485.25
-0.08
569.44
-2.72
8.18
-0.02
+1
Եղանակը Երևանում
Հայ
Շաբաթը Հայաստանում. պաշտոնատար նոր անձինք և ակտիվ արտաքին քաղաքական կապեր
13:01
25 Մայիսի 2009

Պետական իշխանության կառուցվածքում տեղի ունեցած լուրջ փոփոխությունները դարձան Հայաստանում նախորդ շաբաթվա իրադարձությունների ցանկի հիմնական լեյտմոտիվը։

Այսպես, ՀՀ Ազգային ժողովի նոր փոխխոսնակ ընտրվեց ՀՀԿ խմբակցության քարտուղար Սամվել Նիկոյանը: Ի դեպ, նրա թեկնածությունը միակն էր այդ պաշտոնի համար այն բանից հետո, երբ Դաշնակցություն կուսակցությունը հրաժարվեց խորհրդարանի բոլոր ղեկավար պաշտոններից, չնայած հետագայում ՀՅԴ-ն, այնուամենայնիվ, պահպանեց խորհրդարանական մշտական հանձնաժողովների նախագահների պաշտոնները։

ՀՀ ԱԺ փոխխոսնակի ընտրվելու կապակցությամբ Հովիկ Աբրահամյանը նորընտիր փոխխոսնակին արդյունավետ աշխատանք մաղթեց։  

Միաժամանակ Սամվել Նիկոյանի փոխարեն Հայաստանի Հանրապետական կուսակցության խմբակցության նոր քարտուղար ընտրվեց կուսակցության մամուլի և հասարակայնության հետ կապերի բաժնի ղեկավար Էդուարդ Շարմազանովը։

ՀՀ ԱԺ կրթության, գիտության, մշակույթի, երիտասարդության և սպորտի հարցերի  մշտական հանձնաժողովի նախագահի պաշտոնին էր առաջադրվել ՀՀԿ խմբակցության անդամ Արտակ Դավթյանի՝ այլընտրանք չունեցող թեկնածությունը։

Հանձնաժողովի նախագահի պաշտոնը մնացել էր թափուր այն բանից հետո, երբ հանձնաժողովի նախկին նախագահ Արմեն Աշոտյանը նշանակվել էր ՀՀ կրթության և գիտության նախարար։

Երկուշաբթի ելույթ ունենալով խորհրդարանում՝ Դավթյանը նշեց, որ գիտակցում է հանձնաժողովի նախագահի պաշտոնի կարևորությունը, քանի որ այդ ոլորտը զարգացման հեռանկարային գործոններից մեկն է։

Նրա կարծիքով՝ առաջնահերթ խնդիրների թվում են կրթության ոլորտում տիրող իրավիճակի մոնիտորինգի անցկացումը, ոլորտի մասնագետների հետ հանդիպումների կազմակերպումը հիմնական խնդիրների բացահայտման նպատակով, առկա խնդիրների իրագործման ծրագիրն ու ժամանակացույցը կազմելը։

Իր հրաժարականի մասին հայտարարեց նաև ՀՀ ԱԺ պաշտպանության, ազգային անվտանգության և ներքին գործերի մշտական հանձնաժողովի նախագահի Արթուր Աղաբեկյանը։

Ներքաղաքական կյանքում ևս մեկ կարևոր իրադարձություն էր ՀՀ նախագահ Սերժ Սարգսյանի կողմից Հանրային խորհրդի անդամենրի (հանձնաժողովների նախագահների) կազմի հաստատելու մասին կարգադրության ստորագրումը։

Նախորդ շաբաթ Հայաստանի ներքաղաքական կյանքը նշանավորվեց հայ բարձրաստիճան պաշտոնյաների և նրանց օտարերկրյա գործընկերների միջև տեղի ունեցած ակտիվ շփումներով։

Մասնավորապես, Երևանում Փոխըմռնման մասին հուշագիր ստորագրեցին Հայաստանի և Չեխիայի գլխավոր դատախազներ Աղվան Հովսեփյանն ու Ռենատա Վեսեցկան։

«Այս համաձայնագիրը կնպաստի Հայաստանի և Չեխիայի իրավական համակարգերի բազմաթիվ հարցերի օպերատիվ լուծման գործում», - այս առթիվ ասաց Հովսեփյանը։

Վեսեցկան իր հերթին կարևորեց սերտ համագործակցությունը։

«Ստորագրված Հուշագիրը հիմք է հանդիսանում փոխգործակցության մակարդակի բարձրացման և լուրջ արդյունքների ձեռքբերման համար»,- ասաց Վեսեցկան: Նրա խոսքերով՝ չեխական կողմը պատրաստ է փորձի փոխանակում կատարել։ 

«Կրթություն ունենալը բավարար չէ, անհրաժեշտ է նաև փորձ ունենալ։ Եվ փորձի փոխանակումն այն գործի հիմքն է, որը լավ արդյունքների կհանգեցնի», - նշեց Չեխիայի գլխավոր դատախազը։

Վեսեցկան նշեց, որ այս հուշագիրը երկու երկրների գլխավոր դատախազությունների միջև համագործակցության անկյունաքարն է։

Հուշագրի շրջանակներում կողմերը պայմանավորվեցին սերտ համագործակցության մասին հարցերի լայն շրջանակի վերաբերյալ, մասնավորապես, թրաֆիքինգի դեմ պայքարի և անօրինական միգրացիայի կանխարգելման ուղղությամբ։ Կողմերը պայմանավորվեցին նաև ակտիվացնել կապերը քաղաքացիների և իրավաբանական անձանց իրավունքների և ազատությունների պաշտպանության հարցերում:

Հայաստանի նախագահ Սերժ Սարգսյանը կարևորեց ՀՀ և Չեխիայի գլխավոր դատախազների միջև ստորագրված համագործակցության հուշագիրը: Սարգսյանի խոսքով՝ Հայաստանը ևս ձգտում է մերձենալ Եվրոպային և ապրել եվրոպական չափանիշներով, այդ թվում` նաև իրավապահ ոլորտում:

Նախորդ շաբաթ ուշադրության կենտրոնում էին նաև հայ-հնդկական կապերի ակտիվացման հարցերը։

Հայաստանը շահագրգռված է Հնդկաստանի հետ բարեկամական հարաբերությունների հետագա զարգացմամբ, ասել է Հայաստանի ԱԳ նախարարի տեղակալ Կարինե Ղազինյանը Հայաստանի և Հնդկաստանի արտաքին քաղաքական գերատեսչությունների հերթական խորհրդատվության ընթացքում:

Խորհրդատվության ժամանակ հնդկական կողմը ներկայացնում էր Հնդկաստանի ԱԳՆ Եվրասիայի համակարգող քարտուղար Դիվյաբ Մանչանդան։

Հանդիպման ընթացքում կողմերը հանգամանալից զրույց են ծավալել տարբեր բնագավառներում փոխգործակցության ընդլայնման, նաև միջազգային կազմակերպություններում համագործակցության սերտացման վերաբերյալ։

Ղազինյանը կարևորել է քաղաքական երկխոսության ակտիվացումը և տնտեսական ու մշակութային համագործակցության խորացման նպատակով անհրաժեշտ քայլերի ձեռնարկումը։

Հայաստան-Հնդկաստան հարաբերություններին առնչվող հարցեր են քննարկել նաև ՀՀ ազգային անվտանգության խորհրդի քարտուղար Արթուր Բաղդասարյանն ու Հնդկաստանի ԱԳՆ ղեկավարի տեղակալ Դիվյաբխ Մանչանդան։

Զրուցակիցները կարևորել են երկու երկրների միջև բազմակողմ հարաբերությունների խորացումը: Հյուրի խնդրանքով Արթուր Բաղդասարյանը ներկայացրել է Ազգային անվտանգության խորհրդի գործունեությունն ու կառուցվածքը:

Միաժամանակ տնտեսական և քաղաքական համագործակցությանն առնչվող խնդիրներ են քննարկվել Խորվաթիայի նախագահի Ստյեպան Մեսիչի՝ Երևան կատարած այցի ընթացքում, որը տեղի էր ունեցել ՀՀ նախագահ Սերժ Սարգսյանի հրավերով։

Խորվաթիայի նախագահի՝ Հայաստան կատարած առաջին այցի հիմնական նպատակն էր ամրապնդել միջպետական կապերը, նախանշել երկու երկրների միջև տնտեսական համագործակցության առաջնային ուղղություններն ու խնդիրները, խթանել գիտակրթական և մշակութային կապերի զարգացումը:

Այցի շրջանակում Ստյեպան Մեսիչը հանդիպումներ է ունեցել ԱԺ նախագահ Հովիկ Աբրահամյանի և վարչապետ Տիգրան Սարգսյանի հետ, հյուրընկալվել է նաև  Ամենայն Հայոց Գարեգին Երկրորդ կաթողիկոսին:

Խորվաթիայի նախագահի այցի կարևոր արդյունքը Հայաստանի և Խորվաթիայի կառավարությունների միջև մշակույթի, կրթության և գիտության բնագավառներում համագործակցության մասին, ինչպես նաև Հայաստանի և Խորվաթիայի միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին համաձայնագրերի ստորագրումն էր։

Շողիկ Վարդանյան, ԱՄԻ «Նովոստի-Արմենիա» գործակալության թղթակից

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին: