486.33
+0.12
521.78
+4.16
8.19
+0.04
-4
Եղանակը Երևանում
Հայ
Հայաստանի իշխանությունները հավանություն են տվել հայ-թուրքական հարաբերությունների կարգավորմանը, իսկ ԵԱՀՄ ՄԽ համանախագհները հուսով եմ, որ Սարգսյան-Ալիև Քիշնևում կայանալիք հանդիպումն արդյունավետ կլինի
12:20
05 Հոկտեմբերի 2009

ԵՐԵՎԱՆ, 5 հոկտեմբերի. /Նովոստի-Արմենիա/. Հայաստանի քաղաքական շաբաթը, անշուշտ, աննախադեպ բուռն էր: Ղարաբաղյան հակամարտության կարգավորման ԵԱՀԿ ՄԽ համանախագահների այցը, հայ-թուրքական հարաբերությունների նոր զարգացումները, երկրի բարձրագույն ղեկավարության հայտարարությունները և այլ իրադարձություններն ալեկոծել են երկրի քաղաքական կյանքը: Նախորդ շաբաթ մեկնարկեց ՀՀ նախագահ Սերժ Սարգսյանի համահայկական շրջայցը, նա այցելեց Փարիզ, Նյու Յորք, Լոս-Անջելես, Բեյրութ, Դոնի Ռոստով, որտեղ հանդիպեց հայկական համայնքի ներկայացուցիչների հետ:

Այցի հիմնական նպատակն էր քննարկել հայ-թուրքական հարաբերությունների կարգավորման գործընթացը: Հայկական սփյուռքը մեծ մտավախություն ունի, որ Թուրքիայի հետ դիվանագիտական հարաբերություններ հաստատելուց հետո Հայոց ցեղասպանության միջազգային ճանաչման հարցը կմղվի երկրորդ պլան:

Երկրի ղեկավարը ևս մեկ անգամ ընդգծել է, որ հայ-թուրքական հարաբերությունների կարգավորումը կասկածի տակ չի դնում Օսմանյան կայսրությունում Հայոց ցեղասպանության փաստը:

«Հայոց Ցեղասպանության եղելությունը ապացուցման անհրաժեշտությունը չունի: Եվ Թուրքիայի իշխանությունները ստիպված են լինելու վաղ թե ուշ հաշվի նստել 1.5 միլիոն անմեղ զոհերի ու տարագրված մի ողջ ժողովրդի սերունդների ցավի ու կատարված եղեռնագործության փաստի հետ»,- ընդգծել է Սարգսյանը՝ նշելով, որ հակառակի մասին ցանկացած պնդումները անտեղի են և անիմաստ:

Հայ-թուրքական հարաբերությունների հարցը քննարկվել է նաև ՀՀ նախագահի և Հանրային խորհրդի անդամների հետ հանդիպման ժամանակ: ՀՀ նախագահն անզիջում էր և իր կարծիքն արտահայտում էր բավականին կոշտ և վճռականորեն:

Իր քաղաքականության քննադատներին նա հիշեցրել է, որ նրանք դեռեւս մեկուկես-երկու տարի առաջ հնարավորություն ունեին ներկայացնել իրենց կարծիքը:

«Մենք ունեցել ենք խորհրդարանական և նախագահական ընտրություններ, և այսօրվա մեր քննադատներից մեկը կարող էր վեր կենալ և ասել` նախընտրական այս ծրագրում կամ փաստաթղթում Թուրքիայի հետ հարաբերություններ հաստատելու դրույթն ընդհանրապես դատապարտելի է»,- հայտարարեց նախագահը:

«Թուրքերի հետ հարաբերություններ հաստատել բնավ չի նշանակում Ցեղասպանությունը կասկածի տակ առնել, առավել ևս` այն մոռանալ: Դա ուղղակի անհնար է: Որևէ նորմալ մտածող հայ մարդ չի կարող Ցեղասպանությունը մոռանալ»,-ընդգծել է երկրի ղեկավարը:

Նա հայտարարել է նաև, որ հայ-թուրքական հարաբերությունների կարգավորման գործընթացը սկսվել և ընթանում է առանց նախապայմանների:

Սարգսյանը նշել է, ցանկացած փաստաթուղթ կարող է տարբեր կերպ ընկալվել: «Բայց երբ տեսնում ես, որ խոսողները շատ են, իսկ նրանց նպատակը հույզերի վրա խաղալով դիվիդենտներ շահելն է, սա արդեն վատ է: Իհարկե, կան քաղաքական կուսակցություններ և մարդիկ, ովքեր համոզված են իրենց ճշմարտացիության մեջ: Այս դեպքում մենք այդ կարծիքը պետք է հարգենք»,- ասել է նախագահը:

Հայ-թուրքական հարաբերությունների կարգավորման իշխանությունների քաղաքականությանն աջակցել են Հայաստանի իշխող կոալիցիայի խորհրդարանական խմբակցությունները՝ Հայաստանի Հանրապետական կուսակցությունը, «Օրինաց երկիր» և «Բարգավաճ Հայաստան» կուսակցությունները, որոնք հոկտեմբերի 2-ին հանդես եկան համատեղ հայտարարությամբ: Իշխող կոալիցիան ասաց իր խոսքը, և, ամենայն հավանականությամբ, թեմայի վերաբերյալ հետագա ցանկացած քննարկում անիմաստ կլինի:

Նախորդ շաբաթ տարածաշրջան այցելեցին ղարաբաղյան հակամարտության կարգավորման ԵԱՀԿ ՄԽ համանախագահները:

ԵԱՀԿ ՄԽ ամերիկացի համանախագահ Ռոբերտ Բրադտկեն հայտարարեց, որ ԵԱՀԿ Մինսկի խմբի շրջանակներում ընթացող ղարաբաղյան հակամարտության կարգավորման գործընթացը պետք է ընթանա առանց նախապայմանների: Բրադտկեին երկրորդեց ԵԱՀԿ ՄԽ ֆրանսիացի համանախագահ Բեռնար Ֆասիեն:

«Ղարաբաղյան հակամարտության կարգավորման բանակցային գործընթացը պետք է առաջ ընթանա՝ հետևելով սեփական տրամաբանությանը, ժամանակացույցին և առանց որևէ արհեստական տարրերի», - նշել է Ֆասիեն:

ԵԱՀԿ ՄԽ համանախագահները հույս ունեն, որ Հայաստանի և Ադրբեջանի նախագահները կհամաձայնեն հոկտեմբերի 8-ին հանդիպել Քիշնևում:

«Մենք հույս ունենք, որ Բաքվում, ինչպես և Երևանում կընդունվի հոկտեմբերի 8-ին՝ Քիշնևում ԱՊՀ ղեկավարների վեհաժողովի նախօրեին, երկու երկրների նախագահների հերթական հանդիպումը անցկացնելու մեր առաջարկը»,- ասել է Ղարաբաղյան հակամարտության հարցով ԵԱՀԿ ՄԽ ռուս համանախագահ Յուրի Մերզլյակովը:   

Խոսելով Ղարաբաղը բանակցային գործընթացին միացնելու մասին՝ Մերզլյակովը նշել է, որ համանախագահները միշտ կարծել են, որ անպայման կգա այն պահը, երբ Ղարաբաղը կվերադառնա բանակցությունների սեղանի շուրջ: 

«Սա համաձայնագիր կլինի Ղարաբաղյան հակամարտության խաղաղ կարգավորման մասին, և, իհարկե, այնտեղ, որտեղ խոսքը ԼՂՀ բնակչության ու կարգավիճակի մասին է, Լեռնային Ղարաբաղի ներկայացուցիչների մասնակցությունը պարտադիր կլինի»,- ընդգծել է Մերզլյակովը:

Սակայն Հայաստանի ղեկավարությունն այնքան էլ լավատես չէ այդ հարցում: ՀՀ նախագահը Փարիզում հայտարարեց, որ ղարաբաղյան հակամարտության կարգավորման վերաբերյալ համաձայնագրի ստորագրումը մոտ ժամանակներս իրատեսական չէ:

Տարածաշրջանային նշանակության հարցեր են քննարկվել նաև հոկտեմբերի 1-4-ը Երևանում անցկացված «Անվտանգությունը Հարավային Կովկասում. տարածաշրջանի ժողովուրդների շահերի իրացումը» թեմայով միջազգային գիտագործնական համաժողովում, որը կազմակերպել են Ռուս-հայկական (Սլավոնական) համալսարանը և «ՌԻԱ Նովոստի» գործակալությունը:

Ռուսաստանը, Հայաստանը, Վրաստանը, ԱՄՆ-ն, Ուկրաինան և Մեծ Բրիտանիան ներկայացնող քաղաքագիտության և տնտեսագիտության ոլորտի առաջատար փորձագետները, լրագրողներն իրենց կարծիքը հայտնեցին տարածաշրջանային նշանակություն ունեցող խնդիրների շուրջ:

Ողջ համաժողովի լեյտմոտիվը այն գաղափարն էր, որ եկել է ժամանակը, որպեսզի Հարավային Կովկասը կողմնորոշվի, թե ինչ դեր է ցանկանում խաղալ աշխարհի աշխարհաքաղաքական քարտեզի վրա:

Շողիկ Վարդանյան, ԱՄԻ «Նովոստի-Արմենիայի» թղթակից:-0-

Loading...
Թեմատիկ նյութեր
Բաժնի այլ նյութեր
15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։