482.84
+0.58
521.61
+4.72
7.62
+0.05
-7
Եղանակը Երևանում
Հայ
Ադրբեջանցի լրագրողներն իրենց անդաստիարակության ողջ փալյով
15:44
17 Հուլիսի 2009

Ադրբեջանցի լրագրողները, հնարավոր է, իրենք էլ չցանկանալով, դարձան ապացույցն այն ասացվածքի, թե պտուղը ծառից հեռու չի ընկնում։ Այլ խոսքով, շարունակեցին միաձայն երգել իրենց նախագահ Իլհամ Ալիևի հետ, ով վերջին օրերի ընթացքում, հանդես գալով Լոնդոնի միջազգային հարաբերությունների թագավորական ինստիտուտում, հերթական անգամ դրսևորեց իրեն որպես ղարաբաղյան հակամարտության լուծման ուժային մեթոդների կողմնակից և հայտարարեց, որ Ղարաբաղը վերադարձնելու համար պատրաստ է ռազմական գործողություններ վերսկսել։ 

«Հայաստանի և Ադրբեջանի նախագահների հանդիպումը Մոսկվայում: Հնարավո՞ր է, արդյոք, առաջընթաց բանակցություններում» թեմայով տեսակամուրջի ընթացքում մոսկովյան ստուդիայում ներկա գտնվող ադրբեջանցի լրագրողներն իրենց պահեցին ավելի քան անպարկեշտ, ինչը, թերևս, բացատրվում է ոչ այնքան  իրենց քաղաքական դիրքորոշումով, որքան դաստիարակության տարրական պակասով, որը կրկնապատկվում է վերջին տարիների ընթացքում ձեռք բերված պարտված երկրի բարդույթներով։

Ուրիշ ոչնչով չի կարելի բացատրել նրանցից մեկի՝ ՀՀԿ-ից ԱԺ պատգամավոր Հերմինե Նաղդալյանի հասցեին արած արտահայտությունը, որով առաջարկում էր «գնալ բանջարապուր եփելու՝ հիմար արտահայտություններ անելու փոխարեն»։ Եվ, անկասկած, գոնե քիչ թե շատ դաստիարակված մարդը դժվար թե իրեն նման արտահայտություն թույլ տար մեկ այլ պատգամավորի՝ Հայ Հեղափոխական Դաշնակցության և նախկինում Ազգային ժողովի փոխխոսնակ Վահան Հովհաննիսյանի հասցեին, թե «ահաբեկիչներն ու ավազակները կարող են այս երկրում պատգամավոր դառնալ և քաղաքական ուժեր ներկայացնել, իսկ փողկապով վերնաշապիկը նույնիսկ Ուսամա Բեն Լադենին է սազում»։

Կողքից նման վարքը ոչ թե ծիծաղելի, այլ ավելի շուտ խղճալի էր երևում։ Եվ դա հասկանալի է՝ հնարավորություն չունենալով ոչ բարոյական, ոչ էլ փաստական մակարդակներով արժանի դիրք գրավել Հայաստանի և հայերի հետ հարաբերությունների հարթությունում, ադրբեջանցիներին այլ բան չի մնում, քան անընդհատ փորձել անհիմն վիրավորանքներ հասցնել կամ, խոսելով «ագրեսորի զոհի» դիրքերից, միջազգային հանրության մոտ վրդովմունքի հորդում առաջացնել։

Հայկական կողմն ինչպես, թերևս, միշտ, ավելի բարձր մնաց այդ բոլոր հիստերիկ հայտարարություններից և տեղը դրեց զգացմունքները զսպել չկարողացող երիտասարդին, ում չհաջողվեց, ավելի շուտ, ով չկամեցավ իրեն քաղաքավարության սահմաններում պահել երևանյան և մոսկովյան ստուդիաներում գտնվող անծանոթ քաղաքագետների, փորձագետների և պատգամավորների ներկայությամբ։

ՀՅԴ խմբակցության ղեկավար Վահան Հովհաննիսյանը հարկ չհամարեց առանձնահատուկ մեկնաբանություն տալ ադրբեջանցի լրագրողի լպիրշությանը, «քանի որ քաղաքական ֆրուստրացիայի վիճակում գտնվող մարդը միայն կարող էր իրենց թույլ տալ վիրավորել հարևան երկրի կին պատգամավորին, ում հետ փորձում են իբր երկխոսություն ծավալել»։ Իսկ թե ով պետք է բանջարապուր եփի, ակնհայտ կերպով ցույց տվեցին 1988-1994թթ. դեպքերը։ «Ես հպարտանում եմ, որ տիկին Նաղդալյանն անձամբ է մասնակցել ռազմական գործողություններին, որոնց դուք, երիտասարդ, չէիք կարող  մասնակցել, հավանաբար այն պատճառով, որ դեռ շատ երիտասարդ եք, իսկ եթե այժմ ինչ-որ բան սկսվի, դուք կրկին մի տեղ կփախչեք, այդ պատճառով էլ այժմ Մոսկվայում եք»։

Հայ խորհրդարանականը չանցավ նաև լրագրողի կողմից այնքան անզգուշորեն բացած ահաբեկչության և ավազակության թեմայի կողքով, ով, ի դեպ, իր «բոցավառ» խոսքում հայտարարեց, որ չի կամենում այս թեմայով մեկնաբանություններ լսել հայկական կողմից։ Ի՞նչ է սա՝ «իրեն ցույց տալու» ցանկություն, թե՞ «տեղը դրված» լինելու առջև սովորական վախ։

«Ինձ ուրախացնում է, որ Ադրբեջանում առայսօր հիշում են իմ կուսակցությունը, որովհետև, երբ 1905 և 1918 թվականներին դուք ձեր թուրք եղբայրների օրինակով փորձեցիք կոտորել հայկական բնակչությունը, հենց դաշնակցական ջոկատները հարված հասցրեցին ադրբեջանական ջարդարարների ատամներին, և եթե հարկ լինի, կրկին պատրաստ ենք այդ անելու»,- ասաց Հովհաննիսյանը։

Տեսակամուրջի ընթացքում «տարբերվեց» նաև մի այլ ադրբեջանցի լրագրող, ով,  նախապես ներողություն խնդրելով իր հարցի «էմոցիոնալ» լինելու համար, կոչ արեց ռուսական կողմին խաղաղության հարկադրել Հայաստանին՝ Վրաստանում տեղի ունեցածի օրինակով։ Անհայտ է՝ ընդունվեց, արդյո՞ք, ռուսական ստուդիային հասցեագրված հարցի ներողությունը, բայց ՄՊՀ-ին առընթեր Հետխորհրդային տարածքում Հասարակական-քաղաքական գործընթացների ուսումնասիրության տեղեկատվական-վերլուծական կենտրոնի գլխավոր տնօրեն Ալեքսեյ Վլասովը նշեց, որ հակամարտության մասնակիցներից որևէ մեկին խաղաղության հարկադրելու հավանականությունը հավասար է մեկ հազարերորդի։ Նա բացատրեց դա բազմաբևեռ տարածաշրջանում խաղացողների մեծ թվով, ինչն անհնար է դարձնում ուժային մեթոդով համաձայնության ձեռքբերումը։

Նույն թեմայով արտահայտվեց ԱՊՀ երկրների ինստիտուտի փոխտնօրեն Վլադիմիր Ժարիխինը, ով հիշեցրեց, որ Վրաստանին խաղաղություն հարկադրելը տեղի է ունեցել իր կողմից ստատուս-քվոյի խախտման ֆոնի ներքո։ «Այս հակամարտությունում ստատուս-քվոն պահպանվում է սեփական ուժերով, և քանի դեռ այն պահպանվում է, ձեր տեսանկյունից թեկուզ անարդարացի կերպով, նշանակում է՝ կա բանակցությունների հնարավորություն»,- նշեց նա։

Դե ինչ, ստացան այն, ինչ ուզում էին. մի կողմից, տրվեցին «էմոցիոնալ» և գռեհկության աստճանի հասնող հարցեր, մյուս կողմից՝ ստացան կշռադատված և հիմնավորված պատասխաններ։ Եվ դժվար թե հնարավոր լինի գտնել իրական դեմք, դաստիարակություն և թեմային տիրապետելու կարողությունը ցույց տալու ավելի հարմար առիթ, քան շփումն է հարցերի և պատասխանների ձևաչափով։ -0-

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: