484.75
-0.5
571.76
+2.32
8.19
+0.01
-2
Եղանակը Երևանում
Հայ
«Անվտանգությունը Հարավային Կովկասում. տարածաշրջանի ժողովուրդների շահերի իրացումը» թեմայով միջազգային գիտագործնական համաժողովը կնպաստի տարածաշրջանը խաղաղության գոտի դարձնելու գործին
18:10
05 Հոկտեմբերի 2009

ԵՐԵՎԱՆ, 5 հոկտեմբերի. /Նովոստի-Արմենիա/. Ռուս-հայկական (Սլավոնական) համալսարանի և ՌԻԱ Նովոստիի «Անվտանգությունը Հարավային Կովկասում. տարածաշրջանի ժողովուրդների շահերի իրացումը» թեմայով համատեղ համաժողովը, որն անցկացվեց հոկտեմբերի 2-ին ՌՀՀ-ում, տարբերվում էր ոչ միայն քննարկվող թեմաների ավանդական լայն շրջանակով, այլև իր ուղերձով:

Լիագումար նիստին մասնակցող գրեթե բոլոր հռետորները դիմում էին դահլիճում նստած ուսանղներին և նրանց ուշադրությունը սևեռում այն հանգամանքին, որ հենց երիտասարդ սերնդից է կախված իրենց երկրի ու ընդհանրապես տարածաշրջանի ապագան:

ՌԴ ԱԳՆ ղեկավար Սերգեյ Լավրովի՝ համաժողովի մասնակիցներին ուղղված ողջույնի խոսքում ասվում է, որ Ռուսաստանն իր կողմից մշտապես կողմ է Անդրկովկասում խաղաղության, կայունության և անվտանգության ամրապնդմանը:

«Համոզված եմ, որ վերջիվերջո դարեր շարունակ կողք-կողքի բնակվող Կովկասի ժողովուրդները կկարողանան հաղթահարել փոխադարձ տարաձայնություններն ու տարածաշրջանը դարձնել խաղաղության և բարգավաճման գոտի», - ասել է Լավրովը:

Այս առնչությամբ ԱԳՆ ղեկավարը հույս հայտնեց, որ այս համաժողովը կնպաստի առաջընթացին այս ուղղությամբ: «Ռուսաստանն իր կողմից մշտապես կողմ է Անդրկովկասում խաղաղության, կայունության և անվտանգության ամրապնդմանը, տարածաշրջանում փոխադարձ վստահության մթնոլորտի, բարիդրացիական հարաբերությունների և հանդուրժողականության ձևավորմանը», - ասվում է Լավրովի ուղերձում:

«ՌԻԱ Նովոստի» միջազգային լրատվության ռուսական գործակալության ԱՊՀ և Բալթյան երկրների խմբագրության ղեկավար Ալան Կասաևն ընդգծեց, որ համաժողովի ամենագլխավոր նպատակը ՌՀՀ ուսանողներին միջազգային հարաբերությունների ու անվտանգության ոլորտում առաջատար քաղաքագետների, տնտեսագետների, լրագրողների, փորձագետների (ընդ որում ոչ միայն Ռուսաստանից, այլև Մեծ Բրիտանիայից, ԱՄՆ-ից ու Վրաստանից) վարպետության դասընթացներն ու դասախոսությունները լսելու, նրանց հետ շփվելու հնարավորություն տալն է: «Ուսանողների համար սա շատ կարևոր է, այս միջոցառման նշանակությունը երիտասարդության համար գերագնահատելը դժվար է»,- ընդգծեց նա:

ՌՀՀ ռեկտոր Արմեն Դարբինյանը, հիշեցնելով, որ ամենամյա համաժողովը ՌՀՀ-ում կազմակերպվում է արդեն չորրորդ տարին անընդմեջ և դարձել է ավանդական, ասաց, որ ընտրված թեման լիովին արդիական է ուսանողության, մագիստրոսների, ասպիրանտների և դասախոսական կազմի համար: «Հարավային Կովկասում անվտանգության թեման այսօր ինչպես երբևէ արդիական է, սա կապված է ինչպես Ռուսաստանի շահերի հետ Կովկասում, այնպես էլ Լեռնային Ղարաբաղի կարգավորման հեռանկարների, հայ-թուրքական հարաբերությունների հետ, որոնք այժմ ընթանում են մեր աչքի առաջ»,- ասաց նա:   

Որպես ողջ համաժողովի լեյտմոտիվ հնչում էր գաղափարն այն մասին, որ Հարավային Կովկասի համար ժամանակն է որոշել, թե ինքն ինչ դեր է ուզում խաղալ աշխարհի աշխարհաքաղաքական քարտեզում: ԱՄՆ Անվտանգության ինստիտուտի ռուսական և ասիական ծրագրերի տնօրեն Նիկոլայ Զլոբինն այն կարծիքին է, որ կովկասյան վերնախավերն այսօր բավականին մեծ հնարավորություն ունեն որոշելու իրենց տեղը ժամանակակից աշխարհում: 

Նա հաստատում է, որ եթե Հարավային Կովկասի իշխող քաղաքական դասն ի վիճակի չլինի ավելի վեր բարձրանալու «այսօրվա կռվշտուքի խնդիրներից», ապա «Կովկասը դեռևս որոշ ժամանակ, հնարավոր է, երկար ժամանակ շարունակի մնալ գավառական տարածաշրջան, որն ուրիշների, միգուցե փոքր տերությունների շահերի գերին է և ի վիճակի չի լինի իր սեփական դիրքորոշումը մշակել իր և ամբողջ աշխարհի համար»:  

