482.26
+0.64
516.89
-1.62
7.57
+0.02
0
Եղանակը Երևանում
Հայ
Պայքար «Ժառանգության» համար
15:14
15 Սեպտեմբերի 2009

Անցյալ շաբաթ լուրջ կրքեր էին բորբոքվել հայկական ընդդիմադիր կուսակցության շուրջ, որը հիմնադիրները  ռոմանտիկ պաթոսով «Ժառանգություն» էին անվանել։ Կուսակցության շարքերից հեռացվել էին կուսակցության երեք անդամներ, այդ թվում՝ խորհրդարանի պատգամավոր Վարդան Խաչատրյանը։ Կուսակցության ղեկավարությունը հայտարարում է, որ «Ժառանգությունը» շարունակում է նորմալ գործել, և որևէ աղետալի բան տեղի չի ունեցել։ Ավելի պակաս լավատես փորձագետները կողքից զգուշորեն ակնարկում են փլուզման հնարավորության մասին, իսկ իրենց կուսակցական տոմսերին հրաժեշտ տված նախկին դաշնակիցները հարազատ քաղաքական ուժի գրեթե հուղարկավորությունն են կատարում։  

Դրամատիզմով հագեցած ներկուսակցական անցքերը, որոնք, ինչպես դա ընդունված է Հայաստանում, ուղեկցվում են անցումով անձանց, բարձր տոնով խոսակցություններով, էկրաններին «հանուն ճշմարտության տուժած» ու «իսկությունը ճաշակած» գործիչների հայտնվելով, որոշ չափով բազմազանեցրին Հայաստանի՝ վերջին շրջանում հայ-թուրքական հարաբերությունների ապագայի մասին անվերջ դատողությունների միատոն գույներով ներկված քաղաքական պատկերը։      

«Ժառանգության» հետ կապված իրավիճակը, չնայած որոշակի առնձնահատուկ գծերին, որքան էլ տարիօրինակ է, լիովին օրինաչափ է ու լիարժեք կերպով համահունչ է ժամանակակից Հայաստանի քաղաքական գործընթացների տրամաբանությանը։ Ստեղծված իրավիճակը օրինաչափ է նախևառաջ նրանով, որ մեկ մարդու խարիզմայի վրա ստեղծված ցանկացած կուսակցություն վաղ թե ուշ բախվում է մեծ ու բարդ քաղաքական կյանքում իր տեղը գտնելու խնդիրների որոնման հետ, ինքնահաստատման անհրաժեշտության ու այն գաղափարը հաստատելու փորձերի հետ, որ ոչ թե մարդն է զարդարում կուսակցությանը, այլ՝ կուսակցությունը մարդուն:

«Ժառանգությունը» հիմնադրել է ժամանակակից Հայաստանի առաջին արտգործնախարար Րաֆֆի Հովհաննիսյանը։ ԱՄՆ-ում փայլուն կրթություն ստացած ամերիկացի հայն ու հայտնի գիտնականի որդին ոչնչով իրեն չի անվանարկել. հենց նրա մեջ բողոքող ընտրազանգվածի զգալի մասը տեսավ գործող իշխանության ու արմատական տրամադրված ընդդիմության իրական այլընտրանքը։ Եթե դրան գումարենք գրեթե սրբազան թրթիռը, որով հայկական լյումպենը լսում է հարգարժան քաղաքական գործչի արտաբերած խոսքերը, ապա Րաֆֆի Հովհաննիսյանի նախաձեռնած ցանկացած նախագծի հաջողությունը կանխորոշված էր։    

Այդպես էլ պատահեց։ Նախկին արտգործնախարարի գլխավորած «Ժառանգություն» կուսակցությունը 2007 թ.-ին անցավ հայկական խորհրդարան։ Հաշվի առնելով, որ այդ պահին ավանդական ընդդիմադիր ուժերը երկրում գրեթե կաթվածահար էին, իսկ իշխանությունից դժգոհ մարդկանց թիվը դեռևս մեծ էր, թվում էր, որ հենց «Ժառանգությանն» է տրված դառնալու այն ուժը, որը երկրում կձևավորեր նոր համակարգային ընդդիմություն։

