482.84
+0.58
521.61
+4.72
7.62
+0.05
-2
Եղանակը Երևանում
Հայ
Հայաստանի անցյալի հետ պայքարում կհաղթի ներկան
20:11
31 Հունվարի 2008

ԵՐԵՎԱՆ, 31 հունվարի./Նովոստի-Արմենիա/. Հայաստանի ընտրական քարոզարշավը և փետրվարի 19-ին դրա հանգուցալուծումը բավականին կանխատեսելի տեսք ունեն։ Այդուհանդերձ, նախագահի պաշտոնի մի շարք հավակնորդներ մեզ համար հետաքրքրություն են ներկայացնում. դրանք բավականին նկատելի դեմքեր են Հայաստանի վերջին 15-20 տարիների քաղաքական կյանքում։

Հատկանշական է, որ նախագահական ընտրարշավի ներկայիս որոշ մասնակիցներ իրենց քաղաքական գործունեության տարբեր փուլերում եղել են անկախ Հայաստանի առաջին նախագահի համախոհը, ընկերը, գործընկերը։ Ինչ վերաբերում է իրեն՝ Լևոն Տեր-Պետրոսյանին, ապա ներկա նախագահական ընտրություններին մասնակցելու նրա որոշումը պատճառաբանված է, նախևառաջ, առաջին ժողովրդավարական ալիքի քաղաքական գործիչների մի ամբողջ սերնդի ցանկությամբ՝ փորձել վերադառնալ մեծ քաղաքականություն։ Նրանց համար սա վերջին փորձն է։ Մինչդեռ մյուս թեկնածուն՝ Սերժ Սարգսյանը, այսօր արդեն հայկական քաղաքականության գլխավոր գործող անձանցից է։ Անգամ Տեր-Պետրոսյանի գնահատականներով, որն առանձնապես չի համակրում Սերժ Սարգսյանին, վերջինս իր կառավարության բավականին հաջող նախարարն է եղել։ Իսկ այժմ, լինելով կառավարության ղեկավար, նա օգտագործում է բարենպաստ տնտեսական իրավիճակը, ընտրությունների նախաշեմին բարձրացնում է թոշակները և աշխատավարձերը։ Վերջին սոցհարցումները վկայում են այն մասին, որ ընտրողների կեսից ավելին պատրաստ է իր ձայն տալ Սարգսյանին։

Նախընտրական քարոզարշավը Պետրոսյան-Սարգսյան հակամարտության վերածելու՝ նախկին նախագահի փորձերը հաջողությամբ չպսակվեցին. մյուս թեկնածուները չեն ցանկանում լինել Տեր-Պետրոսյանի դաշնակիցը։ Նրանք անձնական հաշիվներ ունեն առավելապես հենց նրա, քան ներկայիս իշխանության հետ։ Նկատի ունեմ, օրինակ, Վազգեն Մանուկյանին՝ ղարաբաղյան շարժման մեջ Տեր-Պետրոսյանի հիմնական համախոհներից մեկին։ Հանդես գալով ներկայիս նախագահի և վարչապետի դեմ՝ Մանուկյանը միաժամանակ չի մոռանում, որ 1996թ.-ին, երբ ինքը, շատ դիտորդների և փորձագետների կարծիքով, հաղթեց նախագահական ընտրություններում, այն ժամանակվա նախագահ Լևոն Տեր-Պետրոսյանը և նրա շրջապատը, փաստորեն, գողացան այդ հաղթանակը։

Եվս մեկ թեկնածու՝ Վահան Հովհաննիսյանը, ևս չի կարող դառնալ նախկին նախագահի դաշնակիցը, քանի որ ՀՅԴ-ն կառավարող կոալիցիայի մեջ է,  ներգրավված է կառավարության մեջ և պաշտպանում է նախագահ Ռոբերտ Քոչարյանի քաղաքականությունը։ Իսկ Տեր-Պետրոսյանի կառավարման տարիներին ՀՅԴ-ն Հայաստանում ենթարկվեց դատական հետապնդման, իսկ կուսակցության կողմից ներկայացված ներկայիս նախագահի թեկնածուն բանտարկված էր։ ՀՀ ԱԺ նախկին խոսնակ Արթուր Բաղդասարյանը, որը ևս հավակնում է նախագահական պաշտոնին, թեև քննադատում է իշխանությունների գործողությունները, բոլորովին վերջերս Ռոբերտ Քոչարյանի աշխատակազմի աջակիցն էր, ուստի ինքը ևս պատասխանատվության մասնաբաժին ունի ինչպես տնտեսությունում, այնպես էլ սոցիալական կյանքում հանրապետությունում ստեղծված իրավիճակի համար։

Ընդդիմության տարանջատվածության մասին են վկայում նաև «Ազգային միաբանություն» կուսակցության ղեկավար Արտաշես Գեղամյանի վերջին ելույթները, որոնց պաթոսը հիմնականում ուղղված է նախկին նախագահի դեմ։ Կարծում եմ, որ ընդդիմության մյուս թեկնածուները ևս թույլ չեն տա Տեր-Պետրոսյանին՝ լուրջ օգուտ քաղել Հայաստանի իրավիճակի «մինչև» և «հետո» համեմատությունից։ Այդ մարդիկ նշում են, որ բոլոր այն բացասական պահերը, որոնց մասին այժմ այդպես զայրացած խոսում է Լևոն Տեր-Պետրոսյանը, սկիզբ են առել հենց նրա ղեկավարման տարիներին, որոնք այդ քաղաքական գործիչների համար ճակատագրական եղան։

Ընտրազանգվածն իր կողմը գրավելու համար Տեր-Պետրոսյանը կանխատեսում է երկրի սոցիալ-տնտեսական իրավիճակի և վերջինիս միջազգային դիրքերի վատթարացում՝ Սերժ Սարգսյանի ընտրվելու դեպքում։ Սակայն, կարծես թե, աղետի կանխատեսումն այնքան էլ չի սարսափեցնում ընտրողներին, որոնք լավ հիշում են, թե ինչ վիճակում էր Հայաստանը Լևոն Տեր-Պետրոսյանի կառավարման օրոք։ Ահա թե ինչու այդ հանգամանքը թույլ չի տալիս նախընտրական քարոզարշավը տեղափոխել Տեր-Պետրոսյան-Սարգսյան երկկողմ հակամարտության հարթություն։ Նախագահական քարոզարշավը ներկայիս իշխանության նկատմամբ դատի  վերածելու՝ նախկին նախագահի փորձը սպառնում է դատական գործընթացի վերաճել՝ հենց Տեր-Պետրոսյանի աշխատակազմի նկատմամբ։

Ծանոթանալով նրա ծրագրին՝ ցավով ցանկանում եմ նշել, որ այն հարուստ է երկիրը կոռուպցիայից ազատելու, գործարարության համար նորմալ միջավայր ստեղծելու, գիտությունը, կրթությունը զարգացնելու, հասարակության բարոյական մաքրագործման և այլ կոչերով։ Ընդ որում, ծրագրում ակնարկ անգամ չկա այն մասին, թե ինչ մեխանիզմներով և ինչ թիմով է նա մտադիր իրականացնել իր մտադրությունները։ Ի դեպ, նույնը վերաբերում է և այնպիսի առանցքային արտաքին քաղաքական հարցերի, ինչպիսիք են՝ Լեռնային Ղարաբաղի և Թուրքիայի հանրապետության հետ հարաբերությունների կարգավորումը։ Նա կոպիտ սխալ թույլ տվեց, երբ վճռեց միայն կենտրոնանալ գործող իշխանության կոշտ քննադատության վրա՝ կանգ չառնելով լուրջ քաղաքական գործչի համար անթույլատրելի՝ ներկա նախագահի, վարչապետի, նրանց հարազատների և մտերիմների հասցեին անձնական վիրավորանքներ հասցնելու առջև։

Միաժամանակ Սերժ Սարգսյանը, չներգրավվելով Տեր-Պետրոսյանի հետ անմիջական բանավեճի մեջ, իր քարոզարշավը կառուցել է՝ մի կողմից՝ ընթացիկ խնդիրների լուծման, մյուս կողմից՝ որոշակի խոսելով հանրապետության ապագայի,  զարգացման այն ռազմավարական ուղղություների մասին, որոնք բխում են ներկա իրավիճակից և որոնք կարող են իրականացվել մոտակա տարիներին։

Ամենայն հավանականությամբ, հայկական ընտրազանգվածը, որն աչքի է ընկնում ռացիոնալ մտածողությամբ, ճնշող մեծամասնությամբ կքվեարկի գործող իշխանության օգտին, որն, ապահովելով կայունություն և տնտեսության կայուն աճ, արդեն այսօր իրականացնում է կոնկրետ քայլեր՝ հասարակ մարդկանց կյանքի  բարելավման համար, թեև ես չեմ բացառում այդ քայլերի իրադրային բնույթը։ Երևում է՝ դառը անցյալի, որի մասին Տեր-Պետրոսյանին հիշեցնում են նրա ընդդիմախոսները և, գուցե, ոչ շքեղ, բայց շոշափելի ներկայի միջև հայկական ընտրազանգվածը կընտրի վերջինը՝ ապագայում իրական բարելավման հույսով։-0-

Անդրանիկ Միհրանյան, քաղաքագետ

Loading...
Թեմատիկ նյութեր
Բաժնի այլ նյութեր
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։  

17:41
22 Սեպտեմբերի 2016
Քառորդ դար անկախություն. Հայաստանի ձեռքբերումներն ու անհաջողությունները
Նախօրեին Հայաստանը նշեց երկրի անկախության հռչակման 25-ամյակը: