481.35
+0.03
565.97
-1.55
8.4
-0.01
+4
Եղանակը Երևանում
Հայ
Փորձություն «լողացող փոխարժեքով». Հայաստանը դուրս է գալիս սթրեսից
13:14
05 Մարտի 2009

Ազգային արժույթի «լողացող փոխարժեքի» քաղաքականությանը վերադառնալու մասին ՀՀ Կենտրոնական բանկի խորհրդի որոշման արդյունքում երեքշաբթի բնակչությանը շրջանում առաջացած խուճապը չորեքշաբթի անհետացավ նույնքան արագ, որքան հայտնվել էր։

Դրամի թուլացման հետևանքով առաջացած խուճապը հանգեցրեց նրան, որ մարդիկ, զգուշանալով առաջին անհրաժեշտության ապրանքների գների աճից, սկսեցին գնել բուսական յուղ, շաքարավազ, ալյուր՝ դատարկելով որոշ խանութների վաճառասեղաններն ու ապրանքների հնարավոր դեֆիցիտի լրացուցիչ մտավախություն առաջացնելով։

Սկզբից ևեթ ակնհայտ էր, որ նման «տենդը» ոչնչով հիմնավորված չէր և դեռևս արմատախիլ չեղած վախերի արդյունքն էր, որոնք թեժացվում էին որոշ, ոչ այնքան բարեխիղճ վաճառականների կողմից, ովքեր փորձում էին «յուղոտ ձկնիկ» որսալ «լողացող փոխարժեքում»՝ արհեստականորեն բարձրացնելով գնվող ապրանքների գները։

Երեկ ֆինանսական և առևտրային շուկաներում կարգուկանոնին հետևող կառույցները պարզաբանեցին իրավիճակը։

«Հայաստանում ապրանքի դեֆիցիտ չկա և մոտ ժամանակներս չի լինի», - առանց ծանրակշիռ պատճառների մտահոգված բնակչությանն իր հայտարարությամբ հանգստացրեց Տնտեսական մրցակցության պաշտպանության պետական հանձնաժողովի նախագահ Աշոտ Շահնազարյանը։

Նա կոչ է արել մարդկանց չմատնվել անհիմն խուճապի և մեծ քանակությամբ չգնել այս պահի դրությամբ ոչ անհրաժեշտ ապրանքներ, քանի որ հանրապետության պահեստներում տասն անգամ պահանջարկը գերազանցող մթերք կա։

Շահնազարյանը զգուշացրեց, որ Հայաստանի ապրանքի շուկայում իրավիճակը լիովին վերահսկվում է, խանութներում հերթեր չկան։

Միաժամանակ նա խոստովանեց, որ 4-5 տեսակի ապրանքների գների 10-12 տոկոսի աճ է գրանցվել, մասնավորապես, շաքարավազի, բենզինի, բուսական յուղի և կարագի։

ՏՄՊՊՀ նախագահը հայտարարեց, որ հանձնաժողովը երեկվանից ավարտում է նախազգուշացնող փուլն ու այսօրվանից պատժամիջոցներ է կիրառելու իրավախախտների նկատմամբ։

Երեկ «Նովոստի» միջազգային մամուլի կենտրոնում իրավիճակը մեկնաբանեց ՀՀ ԿԲ փոխնախագահ Վաչե Գաբրիելյանը։

Նա ընդգծեց, որ Հայաստանում լողացող փոխարժեքի քաղաքականությանը կտրուկ վերադարձն անհրաժեշտ էր, որպեսզի ազգային արժույթի արժեզրկման ակնկալիքներն անհապաղ վերացվեին։

Գաբրիելյանը հիշեցրեց, որ մակրոտնտեսական տեսակետից հանրապետության կառավարությունը կամ Կենտրոնական բանկը երբեք չեն հայտարարել այն մասին, որ անցում է կատարվում ֆիքսված փոխարժեքին։

Գաբրիելյանը նաև հավաստեց, որ Հայաստանի բանկային համակարգին ոչինչ չի սպառնում, և ոչ մի բանկ անվճարունակության, միջոցների պակասի հետ կապված խնդիր չի ունենա։

Նա նաև ընդգծեց, որ 2009 թ.-ի արդյունքներով Հայաստանը կկարողանա պահպանել տարածաշրջանում գնաճի ամենացածր մակարդակն ու ապահովել տնտեսական աճ։

Համաշխարհային բանկի հայկական գրասենյակի ղեկավար Արիստոմենե Վարուդակիսն իր հերթին հայտարարեց, որ դրամի փոխարժեքի նվազումը կօգնի հայ արտադրողներին։

«Փոխարժեքի սրբագրումը թույլ կտա հայկական ընկերություններին ավելացնել արտահանումը, ինչպես նաև բարձրացնել այն ընկերությունների եկամտաբերությունը, որոնք տուժել են ստեղծված իրավիճակի հետևանքով», - ասաց Վարուդակիսը։

Նրա խոսքերով, հաստատված փոխարժեքը կօգնի շուկայում մրցակցող ընկերություներին, քանի որ կթանկանա ներկրումը, և ընկերություններին ավելի հեշտ կլինի դիմանալ մրցակցությանը։

Միաժամանակ Վարուդակիսն ընդգծեց, որ մրցակցության կարգավորմամբ զբաղվող ՀՀ պետական մարմինները չպետք է գների հայեցողական աճ թույլ տան։

ԿԲ մասնագետների գնահատմամբ՝ 2009 թ.-ին դոլարի միջին կշռված փոխարժեքը ակնկալվում է 1 ԱՄՆ դոլարի համար 360-380 դրամի միջակայքում։ Երեկ երկրի տարադրամի փոխանակման կետերում փոխարժեքը տատանվում էր այդ շրջանակներում։-0-

Loading...
Թեմատիկ նյութեր
Բաժնի այլ նյութեր
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։