478.76
-0.07
556.89
-1.04
7.99
+0.01
+22
Եղանակը Երևանում
Հայ
2:0 հօգուտ թուրքերի: Դիվանագիտական ֆուտբոլը շարունակվում է
11:08
19 Հոկտեմբերի 2009

ԵՐԵՎԱՆ, 19 հոկտեմբերի. /Նովոստի-Արմենիա/. Նախորդ շաբաթվա սկզբին հայտնի դարձավ այն, ինչի մասին բոլորն արդեն կռահում էին. ՀՀ նախագահ Սերժ Սարգսյանը կմեկնի Թուրքիա՝ Թուրքիա-Հայաստան ֆուտբոլային խաղը դիտելու նպատակով: Ինչպես մեկ տարի առաջ, այս անգամ նույնպես Հայաստանի և Թուրքիայի նախագահները միասին վայելեցին ֆուտբոլային հանդիպումը, որի ժամանակ հայկական հավաքականը պարտվեց 2:0 հաշվով: Իհարկե, սա այդքան էլ կարևոր չէ, ինչպես կարևոր չէ նաև այն, որ հայ լրագրողներին Բուրսայում քարկոծեցին, իսկ Հայաստանի օրհներգի ժամանակ թուրք երկրպագուները սուլեցին:

Կարևոր է այն, որ ՀՀ նախագահի կողմից նախաձեռնած տխրահռչակ «ֆուտբոլային դիվանագիտությունն» ավարտին հասավ: Սակայն, ամենայն հավանականությամբ, ֆուտբոլային դիվանագիտությունը երկկողմ հարաբերությունների կարգավորման միայն սկիզբն է՝ առաջին աստիճանը:

Հայ-թուրքական արձանագրությունների ստորագրման և ֆուտբոլային հանդիպմանը ՀՀ նախագահի մեկնելու վերաբերյալ բանավեճերի դադարից հետո հայկական և թուրքական հասարակություններում շրջանառվում է մեկ այլ հարց՝ «կվավերացվե՞ն, արդյոք, արձանագրությունները երկու երկրի խորհրդարաններում» և «ե՞րբ դա տեղի կունենա»:

Խոսելով հետագա զարգացումների մասին՝ Սարգսյանը նշել է, որ Հայաստանը համբերատար սպասում է իրադարձությունների հետագա զարգացմանը հայ-թուրքական հարաբերություններում:

«Գնդակը գտնվում է թուրքական կողմում, և մենք բավականաչափ համբերություն ունենք՝ իրադարձությունների հետագա զարգացմանը սպասելու համար», - ավելացրել է նախագահը:

Նա նաև հայտարարել է, որ եթե Թուրքիան վավերացնի արձանագրությունները, ապա հայկական կողմը կշարունակի գործընթացը:

Թուրքական հասարակությունում միանշանակ չեն Թուրքիայի խորհրդարանում արձանագրությունների վավերացման մասին կանխատեսումները: Միջին-արևելյան տեխնիկական համալսարանի գիտխորհրդի անդամ, պրոֆեսոր Հյուսեյն Բեգջին կարծում է, որ Թուրքիայի խորհրդարանը, անկախ ամեն ինչից, կվավերացնի Հայաստանի հետ հարաբերությունների հաստատման մասին արձանագրությունները, քանի որ դա «ժամանակի ոգու թելադրանքն է»:

Թուրքական կողմից հնչում են նաև արմատական հայտարարություններ:

«Թուրքիայի խորհրդարանը մտադիր չէ վավերացնել Հայաստանի հետ հարաբերությունների հաստատման մասին արձանագրություններն առանց ղարաբաղյան հակամարտության կարգավորման», - հայտարարել է Միջազգային հարաբերությունների և ռազմավարական վերլուծության թուրքական կենտրոնի տնօրեն Սինան Օհանը:

«Այսօր բոլոր հարցերը ետևում են, և առջևում կանգնած է կարևորագույն՝ ղարաբաղյան հակամարտության կարգավորման հարցը: Չնայած հայ-թուրքական ստորագրված արձանագրություններում չի հիշատակվում ղարաբաղյան հակամարտության կարգավորումը, սակայն Թուրքիայի խորհրդարանում չի անցնի ոչ մի փաստաթուղթ, որում չեն նշվում ղարաբաղյան հակամարտության կարգավորման մասին պահանջները», - ընդգծել է նա:

Միաժամանակ նա նշել է, որ ղարաբաղյան հակամարտության կարգավորում և այդ գործընթացի առաջընթաց չի կանխատեսվում մինչև 2010 թ.-ի ապրիլը:

Իսկ «Եվրոպական ինտեգրացիա» կազմակերպության ղեկավար Կարեն Բեքարյանը կարծում է, որ հայ-թուրքական և ղարաբաղյան գործընթացների շաղկապումը կարող է երկու գործընթացներում էլ բացասական հետևանքների հանգեցնել:

«Անկարայում շատ լավ հասկանում են, թե ինչ դժվար է մի երկրի համար, որն անցել է Ցեղասպանության և այն չճանաչելու երկարատև տարիների միջով, հարաբերություններ սկսել Թուրքիայի հետ, ընդ որում՝ որքան բարդ է անել դա առանց նախապայմանների, մասնավորապես՝ առանց Անկարայի կողմից ցեղասպանության ճանաչման: Եվ առավել դժվար է, երբ այդ երկիրն ինքն է նախապայմաններ ներկայացնում», - ասել է Բեքարյանը:

«Եթե Թուրքիան շարունակի Ղարաբաղի վերաբերյալ կտրուկ արտահայտությունները, ապա դա բավականին բացասաբար կանդրադառնա ղարաբաղյան գործընթացի անաչառության վրա», - հայտարարել է նա:

Եվս մեկ թուրք փորձագետ՝ Եվրոպական կայունության նախաձեռնության (European Stability Initiative) ավագ վերլուծաբան Նիգար Գոքսելը (Nigar Goksel) կարծում է, որ չարժե ակնկալել, որ Թուրքիայի խորհրդարանը կվավերացնի հայ-թուրքական արձանագրությունները շատ կարճ ժամանակում:

«Վերջիվերջո այդ քայլը կարվի, սակայն եթե մենք սպասում ենք, որ այն կարվի շատ կարճ ժամկետներում, ապա մենք կհուսախաբվենք», - ասել է նա:

Թուրքագետ, Երևանի պետական համալսարանի արևելագիտական ֆակուլտետի դեկանի տեղակալ Ռուբեն Մելքոնյանն իր հերթին կանխատեսում է, որ հայ-թուրքական սահմանը կարող է բացվել 2010 թ.-ի առաջին կիսամյակում Թուրքիայի կողմից քաղաքական որոշում ընդունելու դեպքում:

Հայաստանի իշխանության ներկայացուցիչները, ինչպես միշտ, լավատես են և գոհ գործընթացից:

«Ցյուրիխում հայ-թուրքական արձանագրությունների ստորագրումը ցույց տվեց նախորդ տարվա ընթացքում հայկական դիվանագիտության հաջողությունը», - ասել է Հայաստանի հանրապետական կուսակցության խորհրդարանական խմբակցության քարտուղար Էդուարդ Շարմազանովը:

Նրա խոսքերով, ՀՀ նախագահի կողմից մեկ տարվա ընթացքում իրականացված քաղաքականությունը արգասաբեր էր, «ինչը հաստատում է Հայաստանի և Թուրքիայի միջև առանց նախապայմանների հարաբերությունների հաստատման փաստաթղթի ստորագրումը»:

Միաժամանակ ՀՅԴ-ն հայտարարում է, որ բոլոր քաղաքական և սահմանադրական միջոցներով պայքարելու է Հայաստանի խորհրդարանում հայ-թուրքական արձանագրությունների վավերացման դեմ: Կուսակցության անդամների խոսքերով, նրանք կանգ չեն առնի նույնիսկ իշխանափոխության պահանջի առջև:

Շողիկ Վարդանյան, «Նովոստի-Արմենիա» գործակալության թղթակից:-0-

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։