482.13
-0.46
538.83
-4.47
8.55
+0.02
+19
Եղանակը Երևանում
Հայ
Ղարաբաղի հարցով համաձայնություն դեռևս չի լինի
17:51
29 Հոկտեմբերի 2007

ԵԱՀԿ Մինսկի խմբի համանախագահների ամերիկյան համանախագահ Մեթյու Բարյզայի խաղաղապահ գործունեության ոճը հիշեցնում է վայրի ձիեր որսալու կովբոյական մեթոդները։ Որ ձիու վզովն ընկնի լասսոն, նա էլ կլինի լավագույնը։ Բրայզան, ձգտելով առաջ անցնել իրադարձություններից, մշտապես ցանկալին իրականի տեղ է ներկայացնում։ Ինձ համար դժվար է դատել համանախագահի ողջ գործունեության մասին։ Հնարավոր է, որ Բրայզան «խողովակատար» քաղաքականության մեջ իսկապես փորձառու է, բայց Կովկասի հարցում մասնագետ կոչվելուց դեռ ակնհայտորեն հեռու է։

Կարծում եմ, նրա հասարակայնության առջև արած ենթադրությունն այն մասին, որ դեռ նախքան Հայաստանում նախագահական ընտրությունները հավանական է Լեռնային-Ղարաբաղի Հանրապետության, Հայաստանի և Ադրբեջանի միջև ինչ-որ լուրջ պայմանագրերի կնքում, ոչ մի փաստով չհիմնավորված ենթադրություն է։

Նման լուրջ քայլ պարզապես հնարավոր չէ մի քանի պատճառներով, որոնցից կարևորագույնը հայկական և ադրբեջանական կողմերի իրար բացառող մոտեցումներն են։ Եվ երկրորդ. Հայաստանի ոչ մի նախագահ, առավել ևս՝ Ռոբերտ Քոչարյանը, որն արդեն գրեթե 20 տարի է ինչ պաշտպանում է Արցախի շահերը, երբեք հեռանալուց առաջ չի համաձայնի ստորագրել որևէ բան, որ կարող է ջնջել նրա ողջ քաղաքական գործունեությունը։ Այնպես որ նախքան մարտին կայանալիք նախագահական ընտրությունները ղարաբաղյան հարցում որևէ շարժ սպասել պետք չէ։

Ասում եմ դա, հաշվի առնելով այն անվիճելի փաստը, որ ըստ Բրայզայի յուրաքանչյուր պայմանավորվածություն ենթադրում է տարածքային զիջումներ հայկական կողմից, և յուրաքանչյուր նման զիջում բացասաբար է ընդունվելու հայերի ոչ միայն ներկայիս սերնդի կողմից։

Մենք արդեն բազմիցս համոզվել ենք, որ ամերիկյան վերլուծաբանները, որպես կանոն, իրենց նեղություն չեն տալիս խորանալու հայ-ադրբեջանական հակամարտության ակունքները։ Հիշենք թեկուզ տխրահռչակ Պոլ Հոբլին, որը կարծում էր, որ Բաքվի բնակչությունը ջուր է խմում ղարաբաղյան գետերից։

Մեթյու Բրայզան ավելի շատ զբաղված է Կասպից և Սևծովյան տարածաշրջաններում ԱՄՆ-ի նավթային քաղաքականությամբ, և չի հասցնում կատարել նաև երկրորդ պաշտոնի՝ ԵԱՀԿ ՄԽ ամերիկյան համանախագահի պարտականությունները։ Ճիշտ է, չեմ բացառում նաև այն, որ իրականում ԱՄՆ-ի համար դա ամենևին էլ կարևոր չէ։

Ավելին, ես միջազգային հանրության մեջ չեմ տեսնում ուժեր, որոնք ձգտում են այս կամ այն կերպ լուծել ղարաբաղյան հարցը։

Մինչդեռ մեր տարածաշրջանում կայունություն պահպանելու գործում յուրովի շահագրգիռ են շատ միջազգային տերություններ։ Նավթը հոսում է, փողը՝ կաթում. Էլ ի՞նչ է պետք։ Ղարաբաղի հարցի յուրաքանչյուր լուծում, որը որևէ բանով ձեռք կտա կողմերից մեկին, հղի է ռազմական գործողությունների վերսկսմամբ, դեպի Արևմուտք նավթահոսքի դադարեցմամբ, և, հետևաբար, վառելիքի գնի կտրուկ աճով՝ այդ տխուր փաստից մի շարք երկրների համար բխող տխուր հետևանքներով։

Ներկայիս իրավիճակը բոլորին ձեռք է տալիս, այդ թվում՝ Ադրբեջանի ղեկավարությանը, Հայաստանին, Լեռնային-Ղարաբաղի Հանրապետությանը, ինչպես նաև ԱՄՆ-ին, Գերմանիային, Ֆրանսիային, Մեծ Բրիտանիային, Իսրայելին, և, հնարավոր է ավելի քիչ չափով, նաև Ռուսաստանին։

Ի՞նչ կլինի Հայաստանում կայանալիք նախագահական ընտրություներից հետո։ Ես հույս ունեմ, որ հանրապետության արտաքին և ներքին քաղաքականությունը կրելու է ժառանգական բնույթ։ Խոսքը քաղաքական ժառանգականության և որևէ հեղափոխական փոփոխության բացառման մասին է։ Այս դեպքում կարելի է հանգիստ լինել Հայաստանի ապագայի համար, համենայնդեպս, տեսանելի ապագայում։

 Նման համատեքստում չի կարելի չհիշատակել անցած ուրբաթ ընդդիմության հանրաքվեում Հայաստանի առաջին նախագահ Լևոն Տեր-Պետրոսյանի ելույթը, որտեղ նա խոսում էր ղարաբաղյան հիմնահարցում փոզիջումների անխուսափելիության մասին։ Թե ինչպես է Լևոն Տեր-Պետրոսյանը պատկերացնում փոխզիջումները, մենք գիտենք դեռևս 1997-ից, իսկ նրանք, ովքեր ավելի խորը և մասնագիտորեն են զբաղվում Հայաստանի արտաքին քաղաքականությամբ՝ 1991-ից։

Հայ ժողովրդի վերաբերմունքը այդ հայացքների նկատմամբ արտահայտվեց հենց նույն 1997-ին։ Այն ժամանակ Տեր-Պետրոսյանի հրաժարականը բնակչության կողմից ընդունվեց յուրաքանչյուր քաղաքական գործչի համար նվաստացուցիչ անտարբերությամբ։ Չեմ կարծում, որ Տեր-Պետրոսյանի հայացքներն անցած տարիների ընթացքում սկզբունքային փոփոխությունների են ենթարկվել, և նրա առաջին հանրային ելույթը վկայում է այդ մարդու բնավորության անփոփոխ պահպանողականության մասին։

Ամեն դեպքում, Տեր-Պետրոսյանի քաղաքականություն վերադառնալու հիմքում ընկած է ոչ այնքան միջազգային որոշակի կենտրոնների նրա միջոցով ղարաբաղյան հարցը լուծելու ցանկությունը, որքան նախկին առաջնորդի իշխանության անհատական ձգտումը։ Եվ դեռևս փաստ չէ, որ որոշ արևմտամետ ուժեր իսկապես կանգ կառնեն Տեր-Պետրոսյանի թեկնածության վրա։ Կան նաև այլ գործիչներ, որոնք ձգտում են դառնալ սպասվելիք նախընտրական մելոդրամայի հերոսները, հենց թեկուզ ԱԺ նախկին խոսնակ Արթուր Բաղդասարյանը։ Բայց թեկնածուներ կարելի է գտնել նաև այլ հայ քաղաքական գործիչների շարքում։-0-

Լևոն Մելիք-Շահնազարյան, քաղաքագետ, հատուկ «ՌԻԱ-Նովոստիի» համար։

Loading...
Թեմատիկ նյութեր
Բաժնի այլ նյութեր
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։