487.19
+0.52
519.34
-1.15
8.11
-0.11
-7
Եղանակը Երևանում
Հայ
ԵԽԽՎ-ում Հայաստանի ձայնի իրավունքի պահպանումը ժողովրդավարական բարեփոխումների ուղու իրագործման շարունակություն է պահանջում. ԸՆԴՀԱՆՐԱՑՈՒՄ
12:01
30 Հունվարի 2009

ԵՐԵՎԱՆ, 30 հունվարի. /Նովոստի-Արմենիա/. Եվրոպայի Խորհրդի Խորհրդարանական Վեհաժողովը (ԵԽԽՎ ) հունվարի 27-ին կայացած ձմեռային նստաշրջանի շրջանակներում որոշում է ընդունել չզրկել Հայաստանին ձայնի իրավունքից. այս որոշման օգտին կողմ արտահայտվեց 141 պատգամավոր, դեմ՝ երեքը, ձեռնպահ մնացին հինգը։ Այսպիսով, ԵԽԽՎ-ն չաջակցեց Հայաստանի կողմից Վեհաժողովի անցած տարվա բանաձևի մի շարք դրույթների չկատարման պատճառով հայկական պատվիրակությանը ձայնի իրավունքից զրկելու վերաբերյալ իր մոնիտորինգի հանձնաժողովի կողմից ավելի վաղ արված առաջարկությանը։

Ավելի վաղ ԵԽԽՎ-ում հայտարարում էին, որ Հայաստանն ամբողջովին չի կատարել անցած տարվա բանաձևի դրույթները. ազատ չի արձակել բանտարկյալներին և չի անցկացրել անցած տարվա մարտի 1-2-ի դեպքերի անաչառ քննություն, երբ նախագահական ընտրություններից դժգոհ ՀՀ նախկին նախագահ Լևոն Տեր-Պետրոսյանի գլխավորած ընդդիմության բողոքի ակցիան վերածվեց ցուցարարների և իրավապահ մարմինների ներկայացուցիչների միջև բախումների, ինչի հետևանքով զոհվեց տասը և վիրավորվեց 265 մարդ։

Սակայն երկուշաբթի՝ նստաշրջանի ընթացքում այս հարցի քննարկումից մեկ օր առաջ, ԵԽԽՎ մոնիտորինգի հանձնաժողովը փակ նիստի ժամանակ մեղմել է իր դիրքորոշումն ու առաջարկել չզրկել հայկական պատվիրակությանը ձայնի իրավունքից՝ վերանայելով դեկտեմբերի 17-ին ընդունած իր որոշումը։ Հայաստանի հարցով ԵԽԽՎ զեկուցող Ժորժ Կոլոմբիեն նշել է, որ «ՀՀ իշխանությունների՝ «քաղբանտարկյալների» հետ կապված վերջին շրջանի գործողությունները... թափանցիկության դրսևորումներ են, այն բանի նշան, որ հայկական իշխանությունները պատրաստ են մեզ հետ աշխատել», նա առաջարկել է Վեհաժողովին չդադարեցնել ԵԽԽՎ-ում Հայաստանի ունեցած ձայնի իրավունքը։

Միաժամանակ, զեկուցողը հայտարարել է, որ «մենք անհրաժեշտ ենք համարում, որպեսզի Վեհաժողովն այսուհետ ևս հետևի Հայաստանում «քաղբանտարկյալների» իրավիճակին և այս ոլորտում իշխանությունների ձեռնարկած միջոցառումներին»։

Ինչպես հայտնի դարձավ թիվ 1643 հաստատված բանաձևի տեքստի հրապարակումից հետո, այնտեղից հանվել է նաև «քաղբանտարկյալներ» արտահայությունը, որն առկա էր նախկին թիվ 1609 և թիվ 1620 բանաձևերում։

Հենց սա, ինչպես նաև Հայաստանի նկատմամբ պատժամիջոցների չկիրառման փաստը երկրում ընդունվեցին ՝ որպես ԵԽԽՎ-ում հայկական պատվիրակության հաջողության առավել կարևոր բաղկացուցիչներ։ Մասնավորապես, ՀՀ ԱԺ պատգամավոր, իշխող Հայաստանի Հանրապետական կուսակցության մամուլի քարտուղար Էդուարդ Շարմազանովը պայմանավորեց այդ որոշումները հայկական իշխանությունների կամքի դրսևորմամբ և ժողովրդավարական բարեփոխումների ուղուն հավատարիմ մնալով։ «Սա Հայաստանի ժողովրդավարական աշխարհայացքի, եվրոպական արժեքներին կողմնակից լինելու հաղթանակն է։ Դա մեր համոզմունքների, մեր ժողովրդավարական ապագայի, մեր երեխաների, մեր ընդհանուր հաղթանակն է», - ընդգծեց նա։

Միաժամանակ Շարմազանովը հեռու էր այն մտքից, որ Հայաստանն այլևս անելիք չունի։ Ընդհակառակը, նրա խոսքերով, երկրում շատ անելիք կա, ընդ որում մոտակա չորս տարվա ընթացքում։ «Մենք շարունակելու ենք այն բարեփոխումների իրագործումը, որոնց պատասխանատվությունը վերցրել ենք ընտրությունների ժամանակ՝ խոստում տալով ժողովրդին»։

Ինչ վերաբերում է Հայաստանում «քաղբանտարկյալների» առկայությանը, ապա մամուլի քարտուղարի խոսքերով, հարցը չպետք է դիտարկել բացառապես քաղաքական հարթության վրա, և ճիշտ կլիներ, եթե իրավական հարցերով զբաղվեր իրավական համակարգը։ «Ես հարգում են անմեղության կանխավարկածը, և ինչպես յուրաքանչյուր ժողովրդավարական երկրում բոլոր հարցերը պետք է լուծվեն դատական կարգով և ապացուցվեն իրավական դաշտում», - ասել է Շարմազանովը։

Միաժամանակ պատգամավորն անընդունելի է համարել որոշ ընդդիմադիր գործիչների դիրքորոշումները, ովքեր երկիրը ձայնի իրավունքից զրկելու միջոցով Հայաստանում եվրոպական «բարեփոխումներ» սկսելու կողմնակից են և նույնիսկ Եվրոպա են ուղարկել իրենց միջնորդներին՝ քարոզելու այդ դիրքորոշումները։ «Տարօրինակ է, որ մարդիկ, ովքեր ներկայացրել են իշխանությունը և գիտեն, թե ինչ է պետական իշխանությունը, նրա օբյեկտիվ և սուբյեկտիվ բարդությունները, ինչպես նաև պետության շահերը, սեփական ամբիցիաները գերադասել են պետության շահերից», -ասել է Շարմազանովը։

Միաժամանակ ընդդիմության ներկայացուցիչները, մասնավորապես, Հայոց համազգային շարժում ընդդիմադիր կուսակցության վարչության անդամ, արտաքին կապերի խորհրդարանական հանձնաժողովի նախկին նախագահ Հովհաննես Իգիթյանը կարծում է, որ հայկական իշխանությունները, երկրի ձայնի իրավունքը պահպանելու նպատակ հետապնդելով, ապակողմնորոշել են ԵԽԽՎ-ին, ընդգծելով, որ «երբ իշխանությունները հայտարարում են, թե իրենց ժամանակ է հարկավոր բանտարկյալներին ազատ արձակելու նպատակով Քրեական օրենսգրքի հոդվածները փոփոխելու համար, ապա նրանց հավատում են»։

Իգիթյանը նաև պնդում է, որ ԵԽԽՎ-ի Հայաստանի վերաբերյալ թիվ 1643 նոր բանաձևի իմաստը չի փոխվել՝ չնայած հայկական պատվիրակության նկատմամբ պատժամիջոցների չկիրառմանը, նա կարծում է, որ ԵԽԽՎ-ի հիմնական նպատակն իրադարձություններին քաղաքական գնահատական տալն է, իսկ «թիվ 1643 բանաձևի քաղաքական ոգին, միևնույն ժամանակ, մնացել է նույնը, ինչ թիվ 1609 բանաձևինը»։

Իր փորձագիտական կարծիքն է արտահայտել նաև հայ քաղաքագետը։ Կովկասի ինստիտուտի տնօրեն Ալեքսանդր Իսկանդարյանը արտառոց չի համարում այն, որ ԵԽԽՎ-ում Հայաստանի ձայնի իրավունքի դադարեցում տեղի չունեցավ։ Նրա խոսքերով, այն նախադեպերը, որոնք մի քանի անգամ տեղի են ունեցել ԵԽԽՎ-ի պատմության ընթացքում, մասնավորապես, 1967 թ.-ին Հունաստանում տեղի ունեցած ռազմական հեղաշրջումը և 1974 թ.-ին Թուրքիայի ներխուժումը Կիպրոս, բացարձակապես անհամակշիռ են Հայաստանում տեղի ունեցածին։ «Եվ ես դա ասում եմ՝ հարգելով մարդկանց զգացմունքները և հասկանալով, թե այստեղ ինչ է տեղի ունեցել», - ընդգծել է նա։

Քաղաքացիական հասարակության և տարածաշրջանային զարգացման  ինստիտուտի ծրագրերի համակարգող Շուշան Խաթլամաջյանն էլ կարծում է, որ Եվրոպան չկամեցավ իրենից վանել Հայաստանին՝ ԵԽ անդամներից մեկին։ Նրա կարծիքով, դեռևս քվեարկությունից պարզ էր, որ իշխանությունները կանեն ամեն ինչ, որպեսզի Հայաստանին չզրկեին ձայնից։

«Նրանք անում էին դա փոքր-ինչ դանդաղ, և դրա տրամաբանությունը շատերի համար հարցականի տակ է մնում, սակայն ցանկացած իշխանություն քայլեր է անում այն ռիթմով, որի տրամաբանությունը ելնում է ներքին քաղաքական զարգացումից, և դրսից այդ տրամաբանությունը հարկադրելը ամենաճիշտ տարբերակը չէ  ցանկացած պետության համար», - ընդգծել է Խաթլամաջյանը։

Հայաստանի դեմոկրատական կուսակցության (ՀԴԿ) առաջնորդ Արամ Սարգսյանը ԵԽԽՎ-ում Հայաստանի ձայնի իրավունքի պահպանումը ողջամիտ որոշում է համարել՝ իր դիրքորոշումը բացատրելով նրանով, որ «անխոհեմ կլիներ Հայաստանին զրկել ձայնի իրավունքից՝ երկիրը ինչ-որ տեղ դարձնելով վտարանդի, ինչը հակաարդյունավետ քայլ կլիներ»։

Փորձագետը կարծում է, որ ԵԽԽՎ պահանջների իրականացման աշխատանքը կշարունակվի, և, դատելով համազեկուցողներ Ջոն Պրեսկոտի և Ժորժ Կոլոմբիեի տրամադրություններից, ԵԽ-ն կձգտնի նրան, որ Հայաստանը կատարի այդ կազմակերպություն մտնելիս ստանձնած բոլոր պարտավորությունները։ Սարգսյանի խոսքերով, Հայաստանի իշխանությունները պարտավոր կլինեն շատ օպերատիվ կերպով արձագանքել և լուծել բանաձևերում ներկայացված բոլոր հարցերը, քանի որ խնդիրը ոչ թե դրույթները ԵԽ-ի, այլ հայ հասարակության առաջ կատարելու մեջ է։ 

«Ի վերջո մարտի 1-ից հետո երկրում ստեղծված իրավիճակին ու պարտավորություններին վերաբերող ամեն բան առաջին հերթին մեզ է վերաբերում, և Հայաստանին անհրաժեշտ է ազատվել այդ բեռից ու պատասխանել այն բոլոր հարցերին, որոնք մինչ այժմ անպատասխան են մնացել», - եզրափակել է ՀԴԿ առաջնորդը։-0-

Ելենա Դավիթյան, ԱՄԻ «Նովոստի-Ամենիա» գործակալության մեկնաբան

Loading...
Թեմատիկ նյութեր
Բաժնի այլ նյութեր
15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։