480.44
-0.05
545.78
+5.04
8.07
-0.08
+24
Եղանակը Երևանում
Հայ
Շաբաթվա ամփոփում. Եվրամիությունն ու ՆԱՏՕ-ն կողմ են հայ-թուրքական հարաբերությունների կարգավորմանը
15:14
09 Նոյեմբերի 2009

Նախորդ շաբաթ Հայաստանի արտաքին քաղաքական բազմաթիվ շփումները սահմանեցին միջազգային հանրության մոտեցումը Հայաստանի քաղաքականության կարևոր հարցերին, հատկապես հայ-թուրքական հարաբերությունների բարելավման գործընթացի և ղարաբաղյան կարգավորման վերաբերյալ:

Թեև հայտնի արձանագրությունների ստորագրումից հետո միջազգային կազմակերպությունները և շահագրգիռ պետությունները բազմաթիվ անգամ հայտնել են իրենց  դիրքորոշումը, սակայն արտաքին քաղաքականության ակտիվ շփումներն ու այցերը ևս մեկ հնարավորություն ընձեռեցին միջազգային կազմակերպությունների ներկայացուցիչներին հայտնել իրենց կարծիքը։

Ճնշող մեծամասնությամբ միջազգային հանրությունը ողջունում և հավանություն է տալիս Հայաստանի և Թուրքիայի միջև հարաբերությունների բարելավմանը։

Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի ներկայացուցիչ Ռոբերտ Սիմոնսը Հայաստան կատարած այցի շրջանակներում հայտարարեց, որ Հայաստանի և Թուրքիայի միջև հարաբերությունների բարելավումը դրական ազդակ է տարածաշրջանի կայունացման համար։

Միաժամանակ Սիմոնսն ընդգծեց, որ հայ-թուրքական արձանագրությունները վերաբերում են երկու երկրների հարաբերություններին։

«Չնայած, որ Դաշինքը խրախուսում է այդ հարաբերությունների բարելավումը, այն չի կարող դառնալ տվյալ գործընթացի մասնակից և սատարել կողմերից որևէ մեկին»,- ասաց Սիմոնսը։ Ընդգծելով արձանագրությունների կայունացնող նշանակությունը՝ ՆԱՏՕ-ի գլխավոր քարտուղարի ներկայացուցիչը հույս հատնեց, որ արձանագրությունները կստորագրվեն։

Նա անդրադարձավ նաև ղարաբաղյան խնդրին՝ հայտարարելով, որ ՆԱՏՕ-ի քաղաքական ղեկավարությունը ղարաբաղյան խնդրի հանգուցալուծումը տեսնում է միայն ԵԱՀԿ Մինսկի խմբի շրջանակներում և բացառում է ուժի կիրառման հնարավորությունը։

Հայաստանի այն դիրքորոշումը, որ հակամարտությունը պետք է լուծվի խաղաղ ճանապարհով, այս շաբաթ արտահայտեց Հայաստանի արտգործնախարար Էդվարդ Նալբանդյանը։

Նա նաև կոչ արեց չկապակացել Լեռնային Ղարաբաղի հակամարտության կարգավորումը հայ-թուրքական հարաբերությունների բարելավման հետ։

«Բազմիցս խոսվել է այն մասին, որ այս երկու գործընթացները որևէ կերպ կապված չեն։ Այս մասին հայտարարել են նաև ԵԱՀԿ Մինսկի խմբի համանախագահները։ Կրկնեմ ևս մեկ անգամ՝ այս երկու գործընթացները՝ ղարաբաղյան խնդրի կարգավորումը և Թուրքիայի հետ հարաբերությունների բարելավումը միանգամայն առանձին և միմյանց հետ չկապված հարցեր են»,- ասաց նախարարը։

Արտգործնախարարը նշեց, որ միջազգային հանրությունը սպասում է հայ-թուրքական արձանագրությունների արագ վավերացմանն ու իրագործմանը։ «Ես կարծում եմ, որ ողջ միջազգային հանրությունը սպասում է արագ վավերացմանը և իրականացմանը, ինչպես նաև հարգանք է ակնկալում արձանագրություններում տեղ գտած պայմանավորվածությունների նկատմամբ»,- նշեց Նալբանդյանը։

Հայ-թուրքական հարաբերությունների վերաբերյալ դիրքորոշումը հայտնեց նաև Հարավային Կովկասում ԵՄ հատուկ ներկայացուցիչ Պիտեր Սեմնեբին։

«Հայ-թուրքական հարաբերությունները և ղարաբաղյան հակամարտությունը երկու տարբեր խնդիրներ են, պետք չէ դրանք կապակցել միմյանց։ Հակառակ դեպքում կարելի է ընկնել մի իրավիճակի մեջ, երբ կրկին կփակվեն հարաբերությունների բարելավման հնարավորությունները։ Եվ պետք է այնպես անել, որ դրանք միմյանց վրա հնարավորին չափ դրական ազդեն»,- ասաց Սեմնեբին։

Ըստ նրա, հայ-թուրքական բարելավումը դրական դինամիկա է ստեղծում։ «Այն իրավիճակում, երբ հայ ղեկավարությունը բախվում է միաժամանակ մի քանի խնդիրների հետ, այդ բարելավումն իրենց համար հնարավորություններ է ստեղծում կենտրոնանալու հետագա մեծ և բարդ հարցերի վրա»,- նկատեց Սեմնեբին։

Նա նաև վստահություն հայտնեց, որ հայկական ղեկավարությունը գիտակցում է, որ Ղարաբաղի ստատուս-քվոն հավերժ չի կարող լինել։

Հայաստանի ինչպես իշխանական, այնպես էլ ընդդիմադիր թևի ներքաղաքական ուժերը նույնպես կարծիք հայտնեցին արտաքին քաղաքականության առանցքային խնդիրների վերաբերյալ։

Հայաստանի Հանրապետական Կուսակցության խորհրդարանական խմբակցության քարտուղար Էդուարդ Շարմազանովը նշեց, որ Հայաստանը երբեք չի համաձայնի թուրքական կողմի նախապայմանների քաղաքականության հետ, և երբեք չի գնա Թուրքիայի հետ միակողմանի զիջումների։

«Հայաստանի համար Թուրքիայի հետ հարաբերությունների բարելավման հարցը գերխնդիր չէ, և մենք նպատակ չունենք ամեն գնով բացելու հայ-թուրքական սահմանը։ Հարցը միայն այն է, որ մենք իսկապես գիտակցում ենք, որ 21-րդ դարում փակ սահմաններով անհնար է արդյունավետ հարաբերություններ զարգացնել երկրների միջև»,- ասաց Շարմազանովը։

Իր հերթին, Պաշտպանության, ազգային անվտանգության և ներքին գործերի խորհրդարանական հանձնաժողովի ղեկավար, Դաշնակցության խմբակցության անդամ Հրայր Կարապետյանը հայտարարեց, որ Հայաստանի ԱԳՆ-ն ոչ ադեկվատ է արձագանքում թուրքական կողմի հայտարարություններին՝ հայ-թուրքական և ղարաբաղյան կարգավորման գործընթացների միջև ուղիղ կապի առկայությանը։

«Փոխանակ հստակ և ժամանակին պատասխան տալու թուրքական կողմի նմանատիպ հայտարարություններին, Հայաստանի ԱԳՆ-ն նախընտրում է պնդել, թե այդ հայտարարությունները նախատեսված են ներքին սպառման համար։ Սակայն ՄԱԿ-ի ամբիոնից արված հայտարարությունները չեն կարող լինել ներքին սպառման համար։ Սա Անկարայի պաշտոնական դիրքորոշումն է»,- ընդգծեց Կարապետյանը։ Պատգամավորի խոսքերով, Թուրքիան ամենաակնհայտ կերպով նախապայմաններ է առաջ քաշում Հայաստանին հարաբերությունների բարելավման գործում։

Ամենայն հավանականությամբ, արձանագրությունների վավերացման հարցը դեռևս երկար կարծարծվի։ Այս հարցի վերաբերյալ կարծիք կհայտնեն և քաղաքական գործիչները, և վերլուծաբանները։ Պետք է միայն զինվել համբերությամբ և սպասել Երևանի և Անկարայի քաղաքական որոշմանը։ Ենթադրություններն այս հարցում իսկապես անտեղի են։

Շողիկ Վարդանյան, հատուկ «Նովոստի-Արմենիա» գործակալության համար -0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։