486.95
+0.14
513.34
-3.7
8.4
-0.03
-2
Եղանակը Երևանում
Հայ
Հայաստանն ու Ադրբեջանը՝ նախագահների հանդիպման սպասումով, և հայ-թուրքական զարգացումները. շաբաթվա արդյունքները
11:15
16 Նոյեմբերի 2009

Նախորդ շաբաթ հայտնի դարձավ, որ Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը կարող են ղարաբաղյան հակամարտության կարգավորմանն ուղղված հերթական հանդիպումն անցկացնել Եվրոպայի մայրաքաղաքներից մեկում: Հանդիպման կոնկրետ վայրն ու ամսաթիվը կորոշվի առաջիկա օրերի ընթացքում, այս ուղղությամբ արդեն աշխատում են ԵԱՀԿ ՄԽ համանախագահները:

Միաժամանակ Հայաստանի կառավարությունը ներկա պահին նպատակահարմար չի գտնում Լեռնային Ղարաբաղի Հանրապետության ճանաչումը: ՀՀ կառավարությունը հինգշաբթի նիստի ժամանակ բացասական եզրակացություն է տվել «Ժառանգություն» խորհրդարանական ընդդիմադիր խմբակցության կողմից ներկայացված «Լեռնային Ղարաբաղի Հանրապետության ճանաչման մասին» օրինագծին: «Կառավարության դիրքորոշումը բացատրվում է նրանով, որ ներկա պահին մենք նպատակահարմար չենք գտնում այդ օրենքի ընդունումը», - նիստի ժամանակ ասել է ՀՀ փոխարտգործնախարար Շավարշ Քոչարյանը:

Խոսելով ղարաբաղյան խնդրի և հայ-թուրքական հարաբերությունների մասին՝ հանրապետական պատգամավոր Լեռնիկ Ալեքսանյանն ընդգծել է, որ Թուրքիան ղարաբաղյան հակամարտության միջնորդ չի լինի: Միաժամանակ նա կարծում է, որ հայկական կողմն ամեն դեպքում չի տուժի սահմանի բացումից՝ հույս հայտնելով, որ այն կբացվի մոտ ժամանակներում, ինչից հետո Հայաստանի դերը տարածաշրջանում կբարձրանա:

Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից

Ժողովրդական կուսակցության առաջնորդ Տիգրան Կարապետյանն իր հերթին համոզված է, որ Հայաստանը չպետք է սպասողական դիրք բռնի հայ-թուրքական հարաբերություններում, և հայկական կողմի որոշումը չպետք է կախված կլինի Թուրքիայում անցկացված քվեարկության արդյունքներից:

Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը նպատակահարմար չի համարում դիրքորոշումը, որի համաձայն՝ Հայաստանը պետք է վավերացնի հայ-թուրքական արձանագրությունները Թուրքիայի խորհրդարանի կողմից դրանց վավերացումից հետո:

«Հայաստանը պետք է վավերացնի արձանագրությունները ոչ այն պատճառով, որ մեզ դա պետք է, այլ այն պատճառով, որ դա թելադրում են գլոբալ գործընթացները: Կշահի նա, ով կհասցնի դրանց ավելի արագ արձագանքել», - կարծում է Գրիգորյանը:

Փորձագետի խոսքերով, այսօրվա դրությամբ Թուրքիայի գործողությունները մեծամասամբ կախված են Հայաստանի գործողություններից, և եթե Հայաստանը ձգձգի արձանագրությունների վավերացումը, ապա Թուրքիայի խորհրդարանում դրանց հաստատումը կարող է վերջին հաշվով տապալվել:

Միաժամանակ եթե Գրիգորյանը կարծում է, որ Թուրքիան կվավերացնի հայ-թուրքական արձանագրությունները 2009թ.-ի դեկտեմբերի երկրորդ կեսին – 2010թ.-ի հունվարին, ապա քաղաքագետ Ալեքսանդր Իսկանդարյանը կարծում է, որ արձանագրությունները կարող են վավերացվել հաջորդ տարվա հունվար-փետրվարին:

«Մենք այժմ հանդարտության կամ ինտենսիվ իրադարձությունների նախապատրաստման ականատեսն ենք: Հավանաբար, հունվար-փետրվարին արձանագրություններն արդեն կվավերացվեն, այսինքն սահմանը կբացվի մինչև ապրիլի 24-ը (Հայոց ցեղասպանության զոհերի հիշատակի օր)», - ասել է Իսկանդարյանը:

Միաժամանակ Հայաստանում Գերմանիայի արտակարգ և լիազոր դեսպան Հանս-Յոհեն Շմիդտը նշել է, որ հայ-թուրքական արձանագրությունների ստորագրմամբ քաղաքական խիզախ քայլ է կատարվել երկու երկրների միջև հարաբերությունների կարգավորման ուղղությամբ, նա հույս է հայտնել, որ արձանագրությունների վավերացումից հետո դրանք դրական կազդեն նաև ղարաբաղյան հակամարտության կարգավորման գործընթացի վրա:

Միաժամանակ նրա խոսքերով, եթե Թուրքիան իսկապես ցանկանում է առավել զգալի դեր խաղալ հարավկովկասյան տարածաշրջանում, ապա պետք է օգտվի այդ հնարավորությունից և, վավերացնելով արձանագրությունները, ցուցադրի սեփական կամքը:

Շվեդիայի իշխող սոցիալ-դեմոկրատական կուսակցությունն իր հերթին տարեկան ժողովի ժամանակ Հայոց ցեղասպանության դատապարտման մասին որոշում է ընդունել: Ընդունված փաստաթղթում նշվում է, որ Առաջին աշխարհամարտի տարիներին Օսմանյան կայսրությունում, հայերից բացի, ցեղասպանության են ենթարկվել նաև ասորիները:

Կուսակցության գլխավոր քարտուղարը նշել է, որ եթե Թուրքիան ցանկանում է առաջընթացի հասնել ԵՄ-ին անդամակցելու գործընթացում, ապա պետք է ճանաչի Հայոց ցեղասպանությունը:

Նախորդ շաբաթ  հայ-թուրքական հարաբերությունների կարգավորմանն իրենց աջակցությունն են հայտնել մի շարք երկրների ներկայացուցիչները:

Մասնավորապես, ինչպես հայտարարել է Հունգարիայի նախագահ Լասլո Շոյան, այդ երկիրն աջակցում է հայ-թուրքական հարաբերությունների կարգավորման գործընթացին, իսկ նախագահը համոզվել է հարևան պետությունների հետ հարաբերությունների կարգավորմանն ու շարունակական հակամարտությունների լուծմանը դինամիզմ հաղորդելուն ուղղված Հայաստանի վճռական մտադրության մեջ:

ՀՀ նախագահ Սերժ Սարգսյանը հերթական անգամ հաստատել է հայկական կողմի մտադրությունը՝ կարգավորել գոյություն ունեցող խնդիրներն առանց նախապայմանների և խաղաղ ճանապարհով՝ կարգավորելով հարաբերությունները հարևանների հետ տարածաշրջանի կայուն զարգացման ուղղությամբ գոյություն ունեցող ռեսուրսները օգտագործելու նպատակով:

Օլեգ Բարնաշով, հատուկ «Նովոստի-Արմենիա» գործակալության համար:-0-

Loading...
Թեմատիկ նյութեր
Բաժնի այլ նյութեր
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի: