու միակ ճշմարիտը լինելու հավակնությունից: Մենք պետք է կարողանանք լսել միմյանց և ուրիշներին, այդ թվում նաև ընդդիմախոսներին», - հայտարարել է Սարգսյանը:

ՀՀԿ-ի 12-րդ համագումարի շրջանակներում տեղի են ունեցել կուսակցության ղեկավարության և գործադիր մարմնի ընտրությունները: Ոչ ոք չէր կասկածում, որ ՀՀ նախագահ Սերժ Սարգսյանը կվերընտրվի ՀՀԿ-ի նախագահի պաշտոնում: Կուսակցության գործադիր մարմնի շարքերը, որը 12-ից դարձավ 14 հոգի, համալրեցին ՀՀ վարչապետ Տիգրան Սարգսյանն ու Երևանի քաղաքապետ Գագիկ Բեգլարյանը:

ՀՀԿ-ի համագումարի հետ զուգահեռ ԵԱՀԿ Մինսկի խմբի կողմից նախաձեռնած՝ ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի հանդիպումը, որը տեղի էր ունեցել նոյեմբերի 22-ին Մյունխենում, շարունակում էր քաղաքական մեկնաբանությունների առարկա մնալ:

Չնայած հանդիպման նախաձեռնողների՝ ԵԱՀԿ ՄԽ համանախագահների դրական գնահատականին՝ ընդդիմադիր ՀՅԴ-ն քննադատաբար է վերաբերվել Հայաստանի և Ադրբեջանի նախագահների մյունխենյան հանդիպմանը:

Մասնավորապես, ՀՅԴ խորհրդարանական խմբակցության ղեկավար Վահան Հովհաննիսյանի կարծիքով, «ղարաբաղյան խնդրի ռազմական լուծման հնարավորության» մասին նախագահ Ալիևի ռազմատենչ հայտարարությունից հետո նախագահ Սարգսյանը պետք է հրաժարվեր ադրբեջանցի գործընկերոջ հետ հանդիպումից:

ՀԱՊԿ գլխավոր քարտուղար Նիկոլայ Բորդյուժան իր հերթին, բացասաբար գնահատելով Ալիևի հայտարարությունը, նշել է պայմանագրի ստորագրման անհրաժեշտության մասին, որն իրավաբանորեն պարտավորեցնում է լուծել ղարաբաղյան հակամարտությունը բացառապես խաղաղ ճանապարհով:

ՀՀ ԱԳ նախարար Էդվարդ Նալբանդյանը, բանակցային գործընթացի անհարթության հետ մեկտեղ, նշել է նախագահների հերթական հանդիպման արդյունքում մի շարք հարցերի շուրջ ձեռք բերված որոշակի առաջընթացի մասին:

Նախորդ շաբաթվա սպասվելիք իրադարձությունների թվում էին ՀՀ աշխատանքի և սոցիալական հարցերի նախարարի թափուր պաշտոնին Մխիթար Մնացականյանի նշանակումը, ով զբաղեցրել է ՀՀ ԱԺ մարդու իրավունքների պաշտպանության հարցերով մշտական հանձնաժողովի նախագահի պաշտոնը:

Հիշեցնենք, որ ավելի վաղ ՀՀ աշխատանքի և սոցիալական հարցերի նախկին նախարար Գևորգ Պետրոսյանը, ով Մնացականյանի պես «Բարգավաճ Հայաստան» կուսակցության անդամ է, հրաժարականի մասին դիմում է ներկայացրել առողջական վիճակի կապակցությամբ:

Մարիա Հակոբյան, հատուկ «Նովոստի-Արմենիա» գործակալության համար-0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։