Ամեն ինչ հենց դրան էլ գնում էր, քանի դեռ Հայաստանի՝ իշխանությանը կարոտած նախկին ղեկավարները չհամոզեցին մեծ քաղաքականություն վերադառնալ իրենց նախկին առաջնորդ, ՀՀ նախկին նախագահ Լևոն Տեր-Պետրոսյանին։

Ռաֆինացված դիվանագետ Րաֆֆի Հովհաննիսյանի «ճերմակ ձեռնոցներն» ու նրա արիստոկրատ շարժուձևը քաղաքականության մեջ խորթ էին Տեր-Պետրոսյանի՝ «փողոցային կռվում» կոփված կողմնակիցներին։

«Ժառանգության» և Տեր-Պետրոսյանին շրջապատող քաղաքական ուժերի մոտեցումների տարբերությունները հստակ դրսևորվեցին 2008 թ.-ի մարտի 1-ին։
                                            
Խորհրդանշական է, որ այդ օրը հենց «Ժառանգություն» կուսակցության վարչության ներկայիս նախագահ Արմեն Մարտիրոսյանը կյաքի գնով նետվեց փրկելու ոստիկանին, որի վրա հարձակվել էին «խաղաղ» ցուցարարները։

Այսօր, չնայած քաղաքական պայքարի հանդեպ տարբեր հայացքներին, իրենց բացառիկ ընդդիմադիր կարգավիճակը առաջ մղող որոշ քաղաքական ուժեր դեմ չեն օգտվել «Ժառանգության»՝ նախկին արտգործնախարարի հավաքած ընտրազանգվածի ներուժից և կուսակցությունը դարձնել, լավագույն դեպքում, իրենց հավելուկը։

Ելնելով նրանից, թե ինչ ձևակերպումներով են «Ժառանգությունից» հեռացվել դրա որոշ անդամներ, այդ կուսակցությունում ամեն ինչ չէ, որ դեմ էր արմատական ընդդիմության նման ծրագրերին։ Կասկած չի հարուցում այն փաստը, որ իշխանությունների հասցեին հնչող քննադատությունը, որոցով հանդես են գալիս «Ժառանգության» ներկայացուցիչները, պակաս սուր չէ։ Բայց դրանցում չկան արմատական ընդդիմադիրների սիրելի «ժողովրդի թշնամիների» ու նրա «փրկիչների» մասին բոլշևիկյան ձևակերպումները։
 
Կուսակցությունում իրավիճակը բարդանում է դրա հիմնադրի քաղաքական պասիվությամբ։ Րաֆֆի Հովհաննիսյանը հրաժարվեց պատգամավորական մանդատից, մարդկանց շրջանում չի երևում և զերծ է մնում կուսակցությունում ստեղծված իրավիճակի մասին հանրային մեկնաբանություններից։   

Հովհաննիսյանի լռությունը ասեկոսներ ու ամենատարբեր խոսակցություններ է առաջացնում։ Զոյա Թադևոսյանը՝ վարչության երեք անդամներից մեկը, որին հեռացրել էին կուսակցությունից, խոսում է Րաֆֆի Հովհաննիսյանի հրաժարականի մասին։ Նրա հետ համաձայն չէ «Ժառանգության» մամուլի քարտուղար Հովսեփ Խուրշուդյանը, որը հավաստում է, որ «Ժառանգությունից» նրա հիմնդրի հեռանալը չի համապատասխանում իրականությանը։

Այդուհանդերձ, վերջնական պատասխանները պետք է տա հենց Հովհաննիսյանը։ Չէ՞ որ կուսակցությունը նրա հետ և առանց նրա՝ երկու միանգամայն տարբեր բան է։ -0-

Գագիկ Բաղդասարյան, «Նովոստի-Արմենիա» գործակալության տեսաբան

Հեղինակի կարծիքը կարող է չհամընկնել խմբագրության դիրքորոշման հետ

 

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: