486.78
+0.12
515.5
+2.27
8.41
+0.01
-1
Եղանակը Երևանում
Հայ
Մարդասպանը հերո՞ս
11:59
10 Նոյեմբերի 2009

ՀՀ նախագահ Սերժ Սարգսյանը Բուդապեշտ կատարած պետական այցելության ժամանակ երախտագիտության խոսքեր է հայտնել հունգարական արդարադատությանը, Բուդապեշտում հայ սպայի` Գուրգեն Մարգարյանի սպանության գործում ցուցաբերած աներկբա և արդարացի կեցվածքի համար: Սպա Մարգարյանը, ով ՆԱՏՕ-ի «Գործընկերություն հանուն խաղաղության» ծրագրի շրջանակներում գործուղվել էր Բուդապեշտ անգլերենի դասընթացներ անցնելու, քնած ժամանակ կացնով գազանաբար սպանվել էր ադրբեջանցի սպա Ռամիլ Սաֆարովի կողմից, ով ևս նույն դասընթացների մասնակիցներից էր:

Այս վայրենի, անմարդկային հանցագործությունը մեծ իրարանցում էր առաջացրել ողջ աշխարհում: Նույնիսկ Ադրբեջանի նախկին նախագահ Այազ Մութալիբովը հայտարարել էր, որ նման գործողությունները ոչ մի կերպ չեն տեղավորվում քաղաքակիրթ շրջանակների մեջ:

ՀՀ նախագահ Սերժ Սարգսյանը, ով այն ժամանակ զբաղեցնում էր պաշտպանության նախարարի պաշտոնը, հայտարարել էր, որ այս զազրելի չարագործությունը մինչև հոգու խորքը ցնցել է ոչ միայն իրենց, այլև այս մոլորակի վրա ապրող ցանկացած նորմալ մարդու:

Բուդապեշտում նախագահը վստահություն է հայտնել, որ եթե չլիներ հունգարական արդարադատության նման հստակ որոշումը (ցմահ բանտարկություն՝ 30 տարվա ընթացքում առանց համաներման իրավունքի), այդօրինակ ոճրագործությունները շարունակություն կգտնեին նաև այլ պետություններում:

Սարգսյանը ցավալի և ողբերգական է համարել այն հանգամանքը, որ նման նողկալի ոճիրը ոմանց կողմից կարող է ընկալվել որպես հերոսություն:

Իսկապես, հնգամյա վաղեմություն ունեցող դաժան հանցագործությունը սկսեց օգտագործվել որպես ադրբեջանական քարոզի հերթական գործիք, իսկ Ռամիլ Սաֆարովը հաշվենկատ և անգութ մարդասպանից Բաքվում վերածվեց ազգային հերոսի և նույնիսկ տարվա մարդ ճանաչվեց Ադրբեջանում: Եվ այստեղ խոսքը ոչ թե մոլեռանդ ազգայնամոլների դիրքորոշման մասին է, այլ՝ ադրբեջանական քաղաքական վերնախավի:

Հանցագործին պաշտպանելու համար գործի դրվեցին բոլոր ուժերը: Հունգարական կողմի վրա գործադրվում էր ուղղակի և անուղղակի ճնշում: Իսկ Սաֆարովը, ով սկզբից անմեղսունակ էր ձևանում, դատական նիստի ավարտին վերջապես սկսեց խոսել՝ մատնելով Բաքվում ստեղծված հակահայկական քարոզի կնիքները, որն արդեն հասցրել է ձանձրացնել:

Չկարողանալով դատական գործընթացի և բողոքարկման ժամանակ հասնել որևէ արդյունքների՝ ադրբեջանական կողմը որոշեց փորձել ազատ արձակել մարդասպանին շրջանցիկ միջոցներով՝ այդ գործընթացը անվանելով «դատապարտյալի հայրենադարձություն»:

Այս ծրագրի իրագործման նպատակով արդեն գործի էր դրվել ադրբեջանական պետական մեքենան՝ գլխավոր դատախազության և Արդարադատության նախարարության մակարդակով: Ասում են, թե հանցագործի ազատ արձակման համար ջանքեր է գործադրել նույնիսկ Ադրբեջանի նախագահ Իլհամ Ալիևը նախորդ տարի Բուդապեշտ կատարած իր այցի ժամանակ: Ճիշտ է սա, թե ոչ, ոչ ոք հստակ չի իմանա, սակայն այն, որ պաշտոնական Բաքուն համարյա պաշտոնապես պաշտպանում էր իր «հերոսին», ակնհայտ էր անզեն աչքով: Եվ այստեղ ևս, ամենայն հավանականությամբ, գործի դրվեց տխրահռչակ նավթային և էներգետիկ գործոնը, որով անդադար պարծենում է Ադրբեջանը:

Եվ հենց գայթակղության և մեղմ շանտաժի դիմակայության ներքո է դրսևորվում պաշտոնական Բուդապեշտի աներկբայությունը: Չէ՞ որ ամեն երկիր չէր կարող անդրդվելի մնալ «օտար» խնդրի բեռը սեփական ուսերից գցելու գայթակղության առջև՝ փոխանցելով մարդասպանին իր հովանավորներին՝ փոխարենը ստանալով լուրջ առավելություններ:

Սակայն Հունգարիան անդրդվելի մնաց, գործարք չկապեց սեփական խղճի հետ՝ ապացուցելով, որ իսկական եվրոպական պետություն է, որի համար արդարադատությունը բացարձակ գերակայություն է:

Հետևաբար, մարդասպանին բախտ չի վիճակվի վերադառնալ հայրենիք որպես ազգային հերոս: Իր կյանքի մեծ մասը նա կանցկացնի ճաղերի ետևում: Իսկ եթե նույնիսկ տասնամյակներ անց դուրս գա, ապա դժվար թե նոր ժամանակն իր արյունարբու ծառայությունների կարիքը ունենա:

Ըստ էության, այդքան էլ կարևոր չէ, թե Սաֆարովն ինքն է որոշել սպանություն կատարել, թե նրան ենթարկել են հոգեբանական մշակման: Կարևոր է մեկ այլ բան՝ ադրբեջանական քարոզչամեքենան ողջ հայության նկատմամբ թշնամանք սերմանելու իր համարյա թե գեբելսյան վարքով նորանոր «սաֆարովներ» է ծնում: Նման կերպ պաշտոնական Բաքուն իրեն դեպի փակուղի է տանում: Չէ՞ որ ձևավորելով անհամբեր, ագրեսիվ և բարդույթներով լի հասարակություն՝ դժվար կլինի ղարաբաղյան հակամարտության կարգավորման գործում որևէ բեկումնային քայլի գնալ: Իսկ այս խնդրի լուծումը պահանջում է հենց խիզախ և յուրօրինակ լուծումներ:

Գագիկ Բաղդասարյան, «Նովոստի-Արմենիա» գործակալության մեկնաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի: