483.58
+0.74
513.85
-7.76
7.67
+0.05
-1
Եղանակը Երևանում
Հայ
Հայ զբոսաշրջիկները զանգվածային կերպով լքում են Վրաստանի հանգստավայրերը
17:37
13 Օգոստոսի 2008

 

ԵՐԵՎԱՆ, 13 օգոստոսի. /Նովոստի-Արմենիա/. Հայ զբոսաշրջիկները զանգվածային կերպով լքում են Վրաստանի առողջարանային քաղաքները՝ Բաթումին, Քոբուլեթին, Ուռեկին, որոնք վերջին տարիներին հայերի սիրելի հանգստավայրերն են դարձել։

«Ինչպե՞ս գնալ Բավրա» պարզունակ հարցը լսելով՝ «Բավրա» մաքսակետի մոտակա գյուղերից մեկի բնակիչը զարմացած մեզ նայեց, որովհետև նրա համար արդեն սովորական էր դարձել, որ այս օրերին, Վրաստանում ռազմական դրության պայմաններում, մեքենաների հոսքը հակառակ ուղղությամբ է գնում՝ հայրենիք վերադարձնելով հայ ու արտասահմանցի քաղաքացիներին։

«Բավրայի» մաքսակետը վրաց-հարավօսական հակամարտության սրման սկզբից հայ-վրացական սահմանի փաստացիորեն միակ անվտանգ ավտոտրանսպորտային ուղին է դարձել Վրաստանը լքել ցանկացող քաղաքացիների համար։

Վերջին հինգ օրերի ընթացքում, ինչպես «Նովոստի-Արմենիա» գործակալության թղթակցին հայտնեց «Բավրայի» մաքսակետի պետ Արտյոմ Խաչատրյանը, սահմանն անցել է ավելի քան 10 հազար մարդ, ընդ որում մարդկանց հիմնական հոսքը եղել է օգոստոսի 10-11-ին, երբ հարևան երկրից Հայաստան է մուտք գործել 4973 քաղաքացի փոխադրող 826 մեքենա։   

Լարված հանգիստ անցկացրած հայ զբոսաշրջիկները՝ երկար ճանապարհից ու Վրաստանում տեղի ունեցող վերջին իրադարձություններից հոգնած, ընդհատել են իրենց հանգիստն ու վերադարձել հայրենիք։

«Վերջ, հիմա մենք տանն ենք»,- հայ-վրացական սահմանն անցնելիս՝ թեթևացած ասաց Աննա անունով երիտասարդ կինը։

«Մենք Վրաստան էինք մեկնել օգոստոսի 8-ին՝ պատերազմն սկսվելու օրը, քանի որ չէինք կարծում, որ մեր գտնվելը Վրաստանում այդքան վտանգավոր կարող է լինել։ Մենք հանգստանում էինք Քոբուլեթիում, որտեղ ամեն ինչ խաղաղ էր, բայց ընդհանուր իրավիճակն էր շատ լարված, իսկ ամենից շատ մենք, իհարկե, վախենում էինք ճանապարհից»,- «Նովոստի-Արմենիա» գործակալության թղթակցին ասաց Աննան։

 Վրաստանից եկող իր հարազատներին դիմավորողների մեջ էր նաև Մոր և մանկան առողջության պահպանման գիտահետազոտական կենտրոնի գլխավոր տնօրեն, աշխարհահռչակ գինեկոլոգ Գեորգի Օկոևը։ Ինչպես պատմեց պրոֆեսորը, նրա որդին ընտանիքի հետ օգոստոսի 8-ին մեկնել է Վրաստան հանգստանալու, բայց «մենք որոշենցինք, որ ավելի լավ է նրանք ընդհատեն հանգիստն ու վերադառնան»։

Ավտոմեքենաները Հայաստան են գալիս Բաթումի- Խաշուլի-Բորժոմի-Նինոցմինդա-Ախալքալաք երթուղով, որը Գորին ու Թբիլիսին շրջանցող ամենաանվտանգ երթուղին է։ Գորիի ու Թբիլիսիի տարածքում ճանապարհները փակ են ռազմական տեխնիկայի տեղաշարժման պատճառով։ Եվ չնայած դրան՝ Հայաստան ժամանած որոշ մեքենաների ուղևորներ սեփական աչքերով են տեսել ռազմական հակամարտության հետևանքները։  

«Սարսափելի բան է կատարվում այնտեղ... Մեզանից մի քանի մետր հեռավորության վրա՝ Սուրամսկի կիրճում, ռումբ պայթեց, որի բեկորները վնասեցին իմ մեքենան»,- «Նովոստի-Արմենիա» գործակալությանն ասաց ընտանիքի հետ հայրենիք էր վերադարձած Ալիկ անունով երիտասարդը։

Քաղաքացիների հիմնական մասը սեփական մեքենաներով է վերադառնում, մյուսները՝ վրացական տուրիստական ավտոբուսներով, երրորդներին «Բավրայի» մաքսակետում դիմավորում են Երևանից հատուկ ժամանած ավտոբուսներն ու միկրոավտոբուսները, որոնք քաղաքացիներին անվճար հասցնում են մինչև Հայաստանի մայրաքաղաք։   

«Բավրայի» մաքսատան պետի հավաստմամբ, միայն անցյալ գիշեր հարևան երկրից Հայաստան է ժամանել շուրջ 600 մարդ, որոնցից շուրջ 200-ն օգտվել է հայկական իշխանությունների կողմից վարձակալած փոխադրամիջոցներից։  

ՀՀ ԱԳՆ տվյալներով, երեքշաբթի Հայաստանի համապատասխան կառույցների աջակցությամբ դյուրացված կարգով Հայաստան են մուտք գործել օտարերկյա շուրջ 2000 քաղաքացիներ, այդ թվում` Վրաստանում հավատարմագրված դիվանագետներ, միջազգային կազմակերպությունների աշխատակիցներ և նրանց ընտանիքների անդամներ։

Միայն վերջին երեք օրում «Բավրայի» մաքսակետն անցած արտասահմանցիների թիվը 158 –ի հասել, որոնցից 90-ը ԱՄՆ քաղաքացիներ են։ Կան նաև Լեհաստանի, Հունաստանի, Գերմանիայի, Մեծ Բրիտանիայի, Ճապոնիայի, Սլովակիայի քաղաքացիենր։ Հայաստան ժամանողների մեջ կան նաև Վրաստանի քաղաքացիներ։

Վրացական երկու ընտանիք երեխաների հետ սեփական մեքենայով երեքշաբթի երեկոյան ժամանել են Հայաստան։ «Ճիշտն ասած՝ մենք հաճախ ենք Հայաստան գնում, մենք այստեղ բարեկամներ ունենք, դրա համար էլ որոշեցի ընտանիքս այստեղ բերել, իսկ ես վաղը ետ կգնամ»,- Նովոստի-Արմենիա» գործակալությանն ասաց երիտասարդ վրացինով, ով չցանկացավ ներկայանալ։   

Ընդհանուր առմամբ, «Բավրայի» մաքսակետն աշխատում է դյուրացված ռեժիմով, և բոլոր մարդկանց համար «կանաչ միջանցք» է բացված։ Հայ մաքսատան աշխատակիցները՝ ՀՀ ԱԻՆ և ԱԱԾ աշխատակիցների հետ համատեղ, առանց խոչընդոտի թույլ են տալիս հանրապետություն մտնել Վրաստանից եկող բոլոր քաղաքացիներին։  

«Բավրայի» մաքսակետի ղեկավարության կարծիքով, առաջիկա օրերին ևս մարդկանց հոսք է սպասվում, սակայն ակնհայտ է, որ Վրաստանը լքել ցանկացողների հիմնական մասն արդեն ժամանել է Հայաստան։

Սակայն որքան էլ տարօրինակ լինի, ՀՀ որոշ քաղաքացիներ ամեն դեպքում մեկնում են Վրաստանի սևծովյան հանգստավայրեր։ «Օրերս երկու ընտանիք մեկնել է Բաթումի հանգստանալու, մենք նրանց, իհարկե, խորհուրդ տվեցինք այդ բանը չանել, բայց դա նրանց որոշումն է, արգելել նրանց մենք չենք կարող»,- ասաց «Բավրայի» մաքսակետի ղեկավար Արտյոմ Խաչատրյանը։

ՀՀ արտգործնախարարությունը՝ փոխնախարար Գեղամ Ղարիբջանյանի միջոցով հայտարարեց, որ «ՀՀ արտաքին քաղաքական գերատեսչությունը կոչ է անում իր քաղաքացիներին զերծ մնալ ճանապարհորդությունից այդ ուղղությամբ, քանի որ անհանգստանում է իր քաղաքացիների համար»։   

Մինչդեռ, Բավրայով երկիր են վերադառնում նաև բեռնատար մեքենաները, որոնք չեն կարողացել բեռը Փոթիի նավահանգստով Ռուսաստան հասցնել։ Փոթիի նավահանգստի աշխատանքը, մի շարք ռուսական ու վրացական ԶԼՄ-ների հավաստմամբ, ներկայումս լրջորեն խախտված է։  

«Հինգ օր դեղձով ու խաղողով բեռնված իմ մեքենաները կանգնած էին Փոթիում, որոնց ձևակերպումն այդպես էլ չհաջողվեց իրականացնել նավահանգստի շրջափակման պատճառով։ Ավելին, երբ ես ի վերջո որոշեցի տուն վերադառալ, ինձ ասացին, որ դեպարտամենտը արգելել է քաղաքացիների մեկնումը և միայն Բաթումիում Հայաստանի գլխավոր հյուպատոս Հակոբ Հաջի -Հակոբյանի օգնությամբ ես կարողացա իմ ապրանքը ետ բերել, որն ամենայն հավանականությամբ այսքան օր 40 աստիճան ցելսիուսի պայմաններում մնալով՝ արդեն փչացել է»,- «Նովոստի-Արմենիա» գործակալությանն ասաց բեռնափոխադրումներով զբաղվող անհատ ձեռներեց Հմայակ Մնչակցյանը։

Նրա խոսքերով, ամեն մեքենայի բեռի արժեքը 50 հազար ԱՄՆ դոլար է, և ապրանքի փչանալու դեպքում ինքը մեծ ֆինանսական կորուստներ կկրի, չխոսելով դեռ այն մասին, որ մեքենաների կանգնելու յուրաքանչյուր օրվա համար նա 13 եվրո գումար է վճարել։

Միևնույն ժամանակ ՀՀ տրանսպորտի և կապի նախարար Գուրգեն Սարգսյանը երեքշաբթի վստահեցրեց հայ լրագրողներին, որ ներկայումս Հայաստանի համար նախատեսված բեռներով նավերի բեռնաթափումը Փոթիի նավահանգստում իրականացվում է նորմալ ռեժիմով, և հայկական բեռներով վեց նավերը հերթականությամբ բեռնաթափվում են։ 

Նաիրա Մելքումյան, «ԱՄԻ Նովոստի-Արմենիա» գործակալության հատուկ թղթակից –0--

Loading...
Թեմատիկ նյութեր
Բաժնի այլ նյութեր
21:11
09 Դեկտեմբերի 2016
Հայաստանը չի կենտրոնանում միայն իր սեփական ցավի վրա, այլ ապագայում ցեղասպանությունների կանխման առաջամարտիկ է
Դեկտեմբերի 9-ը «Ցեղասպանության հանցագործության զոհերի հիշատակի և արժանապատվության եւ այդ հանցագործության կանխարգելման միջազգային օրն» է։
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։