484.11
-0.64
570.43
-1.33
8.23
+0.04
-2
Եղանակը Երևանում
Հայ
Առաջին անգամ առաջին դասարան. սեպտեմբերի 1-ի բերկրանքն ու հոգսերը
17:30
01 Սեպտեմբերի 2009

Ահա և եկավ երկար սպասված հուզիչ օրը. երեխան դպրոց է գնում: Դպրոցի շենքի մուտքին «Բարի գալուստ» գրությունն է փակցված, և երեխաները ծնողների ձեռքը բռնած սրտի թրթիռով մտնում են բաղձալի դռներից ներս: Ծնողներին բազում հարցեր են տանջում՝ «կհարմարվի՞ արդյոք երեխան դպրոցին», «հեշտ կլինի՞ արդյոք սովորելը», «կկարողանա՞ արդյոք լավ ընկերներ ձեռք բերել»:  

Ծնողների մտահոգությունն ի զուր չէ, չէ՞ որ ոչ մի երեխա մյուսին նման չէ. յուրաքանչյուրն իր ներաշխարհն ունի, իր վախերն ու իր, առայժմ չբացահայտված տաղանդները: Բոլոր այս հատկությունները պետք է դրսևորվեն հենց դպրոցում, և երևի թե դժվար է գերագնահատել շրջակա միջավայրի դերը անհատի ձևավորման, ուսուցիչների ազդեցությունը ապագա մասնագիտության ընտրության, տարեկիցների հետ շփումը անհատական հատկանիշների ձևավորման վրա:

Դպրոցական առաջին օրերը հեշտ չեն լինում առաջին դասարանցու համար. նա սովոր չէ դպրոցական խիստ ռեժիմին, իր կյանքի հիմնական զբաղմունքը մինչ օրս խաղն է եղել, իսկ ուշադրությունը կենտրոնացնելը չափազանց դժվար է, շրջապատում ամեն ինչ նոր է ու հետաքրքիր:  

Անանիա Շիրակացու անվան վարժարանի միջին դպրոցի տնօրեն, հոգեբան Հասմիկ Վարդանյանի կարծիքով, մանկապարտեզ գնացած երեխաները շատ ավելի հեշտությամբ են հարմարվում դպրոցին:

«Մանկապարտեզում երեխան շփվում է իր տարեկիցների հետ, ինչի արդյունքում նրա մոտ զարգանում են հաղորդակցվելու հմտությունները»,- նշեց Վարդանյանը «Նովոստի-Արմենիա» գործակալության թղթակցի հետ զրույցում:   

Հոգեբանն ընդգծեց, որ դպրոցին հեշտ հարամարվելու համար երեխային անհրաժեշտ է որոշակի մտավոր և անհատական պատրաստվածություն, ինչպես նաև կամային հատկությունների զարգացվածություն: Ընդ որում նա նշեց, որ մտավոր պատրաստվածության տակ պետք է հասկանալ ոչ թե երեխայի գրել-կարդալու իմացությունը, այլև վերլուծելու, ամփոփելու, համեմատելու ունակությունը: Նրա խոսքերով, այս հատկանիշների զարգացմանը մեծապես նպաստում են տարբեր ինտելեկտուալ խաղերը:

Վարդանյանը նշեց, որ երեխայի նախադպրոցական զարգացումը ենթադրում է ճիշտ պատրաստվածություն դպրոցին, դասերին, ուսուցիչներին, իսկ կամային պատրաստվածությունը՝ մեծերին լսելու ունակություն, կարգապահություն, սեփական անձի առջև առաջադրանքներ դնելու և դրանց հասնելու կարողություն:

«Նման պատրաստվածության բացակայությունը կարող է երեխայի մոտ լարվածություն, վախ, անհանգստություն ու սովորելու հետ կապված այլ դժվարություններ առաջ բերել»,- ասաց հոգեբանը:

Փորձագետը խորհուրդ տվեց ծնողներին ոչ մի դեպքում սկզբից ևեթ երեխայի ուշադրությունը չսևեռել գնահատականների վրա:

«Սա կարող է լրացուցիչ վախ հարուցել: Հակառակը, ծնողները պետք է օգնեն երեխային չվախենալ դժվարություններից, օրինակ, ասել. «Եթե դու սովորելու հետ կապված դժվարություններ ունենաս, մենք միասին կհաղթահարենք դրանք»: Լավ կլինի նաև, եթե ծնողը նախապես երեխայի հետ այցելի դպրոց, որպեսզի երեխան մինչև սեպտեմբերի 1-ը ծանոթ լինի իրադրությանը»,- նշեց Վարդանյանը:   

Ընդ որում նա հավելեց, որ ոչ մի դեպքում չի կարելի նախատել կամ ամոթանք տալ երեխային սեփական վախերի համար, պետք է ըմբռնում ու հոգատարություն ցուցաբերել:

«Հետո շատ կարևոր է ժամանակին երեխայի ետևից դպրոց գալը, ծնողի ուշացումը երբեմն իսկական սթրես է երեխայի համար: Երեխաների մեծամասնությունը, հատկապես ամենափոքրերը, սրտի խորքում վախենում են, որ մայրիկը կմոռանա իրեն վերցնել դպրոցից»,- ասաց հոգեբանը: 

Մեր կողմից հարցված գրեթե բոլոր առաջին դասարանցիներն ու նրանց ծնողները ամենայն մանրամասնությամբ ու հուզմունքով են պատրաստվել դպրոցի առաջին օրվան:  

Առաջին անգամ դպրոց գնացող Արփիի մայրիկը՝ Շուշանը, ասաց, որ աղջկա համար դպրոցական լավագույն պիտույքներն է գնել:   

Դպրոցին պատրաստվելու հուզմունքից զատ, այդ գործընթացը նաև մեծ ծախսեր է պահանջում: Ինչպես «Նովոստի-Արմենիա» գործակալությանը պատմեց Շուշանը, դպրոցին պատրաստվելն իրենց ընտանեկան բյուջեի վրա շուրջ 100 հազար դրամ նստեց /մոտ 270 դոլար/:

«Հագուստի վրա մենք շուրջ 40 հազար ենք ծախսել, գրենական պիտույքների վրա՝ շուրջ 20 հազար: Արփին նաև նոր գրասեղան ունի»,- ասաց Շուշանը:

Երեխային դպրոցի նախապատրաստելու ծախսերը խիստ տարբերվում են ընտանիքներում՝ կախված եկամուտների մակարդակից: Այսպիսով, սպիտակ վերնաշապիկ երևանյան խանութներում կարելի է գնել 2-20 հազար դրամի սահմաններում:

Ընդ որում ծնողների համար որոշակի թեթևություն էր այն, որ իրենք ստիպված չեն վճարել գոնե դասագրքերի համար: ՀՀ Գիտության և կրթության նախարարությունը անվճար դասագրքեր է տրամադրում առաջին դասարանցիներին:    

«Առաջինից երրորդ դասարանների աշակերտներին մայրենի լեզվի ու մաթեմատիկայի անվճար դասագրքեր են տրամադրվում»,- «Նովոստի- Արմենիա» գործակալությանը հայտնեցին Կրթության նախարարությունից:

Դե ինչ, դպրոցական հագուստները, պայուսակներն ու տետրերն արդեն գնված են, իսկ դպրոցի բակը զարդարված է փուչիկներով, և նստարանների հավասար շարքերը սպասում են առաջին դասարանցիներին՝ նրանց կյանքում առաջին ուսումնական տարին սկսելու համար: -0-

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին: