480.74
+0.03
511.65
+0.46
7.48
-0.03
+8
Եղանակը Երևանում
Հայ
Ադրբեջան. հոսքագծին դրված ստի տեխնոլոգիա
17:54
27 Հունվարի 2009

2009 թվականը սկսվեց ադրբեջանական քարոզիչների շարքային, բայց ընդհանուր առմամբ, իր արդյունավետությունն ապացուցած ստի տարածման տեխնոլոգիայի կիրառմամբ արհեստականորեն ուռճացված սկանդալից։

Այդ տեխնոլոգիան բավական պրիմիտիվ է. ինչ-որ աչքի չընկնող կայքում տեղադրվում է «սենսացիոն լուրը», իսկ իրականում, այն զարհուրելի սուտը, որին այդպես սիրում են հավատալ սովորական քաղաքացիները։ Այդ սենսացիային, ասես հրամանով, միանում են շատ թե քիչ ծանրակշիռ հրատարակությունները, և սուտը «ձնագնդի» սկզբունքով աճում է կայծակնային արագությամբ՝ պարուրվելով նոր մանրամասներով և փաստերով, և վերջապես, գլորվում-հասնում է իշխանության ոտքերի տակ, «որն արդեն պարտավոր է արձագանքել հասարակությանը հուզող խնդիրներին»։

Մոտավորապես նման օպերացիա՝ «Ռուսական զենքի վաճառքը Հայաստանին» պայմանական անվանումով, իրականացրեց ադրբեջանական քարոզչամեքենան։

Բայց ամեն ինչ հերթականությամբ։ «Առասպելական զենքի» մասին առաջին տեղեկատվությունը, որը, չգիտես ինչու, գաղտնի կերպով Հայաստանին փոխանցեց նրա ռազմավարական դաշնակիցը՝ Ռուսաստանի Դաշնությունը, տարածեց ադրբեջանցի լրագրողների միայն նեղ շրջանակում հայտնի www.mediaforum.az. կայքը։ Սակայն այն հարցը, թե որտեղից այդ մարդկանց մոտ հայտնվեց իբրև թե հույժ գաղտնի տեղեկատվությունը, ոչ ոքի չհետաքրքրեց, կարևորն, ընթերցողին հետաքրքիր նյութ տրամադրելն էր։

Վերոնշյալ ադրբեջանական կայքը ստեղծվել է մի նախագծի շրջանակներում, որը ֆինանսավորվում է ԱՄՆ ժողովրդավարության աջակցության միջազգային  հիմնադրամի (National Endowment for Democracy - NED) կողմից՝ հիմնադրված 1983 թվականին, սառը պատերազմի թեժ պահին՝ որպես ամերիկյան ժողովրդավարության օրինակը ողջ աշխարհով, առավելապես սոցիալիստական ճամբարի երկրներում տարածելու գործիք։

Նույնիսկ քաղաքականության մեջ անփորձ մարդը հասկանում է, որ այն վատ ժամանակներում «ժողովրդավարության տարածումը» ենթադրում էր այնպիսի միջոցառումների անցկացում, որը խորհրդային քարոզչությունը բնութագրում էր որպես «քայքայիչ գործունեություն»։

Այսպիսով, արտաքինից հակահայկական, սակայն իրականում վառ հակառուսական  ուղղվածություն ունեցող սադրանքն առաջինը շրջանառեց մի կայք, որը գործում է ամերիկյան նախագծի շրջանակներում։

Սակայն, ամենակարևորը Ադրբեջանի իշխանությունների կողմից խմբագրված այս կատակերգության նպատակը պարզելն է։ Այստեղ փորձագետների կարծիքները հակասական են։ Գլխավոր նպատակներից մեկը բարձրաձայնում են հենց ադրբեջանցի պաշտոնյաները։ Այդ նպատակը կայանում է նրանում, որ կասկածի տակ դրվի Ռուսաստանի՝ որպես ղարաբաղյան հակամարտության կարգավորման միջնոդի կարգավիճակը, իսկ հեռանկարում, դուրս մղվի տարածաշրջանում իր դիրքերն ամրապնդող Ռուսաստանը Ղարաբաղյան բանակցային գործընթացից։

Ոչ այլ ոք և հենց Ադրբեջանի նախագահի աշխատակազմի հասարակական-քաղաքական բաժնի ղեկավար Ալի Հասանովը հայտարարեց լրագրողներին, որ «այս փաստը (զենքի վաճառքի) հաստատելու դեպքում Ռուսաստանի վարկանիշը ինչպես տարածաշրջանում, այնպես էլ աշխարհում լուրջ վնաս կկրի։ Ընդ որում, վնաս կհասցվի նաև նրա վարկանիշին՝ որպես խաղաղապահ գործընթացին մասնակցող չեզոք կողմի»։

Հասանովը նույնիսկ սպառնաց Ռուսաստանին՝ հայտարարելով, որ Ադրբեջանը դիտարկելու է ՌԴ-ն որպես հարևան, ում չի կարելի վստահել։

Անկասկած, նման հայտարարությունները չի կարելի չդիտարկել որպես ոչ այլ ինչ, քան սովորական շանտաժ, որն ուղղված է բանակցային գործընթացում որոշակի առավելություններ ստանալուն։

Միաժամանակ այս օրերին ադրբեջանական ԱԳՆ-ն հանդես է եկել անճոռնի հայտարարություններով՝ Ռուսաստանին մեղադրելով բոլոր տեսակի մեղքերի մեջ։ Մասնավորապես, Ադրբեջանի արտգործնախարարության հայտարարությունում ռուսական կողմին մեղադրում են ՄԱԿ-ի Գլխավոր Ասամբլեայի կողմից 2008 թվականի մարտին ընդունված և ադբեջանական քարոզչության ևս մեկ գործիք հանդիսացող հակահայկական բանաձևի խախտման մեջ։

Այս փաստաթղթին կողմ քվերակեց միայն 39 պետություն ՄԱԿ-ի անդամ-երկրների շուրջ 200 պետություններից։ Բանաձևին «դեմ» հանդես եկան ղարաբաղյան կարգավորման միջնորդ երկրները՝ Ռուսաստանը, ԱՄՆ-ն և Ֆրանսիան։ Ադրբեջանի կողմից Գլխավոր Ասամբլեա «քարշ տված» սադրիչ փաստաթղթին կողմ հանդես չեկավ ԵՄ և ոչ մի անդամ-երկիր։ Ադրբեջանցի դիվանագետները հասկանում են, որ բանաձևը չունի պարտադիր ուժ և միայն հանգստացնում է ադրբեջանցի քաղաքական գործիչների ինքնասիրությունը, և, հետևաբար, այն խախտելու խոսակցությունները անհեթեր են դառնում։

Ապատեղեկատվության մեկ այլ պատճառ էլ վերլուծաբաններն անվանում են Ադրբեջանի՝ միջազգային բոլոր պարտավորությունների խախտումով մոլուցքի հասնող սեփական ռազմական ներուժի ավելացումը քարոզչական հիստերիայի շղարշով սքողելու փորձերը։

Ընդ որում, որոշ տվյալներով, ադրբեջանական բանակը զինում են հենց այն երկրները՝ Թուրքիան, Ուկրաինան, Իսրայելը, որոնք ժամանակակից ռազմատեխնիկայով են զինել Սահակաշվիլիի բանակը։

Այնուամենայնիվ, թերի է մնում այն հարցը, թե ինչու սկսեցին «դողալ» իր ռազմական ուժով պարծեցող  «հսկայի ծնկները», և նա սկսեց ցնցվել ջղաձգումներից։ Չլինի՞ այդ «ծնկները» կավից են։ Չլինի՞ Բաքվում  հասկանում են, որ երբեք չեն կարողանա լուծել ղարաբաղյան խնդիրն իրենց համար սովորական ձևով, այն է՝ ոչնչացնելով Լեռնային Ղարաբաղի Հանրապետության ժողովրդին։   

Կեղծ սկանդալում բավական կտրուկ ձևով մի մեծ վերջակետ դրեց Ռուսաստանի արտաքին գործերի նախարարությունը։ ՌԴ ԱԳՆ-ն նոտա ուղարկց Ադրբեջանի ԱԳՆ-ին, որում տեղեկացրեց Ադրբեջանի ԱԳՆ-ին, որ ՌԴ պաշտպանության նախարարության կողմից 2008 թ.-ին հայկական կողմին ինչ-որ փաստաթղթի առարկա դարձած հաշվեցուցակով ու քանակով սպառազինություն ու ռազմական տեխնիկա չի փոխանցվել և չի վաճառվել։

Փաստաթուղթը ՌԴ ԱԳՆ կողմից փոխանցվել է Ադրբեջանի դեսպանատանը։ Ռուսական կողմը նշել է, որ այդ հրապարակումը ապատեղեկատվություն է, վառ արտահայտված հակառուսական բնույթ է կրում և չի նպաստում ռուս-ադրբեջանական բարեկամական հարաբերությունների դրական զարգացմանը։ ՌԴ ԱԳՆ-ն հարցը համարեց փակված և կոչ արեց պաշտոնական Բաքվին այսուհետ հապճեպ եզրակացություններ չանել։

Ավելի վաղ ՌԴ արտգործնախարար Սերգեյ Լավրովը խնդրել էր ադրբեջանցի գործընկերներին ցույց տալ այդ փաստաթղթի պատճենը՝ նշելով, որ ռուսական կողմը պատրաստ է նույնիսկ ձեռագրաբանական փորձաքննություն անցկացնել։

«Շատ բան պետք է չէ իմանալ հասկանալու համար, թե ինչպես կարող էր արձագանքել Ադրբեջանն այդ խնդրանքին, քանի որ անգամ ստելու մեծ փորձ ունեցող ադրբեջանցի քարոզիչ-ձեռնածուները չեն կարող ցույց տալ այն, «ինչ աշխարհում ընդհանրապես լինել չի կարող»։

Միևնույն ժամանակ ոչ Ռուսաստանը, ոչ էլ Հայաստանը չեն թաքցնում ռազմատեխնիկական համագործակցության ծրագրերի առկայությունը։ Բացի այդ, ոչ ոքի համար գաղտնիք չէ, որ ՀԱՊԿ անդամներն ավելի արտոնյալ պայմաններ ունեն նմանատիպ համագործակցությունում։

Հայաստանը տարածաշրջանում Ռուսաստանի ամենավստահելի դաշնակիցներից և ՀԱՊԿ ամենաակտիվ մասնակիցներից մեկն է։ Հայ-ռուսական ռազմավարական հարաբերություններն ամրագրված են մոտ 170 հիմնարար և երկարաժամկետ բնույթ կրող միջկառավարական համաձայնագրերով և պայմանագրերով։ Հետևաբար, երկու դաշնակից երկրներ հետկուլիսյան խաղերի կարիք չունեն։ Նրանց հարաբերությունները կարգավորվում են պայմանագրային-իրավական հարուստ բազայով։ -0-

Գագիկ Բաղդասարյան, ԱՄԻ «Նովոստի-Արմենիա»-ի մեկնաբան     

Հեղինակի կարծիքը կարող է չհամընկնել խմբագրության դիրքորոշման հետ։

Loading...
Թեմատիկ նյութեր
Բաժնի այլ նյութեր
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը:
16:48
07 Սեպտեմբերի 2016
Բարեփոխումներ վերևից. Հայաստանում սպասում են կառավարության հրաժարականին
Հովիկ Աբրահամյանի կառավարության սպասվող հրաժարականի մասին խոսում են ինչպես անխուսափելի ինչ-որ բանի մասին: