482.26
+0.64
516.89
-1.62
7.57
+0.02
-4
Եղանակը Երևանում
Հայ
Հայաստանի նոր կառավարություն. Թափանցիկության ուղի
12:32
28 Ապրիլի 2008

2008 թվականի ապրիլի 25-ին Հայաստանի կառավարությունն առաջին անգամ իր նիստերի դռները բացեց լրագրողների առաջ։ Տեղի ունեցավ այն, ինչ երբեք չէր եղել. կառավարությունում հավատարմագրված լրատվամիջոցների ներկայացուցիչները կարողացան մամուլի կենտրոնում, օն-լայն ռեժիմով մեծ էկրանի վրա հետևել նախարարների կողմից քննարկվող հարցերին։ Այս իրադարձությանը նախորդել էր ևս մեկ նորարարություն, ըստ որի, այսուհետ նիստից երկու օր առաջ կառավարության պաշտոնական կայքում տեղակայվում է նիստերի մանրամասն օրակարգը, որում ընդգրկվում են նաև քննարկվող հարցերի վերաբերյալ այս կամ այն նախարարի հիմնավորումները։

Աշխատանքի նոր ոճը, որը լրագրողներին հրատապ տեղեկության հսկա հոսքից ազատ օգտվելու հնարավորություն է տալիս, այնքան անսովոր էր, որ  հավաքվածների մի մասի մոտ նույնիսկ խառնաշփոթություն առաջացրեց։ Վերջիններիս տարակուսանքն, ամենայն հավանականությամբ, կապված էր այն բանի հետ, որ այժմ իրենք պետք է տեղեկատվության հոսքի միջից ընտրեն գլխավոր սյուժեները, և ոչ թե բավարարվեն նիստերից հետո ավանադական ճեպազրույցներով կամ կառավարական մամուլի հաղորդագրությունների չոր տվյալներով։

Ամեն դեպքում, լրագրողները հիացած են նման թափանցիկությունից։

«Ես վաղուց եմ պայաքարել կառավարության նիստերը լուսաբանելու հին ոճի դեմ և պնդել եմ, որպեսզի մասնավորպես օրակարգը մեզ նախապես տրամադրեն։ Եվ ընդհանրապես, վերջին 8-10 տարիների ընթացքում կառավարությունը մեզ համար փակ էր։ Նորամուծությունները շատ ճիշտ եմ համարում։ Մենք ինքներս կարող ենք հետևել նիստերի ընթացքին, թե նախարարներն ինչպես գիտեն իրենց գործը, իրենց նախաձեռնություներին ինչպիսի հիմնավորումներ կարող են ներկայացնել, և ոչ թե բավարարվել ճեպազրույցներին ներկայացված մեկ թեմայով, որն ինչպես կանոն ամենաանկարևորն ու անհետաքրքիրն էր։ Այժմ ես ինքս կարող եմ ընտրել, թե ինչ է պետք հասարակությանը պատմել։ Ես ողջունում եմ, որ կառավարությունը վերջապես իր մեջ ուժ գտավ դռները բացելու և իր աշխատանքը ցույց տալու։Եթե ամեն  ինչ այդպես էլ շարունակվի հետագայում, ապա մեզ ավելի հեշտ կլինի գնահատել կառավարության կատարած աշխատանքը»,- լրագրողներին ասաց «Ազատություն» ռադիոկայանի լրագրող Շաքե Ավոյանը։

Այս մտքին համակարծիք են նաև հեռուստալրագրողները, չնայած որ որոշ տեխնիկական խնդիրների լուծման հույս ունեն։ «Մենք տեխնիկական խնդիրներ ունենք, որոնք մեզ խոստացել են լուծել։ Բանն այն է, որ այն կադրերն ու ձայնը, որը եղել է առաջին նիստի ժամանակ, մենք օգտագործել չենք կարող։ Սակայն միայն այն, որ մենք կարող ենք հետևել նիստի ընթացքին, մեծ տեղեկացվածություն է ապահովում։ Նախկինում, երբ մենք սահմանափակվում էինք միայն ճեպազրույցներով, մենք տեղեկություն ընտրելու հնարավորություն չունեինք, իսկ այսօր մենք կարող ենք հետևել ամբողջ օրակարգին և կենտրոնանալ տարբեր թեմաներրի վրա ըստ մեր հայեցողության։ Կարծում եմ, որ սա լավ նախաձեռնություն է, և եթե սա պահպանվի նաև հետագայում և լուծվի տեխնիկայով զինելու հարցը, ապա կառավարության գործունեությունն ավելի թափանցիկ կլինի»,- կարծում է Հայաստանի Հանրային հեռուստատեսության թղթակից Հերմինե Բաղդասրայանը։

Թափանցիկությունը Հայաստանի կառավարության սկզբունային դիրքորոշումն է։ Այն մասին, որ կառավարության աշխատանքների կազմակերպման հրապարակայնությունը նրա գործունեության գլխավոր ասպեկտն է, հայտարարեց Հայաստանի վարչապետ Տիգրան Սարգսյանը։ «Կառավարության աշխատանքների կազմակերպման հիմնական սկզբունքը կդառնա հասարակության ներգրավումը»,- ընդգծել  է կառավարության ղեկավարը։

Վարչապետը համոզված է, որ Հայաստանի քաղաքացիները պետք է հնարավորություն ունենան մասնակցել կառավարության որոշումների նախագծերի մշակմանը, դրանց քննարկումներին, ավելին՝ պետք է ընդունված որոշումների հետ կապված հետադարձ կապ ստեղծվի։

Կառավարության ղեկավարն ընդգծում է  նաև երկրում մարդու իրավունքների պաշտպանության հրատապությունը։

«Մենք առաջնային ենք համարում մարդու իրավունքների պաշտպանությունն ու  սահմադրական նորմերը։ Ենթաօրենսդրական ակտերի բոլոր մեկնաբանությունները պետք է լիովին երաշխավորեն քաղաքացիների սահմանադրական իրավունքների իրականացումը։ Ցանկացած վարչական որոշում, որը կսահմանափակի մարդու իրավունքները, մեզ համար անթույլատրելի կլինի»,- ընդգծում է կառավարության ղեկավարը։

Ամեն դեպքում, իր գործունեության մեջ առավելագույն թափանցիկություն երաշխավորելով, Հայաստանի կառավարությունը զանգվածային լրատվության միջոցներից պահանջում է նույնպիսի պատասխանատվություն։

Հայաստանի իշխանությունները մտադիր են փոփոխություններ կատարել ԶԼՄ-ների աշխատանքում՝ օպերատիվ արձագանքելով մամուլում հրապարակվող լուրերին։

«Փոխվելու է մեր աշխատանքային ոճը ԶԼՄ-ների հետ։ Պատասխանատու լրատվամիջոցներ ունենալու համար, առաջին հերթին, հարկավոր է ունենալ պատասխանատու իշխանություն։ Սա առաջին սկզբունքն է, որը մեր առջև դրել է ՀՀ նախագահը։ Այսուհետ, մենք պարտավոր ենք արձագանքել մամուլում հասարակական մեծ հնչեղություն ստացած լուրերին»,- ասել է վարչապետը։

Նրա խոսքով, կառավարության ղեկավարի վարչակազմը վերլուծելու է դրանցում հնչեցված խնդիրները։ «Եթե ԶԼՄ-ներում հայտնվի զրպարտող կամ սուտ տեղեկատվություն, ապա մենք ձեզ հետ պարտավոր ենք արձագանքել»,- նշել է կառավարության ղեկավարը։

Նրա խոսքով, նախագահը համապատասխան հանձնարարական է տվել, որպեսզի օրենսդրական փոփոխություններ պատրաստվեն՝ իրավական դաշտը հստակեցնելու համար։

Գագիկ Բաղդասարյան, «Նովոստի-Արմենիա» ԱՄԻ թողարկող- խմբագիր—0-

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: