486.74
+0.05
517.99
+0.2
8.43
-0.08
-11
Եղանակը Երևանում
Հայ
ԸՆԴՀԱՆՐԱՑՈՒՄ. Իրանում Տու-154-ի կործանումը. «սև արկղերը» գտնվել են, հարազատները մեկնել են աղետի վայր
12:45
17 Հուլիսի 2009

Փրկարարները հինգշաբթի գտել են վթարի ենթարկված Տու-154 իրանական ինքնաթիռի երրորդ և վերջին «սև արկղը»։ նքնաթիռի մյուս երկու ինքնագրիչները գտնվել էին չորեքշաբթի, սակայն դրանք խիստ վնասված են: Միջպետական ավիացիոն կոմիտեի մասնագետները մեկնել են Իրան՝ ավիացիոն պատահարի հետաքննությանը մասնակցելու:

Թեհրան-Երևան կանոնավոր չվերթն իրականացնող Caspian Airlines ավիաընկերությանը պատկանող Տու-154 ինքնաթիռը չորեքշաբթի ավիավթարի է ենթարկվել Թեհրանի մոտ: Ինքնաթիռում գտնվող բոլոր 168 մարդիկ զոհվել են, որոնցից 15-ն անձնակազմի անդամներն էին: ՀՀ ԱԳՆ-ի տվյալների համաձայն՝ ինքնաթիռում գտնվել է շուրջ 40 հայ, որոնցից հինգը՝ Հայաստանի Հանրապետության քաղաքացի:

«ՍԵՎ ԱՐԿՂԵՐԻ» ՎԵՐԾԱՆՈՒՄԸ

Փրկարարները երրորդ «սև արկղը» հայտնաբերել են վթարի վայրից 4 կմ հեռավորության վրա։ Սակայն անկան հետևանքով «արկղի» վնասվածության աստիճանի մասին չի հաղորդվում: Նախորդ երկու «սև արկղերը» գտնվել էին չորեքշաբթի օրը, հաղորդում է «ՌԻԱ Նովոստին»:

Իրանական իշխանությունները հայտարարել են, որ ինքնագրիչների վերծանման հետ կապված խնդիրներ ծագելու դեպքում իրենք մտադիր են դիմել արտադրող-երկրի փորձագետների օգնությանը:  

Միջազգային օդային օրենսդրության համաձայն՝ Միջպետական ավիացիոն կոմիտեում մասնագետների խումբ է ձևավորել, որը կմեկնի Իրան ավիացիոն պատահարի հետաքննությանը մասնակցելու: Խումբը գլխավորում է ԽՍՀՄ վաստակավոր օդաչու Գեորգի Յաչմենևը։ Հինգաբթի Միջազգային ավիացիոն կոմիտեն (ՄԱԿ) առաջարկվել է հայկական կողմին ուղարկել իր մասնագետին՝ «սև արկղերի» վերծանման գործին մասնակցելու համար: ՀՀ քաղաքացիական ավիացիայի գլխավոր վարչությունից (ՔԱԳՎ) հետաքննության անցկացման համար որոշեցին գործուղել թռիչքային ստանդարտների գլխավոր մասնագետին:

Չորեքշաբթի Իրանի ճանապարհների և տրանսպորտի նախարարությունը ևս ստեղծել է հատուկ աշխատանքային խումբ՝ Տու-154-ի ավիավթարի պատճառները հետաքննելու համար: Ենթադրվում է, որ ՄԱԿ-ի խումբը սերտորեն կաշխատի Իրանի ավիացիոն իշխանությունների հետ:

ՈՐՔԱ՞Ն ԺԱՄԱՆԱԿ Է ԹՌԻՉՔՆԵՐ ԿԱՏԱՐԵԼ «ՏՈՒ»-Ն

Ինչպես հինգշաբթի տեղեկացրել էր ՀՀ ՔԱԳՎ մամուլի քարտուղար Նելլի Չերչինյանը, կործանված Տու-154-ը շահագործվում էր արդեն 22 տարի: Այդուհանդերձ, ՀՀ ՔԱԳՎ պետի տեղակալ Արսեն Պողոսյանն ավելի վաղ հայտարարել էր, որ կործանված ինքնաթիռում տեղադրված սարքավորումները համապատասխանել են Քաղաքացիական ավիացիայի միջազգային կազմակերպության (IKAO) պահանջներին, և ինքնաթիռն ընդամենը 15 տարեկան էր, ինչը, նրա խոսքերով, նորմալ ժամկետ է այդ տիպի ինքնաթիռի շահագործման համար:

ՔԱԳՎ-ն նաև տեղեկացրել էր, որ կործանված Տու-154-ը շուրջ մեկ ամիս առաջ լիարժեք տեխսպասարկում էր անցել Ռուսաստանի Միներալնիյե Վոդի քաղաքի օդանավակայանում և տեխսպասարկումից հետո այդ օդանավին թույլատրվել էր թռիչքներ կատարել մինչև 2010 թ.-ը ներառյալ:

Սակայն Միներալնիյե Վոդի օդանավակայանի շտաբի պետ Յուրի Սամսոնովը հրաժարվել է հաստատել տեղեկատվությունն այն մասին, որ Իրանում կործանված «Տու»-ն մեկ ամիս առաջ տեխսպասարկում է անցել Միներալնիյե Վոդիյում:

Արաբական հեռուստաալիքներից մեկն իր հերթին, հղում անելով փորձագետներին, տեղեկացրել է, որ Մերձավոր Արևելքի որոշ ավիաընկերությունների կողմից շահագործվող «Տու» մակնիշի ինքնաթիռներն «այնքան էլ լավ վիճակում չեն գտնվում»: Նման ինքնաթիռների շահագործման ժամկետը, որոնք գնվել են Ռուսաստանից և պատրաստվել են դեռևս ԽՍՀՄ ժամանակ, հաճախ գերազանցում է 20 տարին, իսկ ավիապարկի թարմացման և ժամանակակից «Airbus» կամ «Boing» տիպի ինքնաթիռների գնման համար այդ ընկերությունները միջոցներ չունեն:

ԶՈՀԵՐԸ

ՌԴ ԱԳՆ-ն հինգշաբթի հայտարարեց, որ կործանված ինքնաթիռում ռուսաստանցիներ չեն եղել։ Տու 154-ի ավիավթարի հետևանքով 168 զոհերի թվում հիմնականում Իրանի քաղաքացիներ էին: ՀՀ ԱԳՆ-ի տեղեկատվության համաձայն՝ ինքնաթիռի ուղևորներից 36-ը հայեր էին, որոնցից հինգը՝ ՀՀ քաղաքացիներ: Ավստրալիայի արտաքին գործերի նախարարությունը տեղեկացրել է, որ ինքնաթիռում երկու ավստրալացի է եղել: Բացի այդ, ավիավթարի հետևանքով զոհվել է Վրաստանի երկու քաղաքացի:

Զոհվածների հարազատների՝ Երևանից Թեհրան մեկնած ինքնաթիռն արդեն Իրանում է:

ՀԱՅԱՍՏԱՆԸ ՓՈԽՀԱՏՈՒՑՈՒՄ ԿՏՐԱՄԱԴՐԻ ՀԱՐԱԶԱՏՆԵՐԻՆ

ՀՀ աշխատանքի և սոցիալական հարցերի նախարար Գևորգ Պետրոսյանը հինգշաբթի կառավարության նիստի ժամանակ հայտնեց, որ Տու-154 ինքաթիռի վթարից զոհված Հայաստանի քաղաքացիների ընտանիքներից յուրաքանչյուրին պետբյուջեից կվճարվի 1,5 մլն դրամ (ավելի քան 4 հազար ԱՄՆ դոլար)։

Եվս 675 հազար դրամ (ավելի քան 1,8 հազար դոլար) կհատկացվի Երևանի քաղաքապետարանին և Հայաստանի Արմավիրի մարզպետարանին հուղարկավորությունների հետ կապված տարբեր ծախսերի նպատակով, տեղեկացրեց նախարարը։

Զոհվածների հարազատները կստանան նաև 32-42 հազար եվրո ապահովագրություն։ -0-  

Loading...
Թեմատիկ նյութեր
Բաժնի այլ նյութեր
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի: