483.51
+0.04
521.51
-0.3
8.36
-0.1
+2
Եղանակը Երևանում
Հայ
Երկու Սարգսյանների տանդեմը
20:02
23 Ապրիլի 2008

Հայաստանի նոր  նախագահ Սերժ Սարգսյանը 12-օրյա ժամկետում ավարտեց կառավարության ձևավորումը՝ հավաքելով պրոֆեսիոնալ թիմ, որը պետք է առաջիկա հնգամյակում իրականացնի պետության ղեկավարի ծրագիրը։ Սերժ Սարգսյանը՝ լինելով Հայաստանի Հանրապետական կուսակցության առաջնորդը, նոր ձևաչափի կառավարություն ստեղծեց, որտեղ կոալիցիոն գործընկերները (ՀՀԿ, ՀՅԴ, «Օրինաց երկիր» և «Բարգավաճ Հայաստան») միասին ստացան նախարարական պաշտոնների 60%-ը, իսկ կաբինետի 40%-ը կազմում են անկուսակցական քաղաքական գործիչները։

Վկայությունն այն բանի, որ ներկա նախագահը շեշտը դնում է ֆինանսական և տնտեսական բարեփոխումների իրագործման վրա, վարչապետի պաշտոնում Կենտրոնական բանկի նախագահ, անկուսակցական Տիգրան Սարգսյանի նշանակումը դարձավ. քաղաքականությունից հեռու անձ, իսկական պրոֆեսիոնալ և լավ մենեջեր։ Նրա նշանակումը դրական է ընդունվել նույնիսկ իշխող կոալիցիայի քաղաքական ընդդիմախոսների կողմից։

«Հայաստանի նախագահը նշել է լուրջ ծրագրեր, որոնց լուծումը մեծ մասնագիտացում է պահանջում։ Մասնավորապես, հարկային վարչարարության բարելավում, տնտեսվարող սուբյեկտների համար հավասար պայմանների ստեղծում, կենսաթոշակային բարեփոխումներ, որոնք ֆինանսական հատվածի ամենաբարդ բարեփոխումներից  են։ Սրանք այն բարեփոխումներն են, որոնք չի կարելի դադարեցնել։ Ես մտադիր են աշխատել Սերժ Սարգսյանի հետ ողջ ժամանակաշրջանի ընթացքում և համոզված եմ, որ նրա կողմից ձևավորված կառավարությունը ի վիճակի կլինի լուծել այդ խնդիրները 5 տարվա ընթացքում», ասել է վարչապետը «ՌԻԱ Նովոստիին» տված հարցազրույցում։

Նորություններ։  Իր կաբինետի առաջնահերթ խնդիրների թվում Տիգրան Սարգսյանը տեսնում է Հայաստանը տարածքային ֆինանսական կենտրոն դարձնելու նախագծի իրականացումը, համահայկական բանկի ստեղծումը, կապիտալի շուկայի զարգացումը՝ OMX սկանդինավյան բորսային օպերատորի հետ համագործակցության միջոցով։ Առաջնային են համարվում նաև պարտադիր ապահովագրության ներդրումը, ներդրումային հիմնադրամների մասին օրենսդրության ընդունումը և ֆինանսական շուկայում սպառողների իրավունքների պաշտպանության ինստիտուտի ստեղծումը։

Երկրորդ սերնդի տնտեսական բարեփոխումների իրականացումը հավակնոտ կերպով ստանձնած երկու Սարգսյանների՝ նախագահի և վարչապետի տանդեմը, որպես առաջին թիրախ ընտրել է մաքսային ոլորտը։ Առաջին հերթին նախագահը զբաղեցրած պաշտոնից հեռացրեց Պետական մաքսային կոմիտեի ղեկավարին՝ նրա տեղակալին նշանակելով ՊՄԿ ղեկավարի պաշտոնակատար։ ՊՄԿ ղեկավարության հետ աշխատանքային հանդիպման ժամանակ նախագահ Սարգսյանը կտրուկ հայտարարեց, որ մաքսատան աշխատակիցները, ովքեր պատրաստ չեն բարեխղճորեն կատարել իրենց պարտականությունները, պետք է հեռանան համակարգից։

Մաքսատան թափանցիկության և բաց լինելու՝ նոր կառավարության բռնած ուղին  արդեն տալիս է առաջին պտուղները։ Այսուհետ Մաքսային կոմիտեն կսկսի իր կայքում նշել Հայաստան ներկրվող ապրանքների մաքսային արժեքը։ Նախագահի հանձնարարականով, արտաքին առևտուր իրականացնող բոլոր տնտեսվարող սուբյեկտները պետք է տեղեկացված լինեն մաքսային մարմինների կողմից կիրառվող ապրանքների մաքսային արժեքի չափի մասին։

Կառավարության առաջին նիստում վարչապետ Սարգսյանը հայտարարեց, որ կառավարության աշխատանքները կազմակերպելիս կառավարությունը կառաջնորդվի հասարակությանն ընդգրկելու սկզբունքով, որպեսզի ընդունված որոշումները դառնան հասարակական քննարկումների առարկա։ Սա նշանակում է. որ այսուհետ նախարարությունների համար պարտադիր պայման կդառնա իրենց կայքերում որոշումների նախագծերի տեղադրումը, որպեսզի քաղաքացիները հնարավորություն ունենան ծանոթանալ դրանց հետ»,- ընդգծեց կառավարության ղեկավարը։ Տիգրան Սարգսյանը հստակ նշեց, որ կառավարությունը միշտ կտեղեկացնի հասարակությանն իր հետագա քայլերի մասին և կհրաժավի կեղծ պոպուլիզմից։ «Հաճախ մենք չարաշահում ենք այնպիսի ընդհանուր տերմիններ, ինչպիսիք են «կատարելագործել», «խորացնել» և «բարելավել», և այդ դեպքում մեր գործունեությունն անկառավարելի է դառնում»,- ասաց նա։

Նախագահի և վարչապետի նորամուծություններն ուղղված են երկրում հետընտրական իրադարձությունների հետևանքով կորսված հասարակական վստահության վերականգնմանը։ Եվ այդ ճանապարհին ուժեղ և անբասիր կենսագրություն ունեցող մասնագետներից կառավարություն ձևավորելը նոր նախագահի գլխավոր խաղաքարտը դարձավ։ Ինչպես կարծում է նախկին վարչապետ Խոսրով Հարությունյանը, այսպիսի թիմ կազմելը թույլ կտա Հայաստանի նախագահական ընտրությունների արդյունները չընդունող ընդդիմության հավաքների արդյունքում մարտի 1-ի զանգվածային անկարգություններից հետո հասարակական կյանքը նորմալ հունի մեջ դնել։

«Բոլոր ցուցանիշներով մենք  պետք է հաշվետվություն ներկայացնենք ինչպես երկրի նախագահին, այնպես էլ հասարակությանը՝ ինչու ենք մենք հետ մնում, ինչու տարածաշրջանային մրցակցությունում մեր հարևանները  շատ ցուցանիշներով առաջ են մեզանից։ Այսպես, միջազգային փորձագետների գնահատականներով, հարկային և մաքսային ոլորտներում բարեփոխումներ իրականացնելու առումով Հայաստանը 18 ամսով հետ է մնում Վրաստանից։ Ես կարծում եմ, որ սա մեզ համար անընդունելի է»,- ասաց Տիգրան Սարգսյանը՝ ներկայացնելով էկոնոմիկայի նորանշանակ նախարար Ներսես Երիցյանին։ - «Մենք երեք տարով առաջ ենք մեր հարևաններից բանկային համակարգում։ Այդպիսի հաջողությունների մենք պետք է հասնենք և տնտեսության ոլորտում։ Եթե չինացիները, հնդիկներն ու մալազիացիները կարողացել են միավորվել փոքրիկ Սինգապուրում և լուծել այս խնդիրը, ինչու դա չի կարող անել տաղանդավոր հայ ժողովուրդը»,- հայտարարեց վարչապետը։

Համաշխարհային տնտեսական հանրությունը, ի դեմս Համաշխարհային բանկի և  Արժույթի միջազգային հիմնադրամի, արդեն վստահեցրել են նոր վարչապետին՝ նրա բռնած ընթացքին աջակցելու հարցում՝ ամեն կերպ նրան օգնելու պատրաստակամություն հայտնելով։

«Թե Ձեզ և թե Հայաստանի համար այժմ բուռն զարգացումներով լի ժամանակներ են, և ես երջանիկ եմ, որ ի զորու եմ առաջարկելու իմ անձնական աջակցությունն ու համագործակցությունը` հենց այն պահին, երբ պետական ծառայության այս նոր փուլում Դուք ստանձնում եք վարչապետի պաշտոնը»,- ասվում է Համաշխարհային բանկի գործադիր տնօրեն Հերման Վիջֆելսի շնորհավորական ուղերձում Տիգրան Սարգսյանին՝ վարչապետի պաշտոնում նշանակելու կապակցությամբ։

Ի դեպ, ձևավորված կառավարությունը, Հայաստանի Սահմանադրության համաձայն, պետք է 20-օրյա ժամկետում խորհրդարանին ներկայացնի իր ծրագիրը։ Կառավարության ծրագիրը Ազգային Ժողովի հավանությանն արժանացնելու հարցը քննարկվում է արտահերթ և դրվում քվեարկության։ Ծրագրի հավանությունն ընդունվում է պատգամավորների մեծամասնության ձայներով։ Նկատի ունենալով, որ կոալիցիոն կուսակցությունները խորհրդարանում մեծամասնություն են կազմում, կառավարական ծրագրի ճակատագիրը կարելի է կանխորոշված համարել։

Նաիրա Մելքումյան, ԱՄԻ «Նովոստի-Արմենիա», Հատուկ ՌԻԱ Նովոստիի համար

Loading...
Թեմատիկ նյութեր

Բաժնի այլ նյութեր
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը: