486.74
-0.21
511.42
-1.92
8.41
+0.01
-3
Եղանակը Երևանում
Հայ
Հայկական սփյուռքի պասիվություն, ադրբեջանական գործոն. «Եվրատեսիլ - 2009» եզրափակչի գլխավոր եզրահանգումնները
16:53
19 Մայիսի 2009

Շաբաթ օրն ավարտվեց «Եվրատեսիլ» հերթական երաժշտական մրցույթը, որի գլխավոր տհաճ անակնկալները Հայաստանի համար նախորդ տարվա համեմատ հարաբերականորեն ոչ բարձր հորիզոնականի ֆոնի ներքո դարձան սփյուռքի պասիվությունն ու ադրբեջանական գործոնը։ 

Հայաստանը ներկայացնող Ինգա և Անուշ Արշակյան քույրերը Jan-Jan երգով «Եվրատեսիլ - 2009» մրցույթի արդյունքներով զբաղեցրել են տասներորդ տեղը: Հիշեցնենք, որ եզրափակչին մասնացեց 25 երկիր՝ Լիտվա, Իսրայել, Ֆրանսիա, Շվեդիա, Խորվաթիա, Պորտուգալիա, Իսլանդիա, Հունաստան, Ռուսաստան, Ադրբեջան, Բոսնիա և Հերցեգովինա, Մոլդովա, Մալթա, Էստոնիա, Դանիա, Գերմանիա, Թուրքիա, Ալբանիա, Նորվեգիա, Ուկրաինա, Մեծ Բրիտանիա, Ֆինլանդիա և Իսպանիա։

«Եվրատեսիլ - 2009» մրցույթի հաղթողը հանդիսատեսի քվեարկության արդյունքնում ճանաչվեց նորվեգացի երգիչ Ալեքսանդր Ռիբակը Fairytale երգով։ Երկրորդ տեղը զբաղեցրեց Իսլանդիայի ներկայացուցիչ Յոհաննան, երրորդ տեղը՝ Այսել և Արաշ դուետն Ադրբեջանից։

Զարմացրեց սփյուռքի պասիվ քվեարկությունը, ինչն, ըստ պտտվող լուրերի, պայմանավորված է հայ-թուրքական հարաբերությունների բարելավման ուղղությամբ Հայաստանի իշխանությունների վերջին քայլերի նկատմամբ դժգոհությամբ։ Թեև եթե վերլուծենք 2008 և 2009 թվականներին Հայաստանին տված ձայները, ապա ակնհայտ է դառնում, որ բացառությամբ Ֆրանսիայի, Ռուսաստանի և Լեհաստանի, որտեղ խոշոր համայնքներ կան, 2008 թվականին Հայաստանին առաջին տեղն են տվել այն երկրները, որտեղ այնքան էլ շատ չեն հայերը՝ Չեխիա, Բելգիա, Նիդեռլանդներ և Հունաստան։ Պետք է նկատի առնել նաև, որ 2009 թվականին քվեարկությանը չի մասնակցել Վրաստանը, որը նույնպես մեզ առաջին տեղն է տվել 2008-ին։ Հաճելիորեն զարմացրեց և ուրախացրեց չեխերի քվեարկությունը, ովքեր արդեն երկրորդ տարին անընդմեջ առաջին տեղն են տալիս հայ մասնակիցներին։ 

Որոշ առումով Ինգայի և Անուշի՝ քիչ թվով ձայն հավաքելու վրա ազդեց նաև հաղթողի հավաքած ռեկորդային արդյունքը։ Նորվեգիայի ներկայացուցիչն ընդհանուր առմամբ հանդիսատեսի քվեարկության և ժյուրիի քվեարկության ընթացքում հավաքեց 387 միավոր։ Դա ռեկորդ է. նախորդը պատկանում էր ֆիննական «Լորդի» խմբին՝ 292 միավոր և սահմանվել էր 2006 թվականին։ Ռիբակին առավելագույն թվով՝ 12 միավոր տվեցին Ռուսաստանը, Իսպանիան, Բելառուսը, Գերմանիան, Շվեդիան, Իսլանդիան, Իսրայելը, Լատվիան, Լիտվան, Ուկրաինան, Լեհաստանը, Հոլանդիան, Էստոնիան, Դանիան, Սլովենիան, Հունգարիան։

Այս կապակցությամբ «Եվրատեսիլի» հայկական պատվիրակությունների ղեկավար, ՀՀ հանրային հեռուստաընկերության գործադիր տնօրենի հատուկ նախագծերով խորհրդական Դիանա Մնացականյանը «Նովոստի-Արմենիա» գործակալության թղթակցի հետ զրույցում իր կարծիքը հայտնեց հաղթողի մասին։

«Ինչպես և սպասվում էր, հաղթեց «սառը» երկրի ներկայացուցիչը, ինչի մասին վկայում էին բուքմեյքերների դրույքները եզրափակչից առաջ»,- ասաց նա։

Սակայն շատ մասնագետների և հասարակ մարդկանց կարծիքով՝ հայ կատարողների անհաջողության մեջ գլխավոր դերը խաղաց նաև FRESH ART ռուսական ընկերությունը, որը պատրաստում էր մեր մասնակիցների բեմականացումը, խորեոգրաֆիան, կոստյումները, դիմահարդարումը և սանրվածքը։ Առաջին կիսաեզրափակչից հանդիսատեսի և մասնագետների մոտ այն զգացողությունն առաջացավ, որ FRESH ART-ի էքսցենտրիկ ոճաբանների տրիոն՝ Ասլան Ահմադով, Դավիթ Գևորկով և Ալեքսանդր Սիրադեկիան, չափն անցնում է՝ մռայլ երանգների շպար օգտագործելով։

«Երգը որպես այդպիսին շատ լավն է, սակայն մուգ կապույտ երանգները սարսափ ֆիլմ էին հիշեցնում, իսկ շարժումներում որևէ դինամիկա չկար»,- այս առիթով ասաց նախկին վարչապետ և խորհրդարանի խոսնակ Խոսրով Հարությունյանը։

Միաժամանակ տարակուսանք առաջացրեց Եվրատեսիլի կազմակերպիչների որոշումը՝ Ադրբեջանի ԱԳՆ ճնշման տակ հայկական տեսահոլովակից հանել հայ քանդակագործ Սարգիս Բաղդասարյանի հեղինակած «Մենք ենք, մեր սարերը» հուշարձանը, որը հայ ժողովրդի մշակութային ժառանգության անբաժան մասնիկն է՝ դա պատճառաբանելով նրանով, որ հուշարձանը գտնվում է ոչ թե Հայաստանում, այլ Լեռնային Ղարաբաղի հանրապետությունում։

«Մենք ենք, մեր սարերը» հուշարձանը, որը ժողովուրդն անվանում է նաև «Տատիկ և պապիկ», գտնվում է բլրի վրա՝ Արցախի մայրաքաղաք Ստեփանակերտի մուտքի մոտ: Հեղինակը Հայաստանի ժողովրդական նկարիչ, քանդակագործ Սարգսի Բաղդասարյանն է: Այն պատրաստվել է Արմավիրի կարմիր տուֆից 1967 թվականին, ներկայացնում է երկու տարեց մարդկանց՝ այր և կին ազգային տարազով։ Հուշարձանը չունի պատվանդան, ըստ հեղինակի մտահղացման, ինչը տպավորություն է ստեղծում, որ ֆիգուրները սերտաճել են լեռների հետ, հարազատացել են դրանց։

Միևնույն ժամանակ կազմակերպիչներին բոլորովին չհուզեց այն փաստը, որ Ադրբեջանի տեսահոլովակում ճարտարապետական հուշարձանների թվում ներկայացված էր նաև իրանական Թավրիզ քաղաքում գտնվող Բանաստեղծների դամբարանը, որտեղ թաղված են ավելի քան հիսուն հայտնի իրանցի բանաստեղծներ, գիտնականներ, միստիկներ և աստվածաբաններ, այդ թվում՝ Խաքանի Շիրվանին, Ասադի Թուսին, Գաթրան Թեբրիզին։

Կազմակերպիչների նման որոշմանն ի պատասխան՝ Հայաստանից մրցույթի արդյունքները հայտարարելու ժամանակ երգչուհի Սիրուշոն իր առջև պահել էր «Մենք ենք, մեր սարերը» հուշարձանի լուսանկարը, իսկ հետևի պլանում նույնպես երևում էր լուսանկար, որի վրա պատկերված էր հուշարձանը, որի առկայությունը «Եվրատեսիլի» հայ մասնակիցների տեսահոլովակում դեմարշ առաջացրեց Բաքվում։

Սակայն ավելի շատ զարմացրեց ոչ թե հուշարձանի հանելը տեսահոլովակից, մեր հարևանների մանր նենգություններին մենք արդեն սովոր ենք, այլ այն փաստը, որ Հայաստանը մեկ միավոր տվեց Ադրբեջանին քվեարկության ժամանակ։ Հետաքրքիր էր մեր հարևանների արձագանքն այդ քայլին։ Այսպես, day.az-ի լրագրողը նպատակ դրեց գտնել այդ հարցի պատասխանը, թե ինչու Հայաստանը մեկ միավոր տվեց Ադրբեջանին։

 «Խոսելով Հայաստանի մասին` ցանկանում եմ նշել մեզ հետ անմիջականորեն կապված երկու պահ։ Առաջինն ու ամենազարմանալին հայերի կողմից մեր մասնակիցներին տված մեկ միավորն է։ Ի՞նչ էր դա նշանակում։ Բարի կամքի դրսևորու՞մ։ Եվրոպային իբրև թե ժողովրդավարության առկայության ցուցադրու՞մ,  թե՞ հարևանի հետ փոխհարաբերություններ հաստատելու ցանկություն։ Իսկ գուցե պարզապես շտորաքարշություն և պնակալեզությու՞ն՝ մեզ ինչ-որ կերպ զարմացնելու կամ հետագայում որևէ բան ստանալու ակնկալիքով»,- հարցադրում է անում նա։

Իսկ մեր այն քաղաքացիներին, ովքեր ձայն են տվել Ադրբեջանի ներկայացուցիչներին, հարկ է ծանոթանալ ադրբեջանական մամուլում տեղ գտած մեկնաբանությւոններին, օրինակ, Միլի Մեջլիսի պատգամավոր Անար Մամեդխանովի մեկնաբանությանը։

Ամենազզվելին այն է, կարծում է նա, որ մենք «մշտապես հետևում ենք հայերին և մրցում ենք նրանց հետ»։ Ադրբեջանցիների հակահայկական քայլերը չսահմանափակվեցին միայն հուշարձանով և ԶԼՄ-ներում տեղ գտած վիրավորական արտահայտություններով։ Ադրբեջանը ավելի հեռուն գնաց և միջամտեց մրցույթի հեռարձակման ընթացքին։ 

«Եվրատեսիլ - 2009» մրցույթի հեռարձակման ժամանակ ադրբեջանական TV-ն ցույց չտվեց այն հեռախոսահամարը, որով կարելի էր ձայն տալ Հայաստանի մասնակցին, ինչը մրցույթի կանոնների կոպիտ խախտում է։

Այս փաստի կապակցությամբ հայկական կողմը բողոք ուղղեց «Եվրատեսիլի» կազմկոմիտե՝ ադրբեջանական հեռարձակողի գործողությունները հետաքննելու պահանջով։

Մրցույթի ընթացակարգի համաձայն՝ պատիժը կարող է լինել ինչպես տուգանքի, այնպես էլ Ադրբեջանի՝ որպես մասնակից երկրի որակազրկման տեսքով։

Սակայն ինչպես հայտնի դարձավ էլեկտրոնային ԶԼՄ-ներից և բլոգերից, ադրբեջանցիներն արդեն սկսել են ոչնչացնել իրենց խախտման հետքերը, և դեռ փաստ չէ, կհաջողվի՞, արդյոք, ապացուցել նրանց մեղքը՝ չնայած ադրբեջանական զանազան բլոգերում և ֆորումներում հարյուրավոր հայտարարություններին։ Հույս ունենաք, որ «Եվրատեսիլի» կազմակերպիչ Եվրոպական հեռարձակողների միությունն (EBU) արդար որոշում կընդունի այս առիթով և կարձագանքի մրցույթի պայմանների նման կոպիտ խախտմանը։

Այս կապակցությամբ արժե հիշել, որ 2005 թվականին Լիբանանը չմասնակցեց մրցույթին՝ լիբանանյան հեռուստատեսությամբ իսրայելցի երգչուհի ելույթը հեռարձակելուց հրաժարվելու պատճառով։ -0-

Հայկ Խալաթյան, ԱՄԻ «Նովոստի-Արմենիա» գործակալության թղթակից

Loading...
Թեմատիկ նյութեր
Բաժնի այլ նյութեր
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի: