486.67
+0.35
520.49
+1.39
8.22
+0.01
-2
Եղանակը Երևանում
Հայ
Սահմանադրության հանրաքվեն անցկացվեց։ Եվ ի՞նչ
18:16
07 Դեկտեմբերի 2015
ԵՐԵՎԱՆ, 7 դեկտեմբերի. /Նովոստի–Արմենիա/. Հայաստանում ավարտվեց Սահմանադրության փոփոխությունների հանրաքվեն։ Երկիրը փաստացի փոխում է կառավարման ներքաղաքական կարգը` քվեների մեծամասնությամբ քվեարկելով սահմանադրական փոփոխությունների օգտին։ Ընդդիմությունը և իշխանությունները, կարծես, արեցին ամեն ինչ, որ տեղ հասցնեն հարցի իրենց տեսլականը և, ըստ էության, վերջին օրերի իրադարձությունները հիշեցնում էին շեքսպիրյան «լինել, թե չլինելը»։ ԿԸՀ վերջին տվյալներով, Սահմանադրության փոփոխությունները պետք է անցնեն։ Նշանակում է, որ երկրում որակապես նոր մթնոլորտ է ձևավորվում։

Իհարկե, ընդդիմությունը կպնդի ընտրագործընթացի անօրինականությունը (ընտրության ընթացքը, անկասկած, բարդ է անցել, սոցցանցերը լի են զանազան խախտումների մասին հաղորդումներով), կլինեն մարդկանց փողոց հանելու փորձեր, բայց դատելով անտարբերությունից (քվեարկել է ընտրողների կեսը` դա ընտրական ակտիվության ամենափոքր ցուցանիշն է անկախ Հայաստանի ողջ պատմության մեջ), որ դրսևորեց հայկական ընտրազանգվածը, իշխանություններին, ամենայն հավանականությամբ, կհաջողվի խուսափել հետընտրական ծայրահեղ միջադեպերիվ, չհաշված, իհարկե բողոքի ավանդական երթերը, ցույցերը և այլն։

ԱՊՀ ՄԽՎ. Սահմանադրական հանրաքվեն ապահովեց Հայաստանի քաղաքացիների ազատ կամարտահայտումը>>

Հատկանշական է, որ փոփոխությունների «դեմ» քվեարկածները, և նրանք, ովքեր «կողմ» են քվեարկել, մանրամասն ծանոթ չեն կատարվող փոփոխությունների էությանը։ Մարդիկ քվեարկել են` ելնելով հատվածաբար տրված տեղեկատվությունից, այսինքն, այն ամենից, ինչ մատուցել են նրանց ընդդիմախոսները (իշխանություն և ընդդիմություն) որպես իրենց որոշման ընդունման փաստարկ։ Օրինակ, ընդդիմությունը պնդում է, թե իշխանությունների նախաձեռնած հանրաքվեի իմաստը գործող իշխանության անվերջանալի վերարտադրումն է խորհրդարանական մեծամասնության միջոցով (առավել ևս, որ իշխանություններին ամեն դեպքում չհաջողվեց շարքային քաղաքացու համար պարզ և հասկանալի կերպով բացատրել սահմանադրության փոփոխության և քաղաքացիների կյանքի բարելավման միջև պատճառահետևանքային կապը)։

Իսկ իշխանությունները մշտապես մատնանշում էին, որ ստեղծված ներքաղաքական իրողություններում և տարածաշրջանային աշխարհաքաղաքական անխուսափելի փոփոխությունների պայմաններում անհնար է արդյունավետ կերպով կառավարել երկիրը, և որ առանց սահմանադրական փոփոխությունների իշխանությունները չեն կարող ապահովել սովորական քաղաքացու կյանքի բարելավում։ Ցավոք, իշխանություններին այդպես էլ չհաջողվեց պարզ, հասկանալի լեզվով ժողովրդին բացատրել փոփոխությունների դրական կողմերը։ Բարդ ճառերը, անհասկանալի մակրոտնտեսական սխեմները, որոնք ներկայացնում էին պաշտոնատար անձինք քարոզարշավի ընթացքում, այդպես էլ անհասկանալի մնացին հիմնական ընտրազանգվածի համար։

Եվ այժմ ի՞նչ։ Հասկանալի է, որ Հայաստանում ընթացող գործընթացները միանգամայն այլ քաղաքական ենթատեքստ կունենան։ Տեսականորեն խորհրդարանական իշխանավարումը հնարավորություններ է տալիս քաղաքական իշխանություններին և հսկայական հնարավորություններ` քաղաքական մանևրման ու, որպես հետևանք, տնտեսության և քաղաքականության վրա ազդելու համար, անկախ նրանից, թե ինչ քաղաքական կուսակցություն է իշխանության ղեկին։ Այսինքն, կառավարությունը ձևավորող ցանկացած կուսակցություն ստիպված կլինի ամեն օր ապացուցել սեփական ինքնաբավությունը, հակառակ դեպքում, իշխանության կորուստն անխուսափելի է։

Բայց դա միայն այն դեպքում, եթե սահմանադրական փոփոխություններն «աշխատեն», այլ ոչ թե մնան թղթի վրա որպես բարի նկրտումներ։ Ցանկացած օրենքներ, լրացումներ, «խաղի» օրինական կանոններ երկրում ընդամենը քաղաքական և տնտեսական «գործիքների» հավաքածու են։ Իսկ միայն «գործիքների» առկայությունը երաշխիքներ չի տալիս, որ դրանք արդյունավետ կօգտագործվեն առանց կուսակցությունների քաղաքական կամքի առկայության, որոնք հեռանկարում կգլխավորեն երկիրը և կստանան այդ «գործիքները»։

Համաշխարհային պրակտիկան ցույց է տալիս, որ խորհրդարանական իշխանավարումը թույլ է տալիս ավելի արդյունավետ պայքարել կոռուպցիայի, հովանավորչության, տնտեսության իրական հատվածների մենաշնորհայնացման դեմ։ Բայց միանգամից ասենք, որ դա միայն իշխանությունների քաղաքական կամքի առկայության դեպքում։ Այսօրվա դրությամբ բացառիկ իրավիճակ է, երբ իշխանություններին հնարավորություն է տրվել, ըստ էության, ամեն ինչ ջնջել և սկսել «նոր էջից»։ Առավել ևս, որ եթե իշխանությունները (Հայաստանի հանրապետական կուսակցությունը) հույս ունի մնալ իշխանության ղեկին նաև 2017 թվականին, ապա հանրապետականները մի փոքր ժամանակ ունեն, երբ կարելի է գոնե նախնական քայլեր ձեռնարկել տնտեսության իրական վերակենդանացման և, որպես հետևանք, տնտեսության, արտագաղթի կրճատման և բնակչության սոցիալական պաշտպանության բարձրացման ուղղությամբ։

Արտահայտություն կա, որը բնութագրում է երկրի իրավիճակը` «Մարդիկ բողոքում են, վրդովվում, հեռանում ոչ թե այն պատճառով, որ երկրում ամեն ինչ վատ է, այլ այն պատճառով, որ դրական փոփոխությունների հույս չունեն»։

Ահա այն կարևոր վեկտորը, որի վրա պետք է կենտրոնանան իշխանությունները և իրենց գործողություններով, իրենց աշխատանքով առաջին փուլում գոնե հույս տան, մնացածն անելն ավելի դյուրին կլինի։ -0-

Արման Աբովյան, քաղաքական մեկնաբան

Հեղինակի կարծիքը կարող է չհամընկնել խմբագրության դիրքորոշման հետ

Loading...
Թեմատիկ նյութեր
Բաժնի այլ նյութեր
16:53
18 Հունվարի 2017
Հանգստացնող միջոց Բաքվի համար
ախորդ օրն ադրբեջանական դիվանագիտության համար ձախողված էր: ՌԴ ԱԳ նախարար Սերգեյ Լավրովին անկեղծության կոչելուն ուղղված ադրբեջանցի քարոզիչների փորձը հաջողվեց, սակայն արդյունքը լրիվ հակառակն էր և շոկի ենթարկեց Բաքվին։
20:08
17 Հունվարի 2017
Բաքուն փորձում է ռուսական դիվանագիտության համբերությունը
Արցախ այցելելու և, այսպես կոչված, «սև ցուցակը» շրջանցելով Բաքու մեկնելու համար ռուս–իսրայելցի բլոգեր Ալեքսանդր Լապշինին Ադրբեջան արտահանձնման հասնելու փորձն ադրբեջանական դիվանագիտության համար անհաջողության վերածվեց։
14:04
11 Հունվարի 2017
2016 թ.–ի ամենաընթերցված նյութերի թոփ տասնյակը «Նովոստի–Արմենիայից»
«Նովոստի–Արմենիա» գործակալությունը ներկայացնում է նախորդ տարի ամենաընթերցված նյութերի թոփ տասնյակը։
14:31
27 Դեկտեմբերի 2016
2016 թ.–ի տասը գլխավոր մարզական իրադարձություններն ըստ «Նովոստի–Արմենիա» գործակալության
2016 թվականն ամենանշանակալից տարիներից էր անկախ Հայաստանի սպորտային պատմության ընթացքում։
15:13
23 Դեկտեմբերի 2016
Տոներն են մոտենում. հինգ վայր Հայաստանում` Նոր տարվա կատարյալ տոնախմբության համար
Արդեն դեկտեմբերի երկրորդ կեսն է, ինչը նշանակում է, որ Նոր 2017 տարին արդեն շատ մոտ է:
13:34
23 Դեկտեմբերի 2016
2016 թ.-ի քաղաքական կարևորագույն տասն իրադարձություններն ըստ «Նովոստի-Արմենիա» գործակալության
Ավարտվող 2016 տարին նահանջ տարի էր: Գոյություն ունի հավատալիք, որ նման տարին լի է լինում տարատեսակ կատակլիզմներով, բնական աղետներով և  բնության քմահաճույքներով:
18:59
22 Դեկտեմբերի 2016
Հրեղեն աքաղաղի տարի. ինչպե՞ս պետք է ճիշտ ձևավորել տոնական սեղանը
Ամանորյա տոները հիանալի առիթ են երևակայության թռիչքի և ինքնատիպ ու բացառիկ տոնական սեղան ձևավորելու համար։
18:37
22 Դեկտեմբերի 2016
Հայաստանի վարչապետի 100 օրը
Այսօր լրանում է Կարեն Կարապետյանի` ՀՀ վարչապետի պաշտոնում գործունեության 100 օրը:
13:29
19 Դեկտեմբերի 2016
Ամանորյա հանգստի 7 լավագույն ուղղությունները
Ամանորին հաշված օրեր են մնացել, և Հայաստանի շատ բնակիչներ մտածում են, թե որտեղ կարելի է առավել արդյունավետ անցկացնել տոները։ «Նովոստի–Արմենիա» գործակալությունը ներկայացնում է այդ խնդրի լուծման սեփական տեսլականը։
15:16
17 Դեկտեմբերի 2016
Ինչպե՞ս նորաձև լինել Ամանորին. նոր սեզոնի 5 գլխավոր թրենդեր
Նոր տարին առանձնահատուկ տոն է, այդ պատճառով ամանորի գիշերն ամեն ինչ իդեալական պետք է լինի:
18:32
16 Դեկտեմբերի 2016
Տոներն են մոտենում. ի՞նչ պետք է լինի տոնական սեղանին Հրեղեն աքաղաղի տարում
Ամանորի նախապատրաստական գործընթացի ամենապատասխանատու պահերից տոնական սեղանի ճաշատեսակների ընտրությունն է։ Շատ փորձագետներ այն կարծիքին են, որ Ամանորի սեղանը պետք է համապատասխանի տարվա խորհրդանիշին, իսկ 2017 թվականը Հրեղեն աքաղաղի տարի է։
20:07
15 Դեկտեմբերի 2016
Օպերացիա «Ձմեռ Պապ». նվերների լավագույն տասնյակը «Նովոստի Արմենիայից»
Նոր Տարին ամենասիրված տոներից մեկն է, և այդպիսին է այն դարձնում հրաշքի հանդեպ հավատը և ցանկացած երազանք կատարելու և հիասքանչ տրամադրություն պարգևելու ուժը: