481.79
+0.02
538.93
-1.33
8.53
+0.03
+15
Եղանակը Երևանում
Հայ
Գևորգ Վարդանյան. իմ կյանքի գլխավոր «հավաքագրումը» կինս է
13:18
18 Փետրվարի 2009

ԵՐԵՎԱՆ, 18 փետրվարի. /Նովոստի-Արմենիա/. «Իմ կյանքի ամենախոշոր և կարևոր հավաքագրումը տեղի է ունեցել 1943 թ.-ին, երբ ես հանդիպեցի իմ ապագա կնոջը՝ Գոհարին», - «ՌԻԱ Նովոստիին» տված հարցազրույցում ասաց լեգենդար հետախույզ-անլեգալ, Խորհրդային Միության հերոս Գևորգ Վարդանյանը, ով երեկ դարձավ 85 տարեկան։

Հանդիպմանը, որը տեղի է ունեցել օրերս՝ Ռուսաստանի Արտաքին հետախուզության ծառայության (ԱՀԾ) առանձնատներից մեկում, մասնակցել է նաև հոբելյարի կինը՝ Գոհար Վարդանյանը։

Վարդանյանը անլեգալ աշխատանք է կատարել 45 տարի։ Լայնորեն հայտնի դարձավ Վարդանյանի միայն մեկ գործը՝ «թեհրանյանը»։ Նրա խումբը 1943 թ.-ին կանխեց «մեծ եռյակի»՝ Ստալինի, Ռուզվելտի և Չերչիլի դեմ իրականացվելիք մահափորձը, որը ծրագրել էր գերմանական հետախուզությունը։ Իրանում աշխատելու տարիներին  Վարդանյանին ու նրա խմբին հաջողվեց մերկացնել ավելի քան 400 գերմանական գործակալների։

Վետերանի կարծիքով, հետախույզի կյանքում կարևորն այն է, որ նրա ճանապարհին դավաճանություն չլինի։ «Եթե դա տեղի չունենա, ապա նա (հետախույզը) անխոցելի է», - նշել է նա։

«Այն ամենը, ինչ մենք կյանքում արել ենք կնոջս հետ, եղել է հօգուտ Հայրենիքի։ «Թեհրան-43»-ն իմ կյանքի ամենագլխավոր իրադարձություններից մեկն էր։ Դրանից հետո ևս կարևոր իրադարձություններ եղան, սակայն դրա մասին դեռևս չի կարելի պատմել», - ասաց գործակալության զրուցակիցը։

Իր մասնագիտության մասին Վարդանյանը պատմեց, որ հետախույզի կյանքը շատ հետաքրքիր է, գրավիչ և ռոմանտիկ, թեև կապված է ռիսկի հետ։ «Իմ կինն ու ես երջանիկ ենք, որ մեզ բախտ է վիճակվել ապրել նման հագեցած կյանքով։ Ինձ համար միշտ օրինակ է եղել իմ հայրը, ով շատ տարիներ աշխատել է հետախուզությունում։ Նայելով նրան՝ ես ևս ցանկացա դառնալ հետախույզ և 1940 թ.-ի փետրվարին իմ կյանքը կապեցի հետախուզության հետ», - պատմեց Գևորգ Վարդանյանը։

Պատասխանելով այն հարցին, թե ինչպես է գնահատում հետախույզների մասին ժամանակակից ֆիլմերը՝ Վարդանյանը պատասխանեց, որ սիրում է կնոջ հետ միասին հետախուզության մասին ֆիլմեր դիտել։ «Սակայն մենք գնահատում ենք դրանք որպես պրոֆեսիոնալներ, իսկ սովորական մարդկանց համար այդ թեմայով ռուսական սերիալները բավականին հարմար են», - դիվանագիտորեն պատասխանեց վետերանը։

Վարդանյանը նաև պատմեց, որ մեկուկես տարի առաջ հանդիպել է ռուս դերասան Իգոր Կոստոլևսկու հետ, ով հետախույզի դեր էր խաղում հայտնի խորհրդային-ֆրանսիական «Թեհրան-43» ֆիլմում։ «Նա (Կոստոլևսկին) մինչ այդ ինձ չէր ճանաչում ու շատ զարմացած էր և ուրախ։ Այժմ մենք նրա հետ երբեմն հանդիպում ենք», - ասաց վետերանը։

Վարդանյանի կնոջ՝ Գոհար Լևոնովնայի կարծիքով, զույգով հետախույզ աշխատելը զգալիորն հեշտ է։ «Ահա արդեն 66 տարի Գևորգն իմ ղեկավարն է,- կատակեց նա, իսկ Գևորգ Վարդանյանը ժպտալով ավելացրեց՝ համատեղության կարգով»։

Կողքից շատ լավ երևում է, որ այս հռչակավոր մարդկանց, հիանալի ամուսնական զույգին հաջողվել է տասնամյակների համատեղ դժվարին կյանքի ընթացքում պահպանել ամենագլխավոր զգացմունքները, որոնք կապում են տղամարդուն և կնոջը՝ սերը և հավատարմությունը։

Գոհարը պատմում է. «Ես շատ եմ օգնել ամուսնուս իր աշխատանքում։ Մասնակցել եմ գաղտնի գործողություններին։ Միասին մենք կիսել անհաջողությունները և ուրախությունները։ Մենք միշտ հասկացել են միմյանց, իսկ սերն այցելել է մեզ 18 տարեկանում։ Ոչ միանգամից, այլ աստիճանաբար։ Ընկերախմբով հանդիպումների ժամանակ ես ուշադրություն դարձրեցի Գևորգին։ Նա միշտ ուշադրության կենտրոնում էր, շատ և սրամիտ կատակում էր։ Այն ժամանակ նրան բոլորը սիրում էին, և ես սիրեցի, իսկ 20 տարեկանում մենք ամուսնացանք»։

Վարդանյանի խոսքերով, անլեգալ աշխատանքի երկար տարիների ընթացքում մշտական հոգեբանական ճնշումներին դիմանալու գործում իրեն մշտապես օգնել է կնոջ ներկայությունը։

«Ես և Գոհարը միշտ միասին ենք եղել, դա ինձ նոր ուժ էր հաղորդում։ Բացի այդ, մենք միշտ հիանալի ընկերներ ենք ունեցել։ Իմ կարծիքով, մարդու երկարակեցության համար անհրաժեշտ է նաև լավատեսության մշտական զգացումը», -նշեց զրուցակիցը։

Նրա խոսքերով, իր կյանքում երբեք հատուկ ռեժիմ և դիետա չի պահպանել։ Միշտ հետաքրքվել է մարզական մրցումներով։ Երիտասարդության տարիներին զբաղվել է մեծ թենիսով, լողով և բռնցքամարտով։

Քչերը գիտեն, որ Վարդանյանն այժմ զբաղվում է ԱՀԾ-ի համար երիատասարդ կադրեր պատրաստելով։

«Այժմյան երիտասարդությունն այնպիսին է, ինչպիսին մենք էինք։ Նրանց պետք է  ըմռնումով մոտենալ։ 90-ականներին դժվարություններ կային կադրերի հավաքագրման հետ կապված, երիտասարդությունն այն ժամանակ կորցրել էր ուղենիշերը։ Այժմ ԱՀԾ են գնում հիանալի երիտասարդներ։ Նրանց հետ հաճելի է աշխատել։ Նրանք շատ ավելի լավ են պատրաստված, քանի մենք ժամանակին: Դա շատ առումով կապված է ժամանակակից տեխնոլոգիաների հետ», - կարծում է հոբելյարը։

2007 թ.-ի հոկտեմբերին Վարդանյանը Մոսկվայում հանդիպեց Ուինսթոն Չերչիլի թոռնուհու՝ Սեսիլ Սանդիսի հետ։ Պատասխանելով «ՌԻԱ Նովոստիի» հարցին, թե նամակագրություն ունի՞, արդյոք, նա Սանդիսի հետ՝ Վարդանյանը պատասխանեց. «Այո, մի քանի անգամ ես նրանից բացիկներ եմ ստացել։ Դրանցից մեկով նա ինձ հրավիրել է Լոնդոն՝ «Արջն ու Վագրը» ֆիլմի պրեմիերային, որը նկարահանում է Բրիտանական հեռուստատեսությունը։ Ֆիլմը պատմում է նախորդ դարաշրջանի, Երկրորդ համաշխարհային պատերազմի ողբերգական իրադարձությունների և առաջին հերթին՝ Ստալինի և Չերչիլի մասին»:

Այն ժամանակ՝ Վարդանյանի հետ հանդիպումից հետո, «ՌԻԱ Նովոստիին» տված հարցազրույցում Սեսիլ Սանդիսը նշել էր, որ ինքը ամենահիանալի  տպավորություններ է ստացել վետերանից։ «Շատ ափսոս, որ ինձ չհաջողվեց տեսնվել նրա հետ (Վարդանյանի) մի քանի տարի առաջ, երբ ես գիրք էի գրում պապիս (Չերչիլի) մասին։ Այդ դեպքում գրքում շատ հետաքրքիր բաներ կհայտնվեին», - ասել էր նա։

Վարդանյանն արդեն երկար տարիներ ռուսական ֆուտբոլի երկրպագու է և  նախընտրում է ֆուտբոլային հավաքականը և «Դինամո» ու «Սպարտակ» ֆուտբոլային թիմերը։ Նրա կարծիքով, Ռուսաստանի ֆուտբոլի հավաքականի գլխավոր մարզիչ Գուս Հիդդինգի՝ անգլիական պրեմիեր-լիգայի «Չելսի» ֆուտբոլային ակումբում մարզիչի աշխատանքը համատեղելու մտադրությունը կարող է կործանարար անդրադառնալ ռուսական թիմի խաղի վրա։

«Գուսին չպետք է թողնեին համատեղել աշխատանքը «Չելսիում»։ Եթե դու հավաքականի մարզիչ ես, ապա աշխատիր այստեղ։ Անշուշտ, բրիտանական ֆուտբոլային ակումբը մարզելու նրա ձգտումը կապված է ավելի շատ գումար աշխատելու ցանկության և ուրիշ ոչ մի այլ բանի հետ», - կարծում է Վարդանյանը։

Ավելի քան 30 տարի է տևել Վարդանյան ամուսինների «արտասահմանյան գործուղումը»։ Վերջին գործուղումից Ամիրը (Վարդանյանի օպերատիվ մականունն է) և նրա տիկինը՝ Գոհարը, վերադարձել են 1986 թ.-ի աշնանը։ Չնայած, որ վետերանն այժմ պաշտոնաթող է, նա շարունակում է իր հարուստ փորձը փոխանցել երիտասարդությանը։

«Զորգեին, Աբելին, Ֆիլբին հավասար... Իսկ գուցեև առաջինը» - այսպես է գրել Գևորգ Վարդանյանի մասին «Մտացածինը բացառված է։ Անլեգալ հետախուզության ղեկավարի գրառումները» գրքում Յուրի Դրոզդովը։

«ՌԻԱ Նովոստի», Վալերի Յարմոլենկո   

Loading...
Թեմատիկ նյութեր
Բաժնի այլ նյութեր
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։