484.68
+0.06
530.14
+2.1
8.5
-0.03
+11
Եղանակը Երևանում
Հայ
Ցոլակը գալիս է Հայաստան ապրելու. պատմություն երջանիկ ավարտով
14:45
04 Սեպտեմբերի 2007

Գրեթե մեկ տարի առաջ մենք հայտարարեցինք Ցոլակ Մնացակայանի համար նվիրատվության հավաքման  մասին։ Տղայի հիվանդության ախտորոշումն էր. գլխուղեղի  հերմոնոմիա։ Երեխան շատ ծանր վիճակում էր՝ գրեթե կոմայի մեջ։

Նա մի քանի անգամ վիրահատվել, բուժում  էր ստացել Տուշինայի հիվանդանոցում, առողջապահության վարչության գիտական-գործնական կենտրոնում և ռենտգենոռադիոգիտության կենտրոնի մանկական բաժանմունքում։ 2006 թ.-ի հուլիսին Ցոլակը ընդունել էր քիմիոթերապիայի կուրսեր, սակայն նա դա շատ ծանր էր  տարել։ Շաքարախտի տեսքով բարդությունների պատճառով Ցոլակի մոտ վատացել էր տեսողությունը։ Տեղի էին  ունեցել  ուղեղի բարդ խախտումներ։ Ցոլակը չէր կարողանում ինքնուրույն քայլել, խոսել և ուտել։ Սակայն ամենակարևորը այն էր, որ ուռուցքը աստիճանաբար հետադիմում էր, մետաստազները՝ ամբողջովին ոչնչանում։   

Սպասվում էր բուժման վերջին և գլխավոր փուլը՝ ճառագայթային թերապիա՝ Մոսկվայում գտնվող Ռենտգենոռադիոգիտության կենտրոնում։ Հայաստանում չկա այդպիսի գործիք, որը կկարողանար արդյունավետ և առավելագույնս անվտանգ ճառագայթահարել գլխուղեղի ուռուցքները։ Մոսկվայում նման գործիք կա։ Սակայն տարբեր հիվանդանոցներում բուժում ստանալուց հետո երեխայի ծնողների մոտ գումար գրեթե չէր մնացել։ Տղայի մտերիմները վաճառել էին իրենց ողջ ունեցվածքը և հավաքել 16 հազ. դոլար։

Այդ գումարը ծախսվել էր Մոսկվա գալու և բուժում ստանալու վրա։ Ցոլակի մոտ առողջանալու հիանալի հեռանկարներ կային։ Ռենտգենոռադիոգիտության հետազոտական ազգային  ինստիտուտի մանկական բաժանմունքի վարիչի խոսքերով, տղայի գլխուղեղի ուռուցքը ուներ չարորակության ոչ բարձր մակարդակ և լավ ենթարկվում էր բուժման։ Գործնականում ուռուցքը բուժված էր, մնում էր միայն հաղթահարել բարդությունները։ 

Իսկ հետո Ցոլակը ընկել էր կոմայի մեջ։ Սակայն բուժումը շարունակվել էր, անցկացրել քիմիոթերապիա և ճառագայթահարում։ Իսկ երբ բուժումը ավարտվել էր, երեխային հիվանդանոցից անհրաժեշտ էր դուրս գրել։ Դուրս գրվելուց հետո Ցոլակը և իր մտերիմները գնալու տեղ չունեին։ «Հայ երեխաները պետք է մահանան Հայաստանում», -  ուսերը թոթվելով ասում էին պաշտոնյաները։

Այդ ժամանակ ծնողներին առաջարկել էին երեխային տեղավորել հոսփիսում։ Վարդանը և Շուշանը լսել անգամ չէին ուզում դրա մասին՝ գիտակցելով, որ հոսփիսը դա ամեն ինչի վերջն է։ Սակայն նրանք այլընտրանք չունեին, բժիշկները ասում էին, որ երեխային հաշված օրեր են մնացել, և ծնողները ստիպված համաձայնել էին։ Իսկ հինգ ու կես ամիս անց տեղի ունեցավ հրաշք՝ Ցոլակը դուրս եկավ կոմայից։ Դա աննկարագրելի երջանկություն էր։ Բժիշկները  երեք սարսափելի կանխատեսումներից հետո այս ամենին հնարավոր չէր հավատալ։

Հոսփիսում անում էին  հնարավորին ամեն ինչ, որպեսզի Ցոլակը իրեն լավ զգա։ Ծնողներին թուլատրեցին Հայաստանից բերել Ցոլակի սիրելի եղբորը՝ Աշոտին։ Մնացականյանների ընտանիքի անդամները ավելացան, և նրանց տեղափոխեցին ավելի ընդարձակ սենյակ։ Ցոլակի կողքին անընդհատ գտնվում էին նրա մտերիմները։ Նրան բերում էին թարմ միրգ, ուրախացնում էին նվերներով։ Ցոլակը ոտքի կանգնեց։ Սկսեց քայլել։ Բուժքույրերը նրան նվիրեցին թենիսի ռակետ և գնդակ։ Բակում արդեն կարելի էր տեսնել մի տեսարան. նստարանին նստած է նիհար ժպիտը դեմքին մի տղա և ծանր ռակետի հարվածով ետ է մղում գնդակը։ Նրանք, ովքեր ծանոթ են Ցոլակի ճակատագրին, այս ամենին շատ դժվարությամբ են հավատում, սակայն դա իրականություն է։

Այսօր Ցոլակը լքում է հոսփիսը, որտեղ 10 ամիս անցկացնելու հետո, նրա ընտանիքը արդեն իր սեփական տունն էր համարում։ Շաբաթ օրը մենք՝ «Երեխաները դժբախտության մեջ» նախագծի խմբագրությունը այցելեցինք  Ցոլակին, դա մեծ ուրախություն էր ինչպես մեզ, այնպես էլ նրա համար։ Անբացատրելի փայլ կար առողջացած երեխայի հոր՝ Վարդանի աչքերում։ Տոնական սեղանի մոտ արված բազմաթիվ կենացների թվում շնորհակալության խոսքեր ասվեցին բոլով հավաքված կամավորներին, այն մարդկանց, որոնք օգնեցին Ցոլակի ընտանիքին հաղթահարել դժբախտությունը, ինչպես նաև շնորհակալական խոսքեր հնչեցին Ռուսաստանի հասցեին, որը Ցոլակին հնարավորություն տվեց բուժվելու այստեղ։

Վարդանը պատմում է . «Ես հիսուն տարեկան եմ, և վերջին մեկուկես տարվա ընթացքում, ինչ Ցոլակը հիվանդ է, ես դարձա ավելի իմաստուն, քան մնացած քառասուն ութ ու կես տարիների ընթացքում։ Ես ծանոթացա բազմաթիվ հիանալի մարդկանց հետ, ովքեր մեզ անշահախնդիր օգնում էին, անում ամեն ինչ, որպեսզի օգնեն մեզ` մեր դժբախտ օրերին։ Մեզ էին զանգահարում աշխարհի տարբեր ծայրերից և աջակցություն առաջարկում։ Եվ մեր համար այդ զանգերը ավելի կարևոր էին, քան փոխանցած գումարները, քանի որ մենք գիտակցում էինք, որ միայնակ չենք։ Եվ զանգահարողներից և այցելողներից շատերը մեզ շնորհակալություն էին հայտնում։ Սկզբում ես չէի հասկանում, թե ինչու՞։ Եվ միայն հետո հասկացա. օգնելով Ցոլակին՝ մարդիկ սեփական  աչքերում բարձրանում էին և դառնում ավելի լավը։ Այսինքն, իմ որդու հիվանդությունը, որքան էլ պարադոքսալ չհնչի, մարդկանց հնարավորություն տվեց իրենց դրսևորել ավելի լավ կողմից, սա է մեր հասցեին հնչած շնորահակալական խոսքերի պատճառը»։

Ինքը՝ Ցոլակը մեզ պատմում էր իր կրտսեր եղբոր՝ Աշոտի մասին, մայրիկի մասին, որը ավելի վաղ էր վերադարձել տուն, նկարներ էր ցույց տալիս։ «Ցոլակ» անունը հայերեն նշանակում է «Փայլող աչքեր»։ Ինքը՝ Ցոլակը արդեն մեծ մարդու աչքեր ունի, քանի որ տասնչորս տարեկանում նա այնքան փորձություն է հաղթահարել, որ շատերը չեն հաղթահարում իրենց ողջ կյանքի ընթացքում։

Երբ մենք հրաժեշտ էին տալիս, Ցոլակը և Վարդանը խոստացան անպայման վերադառնալ Ռուսաստան, որպեսզի ևս մեկ անգամ հանդիպեն այն մարդկանց, ովքեր օգնել են նրանց դժբախտության պահին։

Մենք, դուրս գալով հոսփիսից՝ մի վայրից, որտեղից հիմնականում հիվանդները դուրս չեն գալիս, ուրախանում էինք, որ լինում են նաև երջանիկ բացառություններ, Ցոլակի պատմությունը դրանցից մեկն է։ Մենք Ցոլակին մաղթում ենք քաջ առողջություն և շնորհակալություն ենք հայտնում այդ մարդկանց, ովքեր օգնեցին տղայի ընտանիքին բուժման համար միջոցներ հավաքել և այդպիսով իրենց լուման ներդրեցին երեխային կյանքի փրկության գործում։-0-

Հրապարակված է՝  www.rian.ru կայքում

Loading...
Թեմատիկ նյութեր

Բաժնի այլ նյութեր
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։
16:47
01 Մարտի 2017
2017–ի մարտ. ինը տարի անց, կամ անցյալից չքաղված դասեր
Հայաստանում այսօր նշվում է նորագույն պատմության ամենաողբերգական օրերից մեկը։
15:05
24 Հունվարի 2017
Ինչու Թրամփը պետք է ճանաչի Հայոց ցեղասպանությունը. American Thinker
American Thinker հայտնի պարբերականը հրապարակել է «Forbes», «The National Interest» և «Ռուսաստանը գլոբալ քաղաքականությունում» ամսագրերի սյունակագիր, ամերիկագետ Արեգ Գալստյանի հոդվածը:


15:30
19 Հունվարի 2017
10 տարի առանց Հրանտ Դինքի
2017 թ.–ի հունվարի 19–ին լրանոմ է «Ակոս» հայ–թուրքական թերթի խմբագիր Հրանտ Դինքի սպանության 10–րդ տարելիցը։ Դինքի սպանությունը ցնցեց ողջ քաղաքակիրթ աշխարհը։
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է: