481.79
+0.02
538.93
-1.33
8.53
+0.03
+23
Եղանակը Երևանում
Հայ
Հայ-թուրքական սահմանը դեռ փակ է
12:28
06 Ապրիլի 2009

Անցյալ շաբաթ Երևանի քաղաքապետի ընտրությունների շուրջ քննարկումներն իրենց տեղը զիջեցին հայ-թուրքական հարաբերությունների, մասնավորապես հայ-թուրքական սահմանի բացման շուրջ բուռն քննարկումներին:

Առաջիկայում սահմանի հնարավոր բացման հարցը մեկնաբանելով՝ ՀՀ արտգործնախարարի տեղակալ Կարինե Ղազինյանը հայտարարեց, որ Հայաստանն ու Թուրքիան պետք է ակտիվորեն քննարկեն իրենց հուզող խնդիրները:

«21-րդ դարում անհնար է ունենալ փակ պետական սահմաններ։ Աշխարհում գոյություն ունեն խնդիրներ ունեցող բազմաթիվ հարևան երկրներ, որոնք քննարկվում են բանակցային սեղանի շուրջ։ Կարծում եմ, որ Հայաստանն ու Թուրքիան այսօր այդ ուղու վրա են և պետք է քննարկեն ու լուծեն իրենց հուզող խնդիրները», - հայտարարեց Ղազինյանը։

Նույն օրը ՀՀ արտաքին գործերի նախարարության մամուլի և տեղեկատվության վարչության ԶԼՄ-ների հետ կապերի բաժնի ղեկավար Տիգրան Բալայանը հերքեց թուրքական ԶԼՄ-ների հրապարակումն այն մասին, որ ՀՀ ԱԳՆ ղեկավար Էդվարդ Նալբանդյանն ասել է, թե ԱՄՆ նախագահ Բարաք Օբամայի՝ Թուրքիա կատարելիք ապրիլյան այցից հետո ծրագրված է հայ-թուրքական սահմանի բացումը:

«Թուրքական ԶԼՄ-ներում հրապարակված և նախարար Նալբանդյանին վերագրած տեղեկությունը չի համապատասխանում իրականությանը: Նա նման հայտարարություն չի արել»,- ասաց Բալայանը:   

Հայտնի դարձավ նաև, որ ԱԳՆ ղեկավար Նալբանդյանը ապրիլի 6-7-ը կայցելի Ստաբուլ՝ մասնակցելու «Քաղաքակրթությունների միություն» երկրորդ համաժողովին:

Հայ-թուրքական հարաբերությունների վերաբերյալ իրենց կարծիքը հայտնեցին մի քանի փորձագետներ:

Թուրքագետ Արտակ Շաքարյանը կարծում է, որ ղարաբաղյան նախապայմանը դուրս է մղվում Թուրքիայի արտաքին քաղաքականությունից: Նրա կարծիքով, դա պայմանավորված է այն հանգամանքով, որ Թուրքիան ջանում է միջնորդ դառնալ տարածաշրջանային բոլոր հակամարտություններում՝ հայ-ադրբեջանական, իսրայելապաղեստինյան, վրաց-ռուսական:

«Ակնհայտ ադրբեջանամետ դիրքորոշում պահպանելով՝ անհնար է միջնորդ հանդիսանալ»,- երեքշաբթի «Նովոստի» միջազգային մամուլի կենտրոնում տեղի ունեցած մամուլի ասուլիսի ժամանակ ասաց փորձագետը:

Հայաստանում և Լեռնային Ղարաբաղում Ամերիկայի Հայկական Համագումարի տարածաշրջանային տնօրեն Արփի Վարդանյանը համակարծիք է այն մարդկանց հետ, ովքեր ասում են, թե հայ-թուրքական սահմանը չի բացվի մոտ ժամանակներում:  

Նրա կարծիքով, սահմանը պետք է բացվի, սակայն առանց որևէ նախապայմանի: «Սահմանի բացումը չպետք է կապվի ղարաբաղյան հարցի և Թուրքիայի կողմից ցեղասպանությունը ճանաչելու հարցի հետ»,- հայտարարեց Վարդանյանը:

Նախորդ շաբաթ Հայաստան այցելեց ԳԴՀ ԱԳՆ պետքարտուղար Գերնոտ Էդլերը:

ՀՀ նախագահ Սերժ Սարգսյանի հետ հանդիպման ժամանակ Էրլերը հայտարարեց, որ Գերմանիայիում ողջունում են ղարաբաղյան հակամարտության շուրջ Հայաստանի և Ադրբեջանի ղեկավարների հանդիպումը, ինչպես նաև Հայաստանի և Թուրքիայի միջև սկսված երկխոսությունը:

Հանրապետության նախագահն իր հերթին չափազանց կարևորեց Եվրոպայի առաջատար երկրներից մեկի` Գերմանիայի հետ, երկկողմ և բազմակողմ ձևաչափերով հարաբերությունների հետագա զարգացումը: Սերժ Սարգսյանը գոհունակությամբ նշեց, որ զարգացման համագործակցության բնագավառում Գերմանիան Հայաստանի երկրորդ դոնոր երկիրն է, ինչպես նաև խոշորագույն առևրատնտեսական գործընկերներից մեկը:

Էրլերը ղարաբաղան հակամարտությունը քննարկել է նաև ԱԺ խոսնակ Հովիկ Աբրահամյանի հետ:

Ադրադառնալով ղարաբաղյան հիմնախնդրի կարգավորման գործընթացին` ԱԺ նախագահ Հովիկ Աբրահամյանը նշեց, որ  Հայաստանը կարևրում է հակամարտության կարգավորման գործընթացում ԵԱՀԿ Մինսկի խմբի համանախագահների միջնորդությունը` որպես բանակցային գործընթացի գործուն ձևչափ, և Հայաստանը հետամուտ է խնդրի կարգավորմանը միայն խաղաղ ճանապարհով:

Աբրահամյանի համոզմամբ կողմերը պետք է զերծ մնան որևէ քայլից, որը կարող է հավելյալ լարվածություն ստեղծել խաղաղ գործընթացի ճանապարհին, ինչին խոչընդոտում է Ադրբեջանը իր ռազմատենչ հայտարարություններով: ԱԺ նախագահը շեշտեց, որ Լեռնային Ղարաբաղի հակամարտության կարգավորման հիմքը Լեռնային Ղարաբաղի ժողովրդի ինքնորոշման իրավունքի ճանաչումն ու այդ իրավունքի իրականացումն է, ԼՂՀ-Հայաստան միջև ցամաքային կապը և ԼՂՀ բնակչության անվտանգության երաշխիքները: 

Էրկերը հայտարարեց, որ անհրաժեշտ է բացառել ղարաբաղյան հակամարտությունը ռազմական ճանապարհով լուծելու ցանկացած հնարավորություն:

«Գերմանական կառավարությունն աջակցում է ղարաբաղյան հակամարտության բանակցային գործընթացին, և մենք ջանում են աջակցել դրանց շուտափույթ լուծմանը»,- հավաստիացրեց Էրլերը:

ԳԴՀ ԱԳՆ պետքարտուղարը արցախյան հիմնախնդրի բանակցային գործընթացի ներկա փուլին, հայ-թուրքական հարաբերությունների կարգավորման հնարավորություններին վերաբերող հարցեր քննարկեց ՀՀ ԱԳՆ ղեկավար Էդվարդ Նալբանդյանի հետ:

Զրուցակիցները հանգամանալից քննարկեցին նաև ԵՄ Արևելյան գործընկերություն նախաձեռնությանը վերաբերող հարցեր:

ԳԴՀ ԱԳՆ պետքարտուղարը հայտնեց, որ «Արևելյան գործընկերություն» նախաձեռնությունը սեփական պատկառելի բյուջեն կունենա:

Ինչպես նկատեց պետքարտուղարը, ԵՄ-ն կշարունակի անդամ-երկրներում զարգացնել քաղաքական հիմնական առաջնահերթությունների նախաձեռնությունները:

Ղարաբաղյան հակամարտությանը անդրադարձավ նաև ԼՂՀ արտգործնախարար Գեորգի Պետրոսյանը:

Նա հայտարարեց, որ Լեռնային Ղարաբաղն անկախ հանրապետություն ճանաչելու դեպքում նոր պատերազմ չի սկսվի՝ մեկնաբանելով ԵԱՀԿ Միսնկի խմբի ֆրանսիացի համանախագահ Բեռնար Ֆասյեի խոսքերն այն մասին, թե «նոր պատերազմի կհանգեցնի ինչպես Լեռնային Ղարաբաղի՝ անկախ պետություն ճանաչելը, ինչը չի անում Հայաստանը, այնպես էլ այդ տարածքն առանց պայմանի Ադրբեջանին հանձնելը»:

«Մեր տեսանկյունից ադրբեջանաղարաբաղյան հակամարտությունը վերջնականապես կարգավորելու և տարածաշրջանում կայուն խաղաղություն հաստատելու հիմքեր ստեղծելու համար, առաջին հերթին, անհրաժեշտ է Լեռնային Ղարաբաղի Հանրապետության և Ադրբեջանի Հանրապետության փոխադարձ ճանաչում և հակամարտության ռազմական լուծման փորձերի փոխադարձ հրաժարում գրանցել»,- հայտարարեց նա:

Հայաստանի ներքաղաքական կյանքում նախորդ շաբաթ որոշակի տեղաշարժեր նկատվեց «յոթի գործում»:

Դատավոր Մնացական Մարտիրոսյանը չորեքշաբթի որոշեց այդ գործը բաժանել առանձին վարույթների:

Բացի այդ, Հայաստանում «յոթի գործով» մեղադրյալների հանդեպ դադարեցվեց քրեական հետապնդումը «պետական իշխանության բռնազավթում» հոդվածով:

Շողիկ Վարդանյան, «Նովոստի-Արմենիա» գործակալության թղթակից

Loading...
Թեմատիկ նյութեր
Բաժնի այլ նյութեր
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։