Զլոբինն, ընդ որում, չի բացառում այն հնարավորությունը, որի դեպքում Կովկասը կարող էր փորձել առկա խնդիրների լուծման արդյունավետ մոդել դառնալ՝ գտնելով և աշխարհին առաջարկելով իր տնտեսական, քաղաքական, տարածքային, էթնիկ, մշակութային և սոցիալական խնդիրների լուծման անսովոր ելք ու այնպիսի մոդել, որ ամբողջ աշխարն ասի. «Եկեք նայենք Կովկասին ու անենք այնպես, ինչպես իրենք, քանի որ այնպիսի տպավորություն է, կարծես նրանք գտել են ձեզ մոտ առկա շատ խնդիրների լուծման ոսկե բանալին»:

Տարածաշրջանում Ռուսաստանի դերը, մասնավորապես, խաղաղապահ գործընթացներին սատարելու համատեքստում, հատուկ նշեց ռուս հայտնի լրագրող, ՌԴ Հանրային պալատի հանձնաժողովի հեռուստահաղորդավար անդամ Մաքսիմ Շևչենկոն: «Որքան շատ լինի խաղաղությունը Ռուսաստանի սահմանների շուրջ, այնքան ավելի ուժեղ կլինի նրա դիրքորոշումը, որքան շատ լինեն էթնիկ պատերազմները մեր սահմանների շուրջ, այնքան մեր քաղաքականությունը վատը կլինի և այնքան թույլ կլինի մեր դիրքորոշումը»,- ասաց նա:

Նա ունկնդիրների ուշադրությունը սևեռեց այն հանգամանքին, որ Ռուսաստանին Հարավային Կովկասում տեղի ունեցող գործընթացներից մեկուսացնելու բոլոր փորձերը ոչ միայն անհեռանկարային են, այլև կործանարար հենց Հարավային Կովկասի գործընթացների համար:  

Կովկասի խնդիրների հանդեպ բավականին հետաքրքիր դիրքորոշմամբ հանդես եկավ «Ջորջիան Թայմս» հոլդինգի նախագահ, «Ազրի» ռազմավարական հետազոտությունների կենտրոնի ղեկավար Մալխազ Գուլաշվիլին, ով առաջ քաշեց Կովկասի ներուժն ու հնարավորությունները միավորելու հայեցակարգը «Խաղաղ Կովկաս» միասնական կարգախոսով: Նա կարծում է, որ Կովկասի բոլոր ժողովուրդները պետք է միավորվեն կովկասյան Հանրային Խորհուրդ միասնական կառույցում կամ ավագանու խորհրդում: Նման զարգացման իր տեսլականում Գուլաշվիլին հնչեցրեց նաև Կովկասյան բանկի ստեղծման գաղափարը, որը կարող է ֆինանսավորել տարածաշրջանային մասշտաբի բոլոր նախագծերը կովկասյան արժեքներն ու մտածելակերպը խրախուսելու համար:  

«ՍՈՖԻԱ» քաղաքական հետազոտությունների կենտրոնի (Ուկրաինա) ղեկավար Անդրեյ Երմոլաևը կարծում է, որ վերջին դարերի փորձը ցույց է տալիս, որ ազգերն ու պետությունները փոփոխական են, և գոյատևում է այն ժողովուրդը, որը կարող է յուրաքանչյուր որոշակի պատմական իրավիճակում սահմանել իր դերը, պահպանել իր անհատականությունը, գտնել իր տեղը և աշխատանքի բաշխման, և մշակութային մրցակցության մեջ և գործընկերների հետ հարաբերություններում, որոնք ինքն առաջնահերթային է համարում:   

Խորհրդաժողովի ընթացքում քննարկվել են այնպիսի արդիական խնդիրներ, որոնք անհետաձգելի որոշում են պահանջում ոչ միայն տարածաշրջանային, այլև գլոբալ անվտանգության առումով:

Փորձագետները համակարծիք էին այն հարցում, որ քննարկումներից հետո իրենք ավելի հստակ են հասկացել իրավիճակը, ինչը թույլ է տալիս անհամեմատ լավ գնահատել Կովկասում տիրող իրավիճակն ու հնարավոր ուղիներ գտնել հակամարտությունների համար:

Նիկոլայ Զլոբինը վստահ է, որ նման խորհրդաժողովի անցկացումը փորձագիտական կարծիք ձևավորելու և դժվար կացության մեջ մոլորված քաղաքական գործիչներին գրագետ կերպով կողմնորոշվելու հնարավորություն կտա:

Սա թվով չորրորդ ամենամյա միջազգային համաժողովն էր, որը կազմակերպում է «ՌԻԱ Նովոստին»՝ Հայաստանի, Ադրբեջանի և Վրաստանի լրագրողական և փորձագիտական հանրության ներկայացուցիչների, ինչպես նաև հայտնի ռուս գիտնականների, տնտեսագետների, քաղաքագետների, առաջատար բուհերի, տպագիր և էլեկտրոնային հրատարակությունների ղեկավարների մասնակությամբ: Համաժողովը Հարավային Կովկասի տարածաշրջանի երկրների հետ «ՌԻԱ Նովոստիի» տեղեկատվական համագործակցության գաղափարների առաջխաղացմանն ուղղված մի շարք միջոցառումների շարունակությունն էր:-0-

Ելենա Դավիդյան. «Նովոստի-Արմենիա» գործակալության թղթակից

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին: