481.79
+0.02
538.93
-1.33
8.53
+0.03
+16
Եղանակը Երևանում
Հայ
Հայաստանն ընտրությունների նախաշեմին. առանց սենսացիաների
19:19
04 Փետրվարի 2008

ԵՐԵՎԱՆ, 4 փետրվարի./Նովոստի-Արմենիա/. Հայաստանում նախընտրական  արշավը եռուն շրջանում է, և, կարծես, թե մինչև փետրվարի 19-ը որևէ անակնկալ չի նախատեսվում։ Նախագահական քարոզարշավի անխոս առաջատարը գործող վարչապետ և ՀՀԿ ղեկավար Սերժ Սարգսյանն է։ Հասարակական կարծիքի, առանց բացառության, բոլոր հարցումները վկայում են մյուս ութ թեկնածուների նկատմամբ վարչապետի զգալի առաջ լինելու մասին։
                             
Դա ՀՀԿ փոխնախագահ Գալուստ Սահակյանին հիմք է տվել վստահորեն հայտարարելու արդեն առաջին փուլում Սերժ Սարգսյանի հաղթանակի հավանականության մասին։

Հարցումները ցույց են տալիս, որ առաջատարին հաջողվել է նկատելիորեն բարելավել իր վարկանիշը։ 2007թ. դեկտեմբերի համեմատ, երբ Սարգսյանին աջակցում էր հարցվածների 35%-ը, քաղաքական քարոզարշավի նախօրյակին ընտրողների արդեն 43%-ը պատրաստ է եղել ձայն տալ վարչապետին։

Հարցման տվյալներով, երկրորդ տեղում «Օրինաց Երկիր» կուսակցության նախագահ Արթուր Բաղդասարյանն է՝ 11%-ով։ Երրորդ տեղը 6%-ով զբաղեցնում է «Ազգային միաբանության» նախագահ Արտաշես Գեղամյանը։ Մյուս թեկնածուների վարկանիշը չնչին է։
 
Այն հարցին, թե ինչպես են հարցման մասնակիցները վերաբերում թեկնածուներին, հարցվածների 64%-ը պատասխանել է, որ դրական է վերաբերվում Սերժ Սարգսյանին, իսկ 34%-ը՝ բացասաբար։ Արթուր Բաղդասարյանին համակրում է հարցվածների 22%-ը։ Միաժամանակ Հայաստանի մարզերի ընտրողների 40%-ը ոչ մի դեպքում չի քվեարկի նախկին նախագահ Լևոն Տեր-Պետրոսյանի օգտին։ Հավանաբար բնակչության մոտ ձևավորվել է կայուն բացասական վերաբերմունք նախկին ղեկավարի նկատմամբ։

Ընտրազանգվածի տրամադրությունները շատ բանով ձևավորում են այն գործողությունները և խոստումները, որոնցով ընտրությունների են գնում թեկնածուները։ Հանդես գալով «Առաջ, Հայասատան» կարգախոսով՝ Սերժ Սարգսյանը հայտարարում է, որ ընտրվելու դեպքում կարող է նվազագույնի հասցնել աղքատության մակարդակը, արժանի կյանք ապահովել երկրի բնակիչների համար։ Եվ մարդիկ նրան վստահելու հիմքեր ունեն. 2007թ. երկրում տնտեսական աճը հասել է աննախադեպ բարձր մակարդակի՝ կազմելով 13,8%, զգալիորեն ավելացել են աշխատավարձերն ու թոշակները։

Հայաստանը կնքել է մի շարք խոշոր ներդրումային համաձայնագրեր, որոնք ապահովում են երկրի տնտեսության մեջ հարյուր միլիոնավոր դոլարների ներհոսք։ Չափազանց հստակ է նաև վարչապետի դիրքորոշումը ղարաբաղյան հիմնահարցի վերաբերյալ, որը հիմնվում է Լեռնային Ղարաբաղի ժողովրդի՝ ինքնորոշման իրավունքը հարգելու, նրա անվտանգության ապահովման և Հայաստանի ու Ղարաբաղի միջև ընդհանուր սահմանի առկայության սկզբունքների վրա։

Ընդդիմադիր թեկնածուների նախընտրական պայքարի մարտավարությունը հիմնականում հիմնվում է ներկայիս իշխանությունների տնտեսական քաղաքականության քննադատության վրա։

Մասնավորապես Արթուր Բաղդասարյանը հայտարարում է գների անհիմն բարձրացման և դոլարի արժեզրկման, մի խումբ մարդկանց ձեռքում տնտեսության շահութային ճյուղեր կենտրոնացման, պետական գույքի սեփականացման ժամանակ թույլ տված մի շարք սխալների մասին։ Նրա աջակիցները վստահաբար խոսում են ընտրություններում նրա հաջողության մասին, իսկ ինքը՝ Բաղդասարյանը ընդդիմությանը միավորվելու կոչ է անում՝ բաց տեքստով հայտարարելով, որ ցանկացած քաղաքական ուժի համար պատիվ է իր կուսակցության շուրջ համախմբվելը։

Բաղդասարյանը որոշակի աշխուժություն մտցրեց իր քարոզարշավի մեջ՝ հայտարարելով իր հասցեին հնչող ֆիզիկական հաշվեհարդարի սպառնալիքների մասին։ Միաժամանակ, չնայած լրագրողների կողմից հնչեցվող հարցերի տարափին, իր հայտարարությունն առանց մեկնաբանության թողեց։

Մյուս թեկնածուն՝ երկրի նախկին նախագահ Լևոն Տեր-Պետրոսյանը, սենսացիայի հեղինակ դարձավ միայն այն պատճառով, որ տասնամյա լռությունից և մենությունից հետո վճռեց մեկ անգամ էլ ստանձնել իշխանության ղեկը։ Իր քարոզարշավը նա բավականին ագրեսիվ է վարում։ Մեծ իրարանցում առաջացրեցին հայկական բանակի թվաքանակը կտրուկ կրճատելու վերաբերյալ նրա հայտարարությունները։ Տեր-Պետրոսյանի խոսքերով, Հայաստանը պետք է բարիդրացիական հարաբերություններ հաստատի Թուրքիայի և Ադրբեջանի հետ, և, հետևաբար, նրան պետք չեն լինի խոշոր Զինված ուժեր։ Նա խոստանում է 2008-2012թթ. կրկնապատկել ՀՆԱ-ն, եռապատկել պետբյուջեն և միջին ամսական աշխատավարձը, ինչպես նաև քառապատկել միջին կենսաթոշակի չափը։ Ճիշտ է, առանձնապես  իրեն չի ծանրաբեռնում բացատրություններով, թե ինչի հաշվին է դա անելու։

Երկրում խոշորածավալ փոփոխությունների անհրաժեշտության մասին է պնդում նախագահի մեկ այլ թեկնածու ևս՝ ՀՅԴ բյուրոյի անդամ Վահան Հովհաննիսյանը։ Նա համոզված է, որ սոցիալական պետության հիմնական դրույթների անտեսումը հանգեցրել է ներկայիս տնտեսական կարգին, երբ երկիրը ղեկավարում են տնտեսական խմբավորումների միջոցով։ Բայց նրա հռչակած նպատակը՝ «ազատ քաղաքացիների արդար երկրի կառուցումը», բավականին սառն է ընդունվում նույն  քաղաքացիների կողմից։

Ընդհանուր առմամբ Հայաստանի նախընտրական քարոզարշավը հանգիստ է ընթանում, եթե նկատի չառնենք թեկնածուների, այդ թվում՝ գործող վարչապետի և նախկին նախագահի նախընտրական շտաբերում տեղի ունեցած մի շարք միջադեպեր։Բոլոր այդ միջադեպերին երկրի իրավապահ մարմինները արձագանքել են բավականին օպերատիվ կերպով։


Նախագահական ընտրությունների ցանկացած ելքի դեպքում վստահորեն կարելի է ասել, որ երկրի կողմից տարվող քաղաքականության որևէ կտրուկ շրջադարձ չի սպասվում։ Այսպես կոչված՝ կոմպլեմենտար արտաքին քաղաքականությունը, որը  ենթադրում է նորմալ հարաբերություններ համաշխարհային քաղաքականության բոլոր հիմնական կերտողների հետ՝ Ռուսաստանի հետ ռազմավարական հարաբերությունների զարգացմանը և ամրապնդմանը զուգահեռ, ապացուցել է իր կայացած և անփոխարինելի լինելը։ Չհաշված այն հանգամանքը, որ նախկին խոսնակ Արթուր Բաղդասարյանի կիրակնօրյա հանրահավաքում որբի պես միայնակ նշմարվում էր Եվրամիության դրոշը...-0-  

Գագիկ Բաղդասարյան, ԱՄԻ «Նովոստի-Արմենիա», հատուկ «ՌԻԱ Նովոստիի» համար

Loading...
Թեմատիկ նյութեր
Բաժնի այլ նյութեր
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։