480.44
-0.05
545.78
+5.04
8.07
-0.08
+23
Եղանակը Երևանում
Հայ
Մադրիդյան սկզբունքներ. կողմ և դեմ
16:37
27 Հուլիսի 2009

Նախորդ շաբաթ Մոսկվայում Սերժ Սարգսյանի և Ւլհամ Ալիևի հանդիպումն ու այդ հանդիպման ընթացքում քննարկվող հարցերը շարունակում են խռովել հայկական և ադրբեջանական հասարակության միտքը: Ղարաբաղյան հակամարտության կարգավորման հարցն ու մեծ արձագանք ստացած Մադրիդյան սկզբունքները դարձան թեժ քաղաքական բանավեճերի, ամպագոռգոռ հայտարարությունների և մեկնաբանությունների առարկա:

Հիշեցնենք, որ հուլիսի 10-ին Աքվիլայում (Իտալիա) կայացած Մեծ ութնյակի գագաթնաժողովի ժամանակ արված ԵԱՀԿ Մինկի խմբի համանախագահ-երկրների համատեղ հայտարարության հիման վրա Ադրբեջանին և Հայաստանին ներկայացվել էր 2007 թ.-ի նոյեմբերի 29-ի Մադրիդյան փաստաթղթի թարմացված տարբերակը, որը պարունակում է համանախագահների վերջին առաջարկությունները ղարաբաղյան հակամարտության հիմնական սկզբունքների ձևակերպման վերաբերյալ:

Հայաստանի և Ադրբեջանի նախագահներ Սերժ Սարգսյանի և Իլհամ Ալիևի մոսկովյան հանդիպման ժամանակ քննարկված՝ հակամարտության կարգավորման Մադրիդյան սկզբունքների թվում են, մասնավորապես, Ղարաբաղի կարգավիճակի սահմանումը ազատ կամարտահայտության միջոցով, Լեռնային Ղարաբաղի և Հայաստանի միջև ցամաքային կապի ապահովումը, անվտանգության երաշխիքների տրամադրումը, ինչպես նաև վերահսկվող տարածքներից զորքերի դուրսբերումը:

ՀՀ նախագահ Սերժ Սարգսյանի կարծիքով՝ հակամարտության կարգավորման հիմնական խնդիրը ազատ կամարտահայտության միջոցով Լեռնային Ղարաբաղի կարգավիճակի սահմանումն է:

«Կարծում եմ՝ արդեն բոլորի համար պետք է պարզ դառնա, որ հիմնականը Լեռնային Ղարաբաղի կարգավիճակի խնդիրն է, որը պետք է որոշվի ազատ կամարտահայտությամբ և ունենա պարտադիր իրավական ուժ: Երբ այս խնդրին մենք կարողանանք պատշաճ ձևակերպում տալ, որը որևէ երկմտանք չի առաջացնի, այնուհետև, կարծում եմ, բանակցությունները շատ ավելի հարթ կշարունակվեն», - ասել է Սարգսյանը Շվեդիայի ԱԳ նախարար Կառլ Բիլդտի (Carl Bildt) գլխավորած ԵՄ «Եռյակի» պատվիրակության հետ հանդիպման ժամանակ:

Նախագահը նաև նշել է, որ այժմ քննարկվում են մադրիդյան սկզբունքներից առանձնացված հիմնական սկզբունքները, այնուհետև պետք է քննարկվեն մյուս  սկզբունքները, որից հետո դրանց հիման վրա կսկսվի հիմնական պայմանագրի մշակումը:

Պաշտոնական այցով Երևանում գտնվող Բիլդտն իր հերթին նշել է, որ ԵՄ-ն պատրաստ է աջակցել հակամարտության շուտափույթ կարգավորմանը:

«ԵՄ-ն պատրաստ է աջակցել ղարաբաղյան հակամարտության կարգավորման համաձայնագրի իրագործմանը, որը, հուսով ենք՝ կստորագրվի մոտ ժամանակներս, ինչի համար մենք աջակցում ենք ԵԱՀԿ Մինսկի խմբին», - ասել է Բիլդտը:

Արտահայտելով Մադրիդյան սկզբունքների վերաբերյալ Հայաստանի պաշտոնական դիրքորոշումը՝ ՀՀ ԱԳ նախարար Էդվարդ Նալբանդյանն իր հերթին հայտարարել է, որ այդ փաստաթուղթը Հայաստանի կողմից դիտարկվում է բացառապես որպես բանակցությունների հիմք:

Սակայն բազմաթիվ պաշտոնական հայտարարություններն ու մեկնաբանությունները չխոչընդոտեցին հայկական իշխանությունների կողմից ընտրված արտաքին քաղաքական գծի և որպես հակամարտության կարգավորման միջոց Մադրիդյան փաստաթղթի վերաբերյալ հայկական ընդդիմության հնչեցրած վրդովմունքի և բողոքի ալիքին:

«Հակամարտության կարգավորման մադրիդյան սկզբունքները միակողմանի զիջումներ են, որոնք անտեսում են Ղարաբաղի ժողովրդի կամքն ու վտանգում են Հայաստանում և Լեռնային Ղարաբաղում հայ ժողովրդի անվտանգությունը», - կարծում է Հայ հեղափոխական դաշնակցության Գերագույն մարմնի ներկայացուցիչ Արմեն Ռուստամյանը:

ԵԱՀԿ Մինսկի խմբի հանախագահների կողմից կողմերին ներկայացված հակամարտության կարգավորման Մադրիդյան սկզբունքների անընդունելիության համատեքստում ՀՅԴ-ի կարծիքը կիսում է նաև Հայ ազգային կոնգրես ընդդիմադիր դաշինքը:

«Հայաստանի համար անընդունելի են կողմերի մշակած Մադրիդյան սկզբունքները, քանի որ դրանցից ոչ մեկի չի պարունակում հակամարտության կարգավորման հստակ գործողություններ», - հայտարարել է ՀԱԿ անդամ, ՀՀ ԱԳ նախկին նախարար Ալեքսանդր Արզումանյանը:

Միաժամանակ ՀՀ Ազգային անվտանգության խորհրդի քարտուղար Արթուր Բաղդասարյանը նշել է, որ Հայաստանը պահպանում է հակամարտության կարգավորման նկատմամբ իր հստակ դիրքորոշումը՝ հետևելով երեք հեռանկարային սկզբունքների, որոնք են՝ ԼՂՀ-ի կարգավիճակը, հակամարտության կարգավորման դեպքում անվտանգության միջազգային երաշխիքների տրամադրումն ու Հայաստանի և ԼՂՀ-ի միջև ուղիղ կապի առկայությունը:

Սակայն ինչպիսին էլ լինեն Հայաստանի ընդդիմադիր և կոալիցիոն քաղաքական ուժերի միջև տարաձայնությունները՝ բոլորը միակարծիք են, որ անհրաժեշտ է ներգրավել Լեռնային Ղարաբաղը բանակցային գործընթացի մեջ:

Հայաստանի Հանրապետական կուսակցության խորհրդարանական խմբակցության ղեկավար Գալուստ Սահակյանի կարծիքով՝ բանակցային գործընթացին ԼՂՀ-ի միանալը բանակցային գործընթացի արագ և արդյունավետ զարգացման երաշխիքն է:

Նրա խոսքերով՝ անմիջականորեն ԼՂՀ-ին վերաբերող հարցերը չեն կարող լուծվել առանց Ղարաբաղի մասնակցության:

Նույն տեսակետն ունի նաև ՀՀ ԳԱԱ Արևելագիտության ինստիտուտի տնօրեն, կրոնի, սփյուռքի և միջազգային ինտեգրման հանձնաժողովի նախագահ Ռուբեն Սաֆրաստյանը:

«Ղարաբաղյան հակամարտության կարգավորումը հնարավոր է միայն Ղարաբաղի անմիջական մասնակցության դեպքում», - ասել է նա:

Միաժամանակ փորձագետը կարծում է, որ Մադրիդյան փաստաթղթի թարմացված տարբերակը կդառնա լավագույնը ղարաբաղյան հակամարտության կարգավորման վերաբերյալ գոյություն ունեցող տարբերակներից:

Մադրիդյան փաստաթղթի թարմացված տարբերակի պատրաստումը տեղի կունենա Ղարաբաղյան հակամարտության կարգավորման ԵԱՀԿ Մինսկի խմբի համանախագահների աշխատանքային նստաշրջանի ընթացքում, որը կկայանա հուլիսի վերջին Կրակովում: Փաստաթուղթը կպատրաստվի Աքվիլայում ԵԱՀԿ Մինսկի խմբի համանախագահ-երկրների նախագահների կողմից արված համատեղ հայտարարության համապատասխան:

Ընդհանուր առմամբ բացառապես խաղաղ ճանապարհով ղարաբաղյան հակամարտության կարգավորումը կասկածի տակ չի դրվում բանակցող կողմերից որևէ մեկի կողմից:

ԼՂՀ պաշտպանության նախարար, գեներալ-լեյտենանտ Մովսես Հակոբյանը հինգշաբթի արած իր հայտարարության մեջ հերքել է ղարաբաղյան հակամարտության գոտում զինված գործողությունների հնարավոր վերսկսման մասին տեղեկատվությունը:

«Բանակում ամեն օր իրականացվող ակտիվ միջոցառումները, վերջին շրջանում զորքը ռազմական պատրաստվածության բերելը խուճապ են առաջացրել բնակչության շրջանում, սակայն դրանք սովորական գործընթացներ են, որոնք տեղի են ունենում ԼՂՀ Պաշտպանության բանակում», - ասել է նախարարը:

ԼՂՀ պաշտպանության նախարարը տեղեկացրել է, որ այժմ իրավիճակը բարդ է «ոչ պատերազմի, ոչ խաղաղության» կարգավիճակի պայմաններում:

Սակայն նախարարի խոսքերով՝ ԼՂՀ ԶՈՒ-ն գտնվում է հիանալի մարտական պատրաստվածության մեջ, ինչը հաստատել են վերջերս անցկացված ռազմական զորավարժությունները, և ի վիճակի է իրականացնել Ղարաբաղի ժողովրդի անվտանգության ապահովմանն ուղղված իր գլխավոր առաքելությունը:-0-

Մարիա Հակոբյան, «Նովոստի-Արմենիա» գործակալության թղթակից

Loading...
Թեմատիկ նյութեր
Բաժնի այլ նյութեր
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։