487.29
-0.01
568.08
+2.76
8.23
+0.01
+7
Եղանակը Երևանում
Հայ
Հայաստանի 2008 թվականի ամենանշանակալի իրադարձությունները
17:13
26 Դեկտեմբերի 2008

«Նովոստի-Արմենիա» միջազգային տեղեկատվության գործակալությունը ներկայացնում է, իր թղթակիցների կարծիքով, Հայաստանի անցնող տարվա տասը ամենանշնակալի իրադարձությունները

1.Նախագահական ընտրություններ: Հայաստանում փետրվարի 19-ին տեղի ունեցած նախագահական ընտրությունների արդյունքներով հաղթանակ տարավ այն ժամանակ վարչապետի պաշտոնը զբաղեցնող Սերժ Սարգսյանը։ Սարգսյանը հաղթեց հենց առաջին փուլում՝ ստանալով ձայների 52,82 տոկոսը: Երկրորդ տեղում էր արմատական ընդդիմության առաջնորդ, Հայաստանի առաջին նախագահ Լևոն Տեր-Պետրոսյանը, ով ստացավ 21,5% ձայն։ Միջազգային դիտորդների կարծիքով, ընտրությունները հիմնականում  անցկացվեցին ԵԱՀԿ և Եվրոպայի Խորհրդի պարտավորություններին և չափանիշներին համապատասխան։ Սարգսյանը ներկայացրեց քաղաքական, տնտեսական և ժողովրդավարական բարեփոխումների, քաղաքացիական հասարակության դերի մեծացման, կոռուպցիայի դեմ պայքարի, մարդկանց բարեկեցության բարձրացման, երկրի պաշտպանունակության ամրապնդման, ղարաբաղյան հիմնախնդրի արդարացի լուծման, Սփյուռքի հետ կապերի ընդլայնման լայնածավալ ծրագիր։

2. Մարտյան ողբերգություն: Մարտի 1-2-ի իրադարձություններն ամենաողբերգականն էին Հայաստանի համար անցնող տարում: Փետրվարի 19-ի նախագահական ընտրություններից դժգոհ ՀՀ նախկին նախագահ Լևոն Տեր-Պետրոսյանի շրջապատը փոցող դուրս բերեց իր կողմնակիցներին: Տասն օրվա ընթացքում Երևանի կենտրոնում իրավիճակը նպատակաուղղված շիկանում էր՝ քաղաքական գործիչների «տաք» ելույթներով։ Ստեղծված իրողությունները հանգեցրին ողբալի հետևանքների։ Մարտի 1-ին Երևանում անկարգություններ բռնկվեցին, որոնք ուղեկցվեցին թալանով, ավերումներով ու ավազակությամբ, որոնց հետևանքով զոհվեց տասը մարդ, այդ թվում՝ իրավապահ մարմինների աշխատակիցներ, ավելի քան 200 մարդ վիրավորվեց։ Տեղի ունեցած անկարգությունների առնչությամբ մարտի 1-20-ը Երևանում արտակարգ դրություն մտցվեց:

3.Իշխող կոալիցիայի ձևավորում: Մարտի 21-ին Հայաստանի չորս կուսակցություններ՝ Հայաստանի Հանրապետական կուսակցությունը, «Բարգավաճ Հայաստան» կուսակցությունը, «Օրինաց երկիր» կուսակցությունը և Հայ հեղափոխական դաշնակցությունը ստորագրեցին իշխող կոալիցիայի ստեղծման մասին հուշագիր։ Կոալիցիայի ստեղծումը կայունացնող դեր խաղաց երկրի ներքաղաքական կյանքում։ Չորս կուսակցություններ պայմանավորվեցին համատեղ աշխատել իրականացվող բարեփոխումների և իրենց նախընտրական ծրագրերի դրույթների, ինչպես նաև ՀՀ նախագահի նախընտրական ծրագրի  իրականացման ուղղությամբ։

4. Նոր վարչապետի նշանակում: Ապրիլի 9-ին ՀՀ նախագահ Սերժ Սարգսյանը հրամանագիր ստորագրեց Կենտրոնական բանկի նախագահ Տիգրան Սարգսյանին երկրի վարչապետ նշանակելու մասին։ Կառավարության ղեկավարի պաշտոնին մի մարդու նշանակումը, ում պրոֆեսիոնալ որակներն անվիճելի են համարում գործող իշխանության նույնիսկ ամենամոլի հակառակորդները, երկրի նախագահի ուժեղ քայլերից էր։ Վարչապետի թեկնածությունն առաջարկեց իշխող Հանրապետական կուսակցությունը, սակայն ինքը՝ Տիգրան Սարգսյանը չմտավ որևէ կուսակցության շարքերը, ինչը նրան հնարավորություն տվեց կառավարությունում ստեղծել արհեստավարժների թիմ, ինչից նա և օգտվեց։ Քչերը կասկածներ ունեն, որ ներկայիս հայկական կառավարությունը երկրի նորագույն պատմության մեջ ամենապրոֆեսիոնալներից է։

5 Նախագահությունը  ՀԱՊԿ-ում։ 2008 թվականին նախագահությունը Հավաքական անվտանգության պայմանագրի կազմակերպությունում Ղրղզստանից անցավ Հայաստանին։ Նախագահության փոխանցման ընթացակարգը տեղի ունեցավ սեպտեմբերի 5-ին Մոսկվայում՝ ՀԱՊԿ Հավաքական անվտանգության խորհրդի նիստի ընթացքում։ Նախագահ Սերժ Սարգսյանի խոսքերով, Հայաստանը Հավաքական անվտանգության պայմանագրի կազմակերպությունում իր նախագահության շրջանում հիմնական շեշտը դնելու է Կազմակերպության գործունեության արդյունավետության բարձրացման վրա։Երկրի նախագահը նշել է, որ համագործակցության կարևորությունն ազգային անվտագության այնպիսի առանցքային խնդիրների շուրջ, ինչպիսիք են հակազդեցությունը արտաքին ագրեսիայի վտանգին, թմրաբիզնեսին, անօրինական միգրացիային, կոռուպցիային և այլ մարտահրավերներին, կասկած չեն հարուցում և ձևական մոտեցման իրավունք չեն տալիս: 2008թ.-ին Երևանում անցկացվեցին ՀԱՊԿ կանոնադրական մարմինների մի շարք նիստեր, ինչպես նաև «Ռուբեժ-2008» հրամանատարաշտաբային վարժանքները։

6. Ֆուտբոլային դիվանագիտություն։ 2008 թվականն առանձնացավ հայ-թուրքական հարաբերությունների նորմալացման ակտիվ փորձերով։ Ընդառաջ առաջին քայլը կատարեց ՀՀ նախագահ Սերժ Սարգսյանը, ով պաշտոնապես հրավիրեց իր թուրք գործընկեր Աբդուլա Գյուլին՝ այցելել Երևան և միասին հետևել Հայաստան-Թուրքիա ֆուտբոլային հանդիպմանը՝ 2010 թ. ֆուտբոլի աշխարհի առաջնության ընտրական փուլի շրջանակներում։ Սեպտեմբերի 6-ին Թուրքիայի նախագահի մեկօրյա այցի ընթացքում տեղի ունեցավ երկու երկրների նախագահների հանդիպում, որի ժամանակ քննարկվեցին երկկողմ հարաբերությունների կարգավորման հարցեր: Հայաստանի նախագահը գտնում է, որ հարևան երկրների միջև անմիջական շփումը հարաբերությունների կարգավորման միակ արդյունավետ միջոցն է։  Պետությունների ղեկավարներն ընդգծել են երկու երկրների քաղաքական կամքը՝ պատասխանատվություն վերցնել և սկսել գոյություն ունեցող խնդիրների կարգավորումը, ստեղծել տարածաշրջանային խաղաղության և կայունության մթնոլորտ։ Հանդիպման ժամանակ Գյուլը հրավիրել է իր հայ գործընկերոջը Ստամբուլ, որտեղ 2009 թ.-ին տեղի կունենա երկու երկրների ֆուտբոլային հավաքականների պատասխան հանդիպումը։

7. Նոր խոսնակ։ Սեպտեմբերի 29-ին պատգամավորներն ընտրեցին խորհրդարանի  նոր ղեկավար։ Այդ պաշտոնում ընտրվեց նախագահի աշխատակազմի նախկին ղեկավար, ՀՀԿ-ն ներկայացնող Հովիկ Աբրահամյանը։ Նախկին խոսնակ Տիգրան Թորոսյանը հայտարարեց խորհրդարանի խոսնակի պաշտոնից իր հրաժարականի և Հայաստանի իշխող Հանրապետական կուսակցության շարքերից դուրս գալու մասին՝  իր որոշումը բացատրելով Հանրապետական կուսակցության շարքերում ներքին քաղաքական տարաձայնություններով, մասնավորապես, խորհրդարանի և կուսակցության աշխատանքի կազմակերպման և մի շարք այլ ներկուսակցական հարցերում։ Խորհրդարանի նոր ղեկավարը հայտարարեց, որ մտադիր է բարձրացնել օրենսդիր մարմնի դերը, ապահովել դրա գործունեության թափանցիկությունը, ամրապնդել կապերն ընտրողների հետ։

8. Նախագահի առաջին ուղերձը խորհրդարանին։ Հոկտեմբերի 2-ին ՀՀ նախագահ Սերժ Սարգսյանը սկիզբ դրեց նոր քաղաքական ավանդույթի։ Ժամանակակից Հայաստանի պատմության մեջ առաջին անգամ երկրի ղեկավարն ուղերձով դիմեց երկրի ժողովրդին և խորհրդարանին՝ ԱԺ արտահերթ նիստի ժամանակ։ Իր խոսքում ի թիվս այլ սկզբունքային հարցերի, նախագահը հայտարարեց, որ առաջիկա ամիսներին Հայաստանը սկսում է նոր ատոմակայանի, Իրան- Հայաստան երկաթուղու կառուցումը, ինչպես նաև սկսում է համահայկական բանկի ու ներդրումային հիմնադրամի ստեղծումը։

9. Մոսկովյան հռչակագիր։ Նոյեմբերի 2-ին Ռուսաստանի, Հայաստանի և Ադրբեջանի նախագահներ Դմիտրի Մեդվեդևը, Սերժ Սարգսյանը և Իլհամ Ալիևը Մոսկվայի Մայնդորֆ դղյակում ստորագրեցին համատեղ հռչակագիր՝ եռակողմ հանդիպման արդյունքներով։ Դա 14 տարիների ընթացքում ղարաբաղյան կարգավորմանը վերաբերող առաջին փաստաթուղթն էր, որի տակ դրված են Հայաստանի և Ադրբեջանի նախագահների ստորագրությունները։ Հռչակագրում արտահայտվում է ղարաբաղյան հիմնահարցի խաղաղ կարգավորման բանակցային գործընթացը շարունակելու պատրաստակամություն։ Փորձագետների կարծիքով, այդ հռչակագիրը լավ հիմք է բազմամյա հակամարտության կարգավորման համար։

10. Շախմատային հաղթանակ։ 2008թ.-ին Հայաստանը հերթական անգամ հաստատեց շախմատային գերտերության իր կարգավիճակը։ Նոյեմբերի 24-ին երկրի տղամարդկանց հավաքականը երկրորդ անգամ անընդմեջ նվաճեց Օլիմպիական չեմպիոնի տիտղոսը։ Հայ շախմատիստներին Դրեզդենի Օլիմպիադայում անձամբ ոգևորում էր ՀՀ նախագահ, Հանրապետության շախմատի ֆեդերացիայի նախագահ Սերժ Սարգսյանը։ -0-

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։