486.81
+0.07
517.04
-0.95
8.4
-0.03
-2
Եղանակը Երևանում
Հայ
ՀԱՊԿ հարավային ճակատը ծածկում է Հայաստանը
15:22
31 Հոկտեմբերի 2007

Հայաստանը դեռ երկար ժամանակ ռազմական բնագավառում Ռուսաստանի հետ համագործակցությանը որևէ այլընտրանք չի ունենա։ Ընդ որում, այդ փոխգործակցությունն ընթանում է լայն ճակատով՝ ընդգրկելով ռազմատեխնիկական բաղկացուցիչը, օպերատիվ ծրագրերի մշակումը, ճգնաժամային իրավիճակներում զորքի համատեղ օգտագործման հնարավորությունը։

Անշուշտ, Հայաստանի անվտանգության ապահովման համատեքստում «դիվերսիֆիկացիա» բառն օգտագործվում է։ Սակայն ռազմական բնագավառում ՆԱՏՕ-ի և ԱՄՆ-ի հետ փոխգործակցությունը հիմնականում վերաբերում է այնպիսի կողմերի, որտեղ Արևմուտքն իսկապես կարող է ինչ-որ բանով օգնել։ Օրինակ, դա ռազմաքաղաքացիական հարաբերություններն են և Հայաստանի Զինված ուժերի խաղաղապահ ներուժի ստեղծումը՝ ԱՊՀ սահմաններից դուրս, աշխարհի տարբեր կետերում խաղաղության պահպանմանն ուղղված գործողություններին մասնակցելու համար։ Դրանք այն ոլորտներն են, որտեղ միանգամայն հասկանալի պատճառներով ԱՄՆ-ն և ՆԱՏՕ-ն ունեն զգալի փորձ և կարող են աջակցություն ցուցաբերել։

Այդուհանդերձ, պետք է որոշակիորեն ասել, որ գոյություն ունեն ոլորտներ, որոնցում դեռ երկար ժամանակ քաղաքական իրադարձությունների ցանկացած զարգացման դեպքում, այդ թվում՝ Հայաստանի և Ռուսաստանի փոխհարաբերություններին վերաբերող, ռազմական համագործակցության ռուսական վեկտորը Հայաստանի համար գերակշռող կլինի։

Խոսքը, նախևառաջ, տեխնիկական կապերի մասին է, քանի որ տեսանելի ապագայում, անգամ հայ-ռուսական փոխհարաբերությունների ձևաչափի վարկածային փոփոխության դեպքում, Հայաստանի վերազինումը և անցումը դեպի սպառազինման արևմտյան համակարգեր, անհնար է։

ԽՍՀՄ-ի փլուզումից հետո անցած տարիների ընթացքում Հայաստանի և Ռուսաստանի միջև ստեղծվել են հաստատուն իրավական հիմքեր, որոնք վերաբերում են ինչպես երկկողմ ռազմատեխնիկական և ռազմաքաղաքական համագործակցությանը, այնպես էլ 102-րդ ռուսական բազայի անմիջական գործունեությանը։ Բացի այդ, հայ-ռուսական փոխգործակցությունն իրականացվում է մի կողմից՝ ԵԱՀԿ ձևաչափում, իսկ մյուս կողմից՝ ԱՊՀ հակաօդային պաշտպանության միավորված համակարգում։ Պետք է նկատել, որ անցյալ տարի Հայաստանում հերթապահության է դրվել ռուս-հայկական համատեղ ՀՕՊ  խմբավորումը, որը զինված է զենիթահռթիռային համակարգերի ժամանակակից տեսակներով։

Ինչ վերաբերում է ռազմական ոլորտում Հայաստանի և Ռուսաստանի փոխգործակցության հեռանկարներին, ապա զարգացում է ենթադրվում մի քանի ուղղություններով։

Առաջին հերթին, այն կներառի Հայաստանի տարածքում տեղակայված ռուսական 102-րդ ռազմաբազայի վերազինման հետ կապված խնդիրները։ Այս հարցը կքննարկվի Ռուսաստանի պաշտպանության նախարար Անատոլի Սերդյուկովի՝ Հայաստան այցի ընթացքում, ով այժմ գտնվում է Գյումրիում։ Որքանով ինձ հայտնի է, ռուսական ռազմական ղեկավարությունը մտադիր է արդիականացնել 102-րդ բազայի սպառազինումը, քանի որ դրա սպառազինության զգալի մասը բարոյապես և ֆիզիկապես հնացել է։ Միաժամանակ բարդացել են Հայաստանի տարածքում ռուսական խմբավորումների մատակարարման հնարավորությունները, և օպերատիվ տեսակետից այն, բնականաբար, կտրվել է Ռուսաստանի եվրոպական մասից։

Որոշակի ժամանակաշրջանում խոսակցություններ կային անգամ Հայաստանի տարածքում ռուսական երկրորդ բազայի բացման հնարավորության մասին, և դա կապվում էր, այդ թվում, նաև Վրաստանից ռուսական բազաների դուրսբերման  գործընթացների հետ։ Սակայն այժմ, որքանով ես եմ հասկանում, խոսվում է պարզապես 102-րդ բազայի վերջնական համալրման մասին։

Ռազմաքաղաքական համագործակցության ևս մեկ ոլորտ է համատեղ հայ-ռուսական միավորված ուժերի խմբավորումների ստեղծումը, որտեղ պետք է ընդգրկվեն 102-րդ ռուսական բազայի և Հայաստանի ԶՈՒ 5-րդ բանակային կորպուսի ստորաբաժանումները։ Հնարավոր է՝ որոշում ընդունվի ռուսական ռազմարդյունաբերական համալիրի կողմից միավորված ռուս-հայկական միասնական ռազմական խմբավորման որոշ տեխնիկական վերազինմանը օգնություն ցուցաբերելու մասին։ Հարկ է նաև ավելացնել, որ Հայաստանին արտոնյալ գներով ռուսական զենքի վաճառքն անդրադառնում է երկրի պաշտպանունակության ամրապնդման վրա։ Բացի այդ, արտոնյալ ռեժիմի ձևավորումը հեշտացնում է Հայաստանի ԶՈՒ տեխնիկական վերազինումը։

Եվ, վերջապես, համագործակցության ևս մեկ ձևաչափ, որն, ամենայն հավանականությամբ, նույնպես կքննարկվի Սերդյուկովի այցի ընթացքում, նախատեսում է ՀԱՊԿ շրջանակներում խաղաղապահ համակազմի ստեղծման հնարավորությունը։

Միանգամայն ակնհայտ է, որ Վրաստանից ռուսական զորքի դուրսբերումից հետո Հայաստանի, որպես Ռուսաստանի ռազմական դաշնակցի, դերը զգալիորեն աճել է։ Մասնավորապես, խոսքը ՀԱՊԿ հարավային սահմանների օդային տարածքի մոնիտորինգի մասին է։ Հայաստանը մնացել է միակ տարածքը, որտեղ տեղակայված  են ռուսական հակաօդային պաշտպանության հեռավոր համակարգերը, որոնք իրականացնում են ՀԱՊԿ հարավային ճակատի մոնիտորինգը։ Իր հերթին Հայաստանի մասնակցությունն այս կազմակերպությունում մեզ համար զգալի երաշխիք է՝ երկրի ռազմական անվտանգության ապահովման հարցերում։-0-

Սերգեյ Մինասյան, քաղաքագետ, հատուկ «ՌԻԱ Նովոստիի» համար--0--։

Loading...
Թեմատիկ նյութեր
Բաժնի այլ նյութեր
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի: