483.58
+0.74
513.85
-7.76
7.67
+0.05
-1
Եղանակը Երևանում
Հայ
Ինչու՞ են Ադրբեջանի իշխանությունները հոկտեմբերին հիշել Աղդամի իրադարձությունների մասին
17:09
27 Հոկտեմբերի 2015
ԵՐԵՎԱՆ, 27 հոկտեմբերի. /Նովոստի–Արմենիա/. Նախորդ շաբաթ հայկական թեման ադրբեջանական ԶԼՄ–ներում մնաց երկրի Ազգային անվտանգության նախարարության շարքերում մասշտաբային «մաքրման» մասին աղմկարահարույց նորության և նախարար Էլդար Մահմուդովի սկանդալային հեռացման ստվերի տակ։ Առաջ էին քաշվում բազմաթիվ տարբերակներ` «ստվերային կառավարության» ստեղծումից և իշխանությունը զավթելու փորձից մինչև գործարարների դրամաշորթություն և հափշտակություն։ Գեներալները հերթով պաշտոնանկ են արվում, իշխող վերնախավի խելացնորությունը` սրվում...

Պաշտոնական օրակարգը, հակառակը, առանձնանում է Հայաստանին և հայերին վերաբերող հայտարարությունների առատությամբ։ Այս անգամ նման մի հայտարարությամբ է հանդես Ադրբեջանի արտգործնախարարության մամուլի ծառայության ղեկավար Խիկմեդ Գաջիևը, ով հայտարարել է, թե «հայերը հնագիտական, ազգագրական և մարդաբանական տեսակետից որևէ կապ չունեն Հարավային Կովկասի հետ»։ Մինչև ադրբեջանցիների հայտնվելը տարածաշրջանի պատմության չիմացությունը, իսկ ավելի շուտ իմանալ չցանկանալը բավականին տարածված հիվանդություն է Ադրբեջանի բնակիչների շրջանում։ Պարզապես
Ադրբեջանի արտգործնախարարության ներկայացուցչի հայտարարությունը հակառակի պես համընկավ «European Journal of Genetics»–ում հրապարակված հետազոտության հետ, որը վերաբերում է հայերի գենոմին։ Հայերն, ըստ հրապարակված նյութի, հիմա կենտրոնացած են Կովկասյան տարածաշրջանում, սակայն մինչև Հայոց ցեղասպանությունը զբաղեցրել են ներկայիս Արևելյան Թուրքիայի տարածքն ընդհուպ մինչև Միջերկրական ծով։ Ըստ հետազոտության արդյունքների` հայերն Առաջավոր Ասիայի հնագույն ժողովուրդներից են, և նրանց գենոմը համընկնում է մ.թ.ա. 2492 թ.–ին Հայաստանի լեգենդար հիմնադրման հետ։ Ավելին, հայերը բրոնզե դարի վերջից սկսած (արդեն 3 հազար տարի) չեն միախառնվել այլ էթնիկ խմբերի հետ։

Ի դեպ, հետազոտության մեջ նաև նշվում է Կենտրոնական Ասիայի ժողովուրդների հետ թուրքերի գենետիկ ազգակցության մասին, որոնք հիմա զբաղեցնում են հայերի տարածքը։ Այդ պատճառով տարածաշրջանում թուրքական էթնոսի տեղական ծագման մասին խոսք լինել չի կարող, թեև` երբեք էլ չի խոսվել այդ մասին։ Այստեղ այլ հարց է` արդյո՞ք պատրաստ են Ադրբեջանի ներկայիս քաղաքացիները դառնալ անկախ գիտական հետազոտության առարկա։ Չէ՞ որ էթնիկ ներկապնակի պատկերը, որը մասնակցել է, որպես ազգային միավոր, ժամանակակից «ադրբեջանցու» կազմավորման գործում, շատերին ոչ միայն պարզապես կզարմացնի, այլ անգամ կարող է ազդել ինքնագիտակցության վրա։

Դեռ տանելի է սեփական նախնիների շրջանում թուրքերին չհայտնաբերելու փաստը, իսկ եթե այնտեղ նաև հայկական գենոմը բացահայատվի՞, ապա ինչպե՞ս կարելի է ապրել այդ ամենի հետ։ Շատերը, ովքեր իրենց թուրք են համարում, այսօր արդեն բախվել են այդ խնդրի հետ։ Ադրբեջանական գիտությունը, թերևս, չպետք է փորփրի այդ փեթակը, քանի դեռ «հնագույն ադրբեջանցիների» հայեցակարգը նորմալ «մարսվում է» քաղաքացիների շրջանում անգրագիտության և քննադատական մտածողության բացակայության բարեբեր հողի վրա։

Իսկ հետո արդեն կարելի է անգամ ճանաչվել հնագույն հայեր և հավակնել հայերի պատմական և մշակութային ժառանգությանը, ինչի երկչոտ փորձերը վերջերս արդեն նկատվում են։ Այս ամենը հիմա խենթ, կեղծ գիտական անհեթեթություն է թվում, սակայն մոտ 50 տարի առաջ Ադրբեջանի պատմության այսօրվա դասագիրքը կհամարվեր «գիտական» ֆանտաստիկա։ Եվ այսօր էլ այդ դասագրքի բովանդակությունը մեջբերում են երկրի առաջին դեմքերն` առանց  կասկածի նշույլի և ողջ դրության զավեշտականության գիտակցման։ Այնպես որ սարսափով սպասում ենք «ադրբեջանցի գիտնականների» նոր բացահայտումներին։

Պաշտոնական լրահոսի մեկ այլ հատկանշական թեմաներից էր անդրադարձը 1992 թ.–ի Աղդամի իրադարձությունների թեմային, որոնք Ադրբեջանում անվանում են «Խոջալուի իրադարձություններ»։ Ինչու՞ Աղդամի իրադարձություններ, քանի որ ադրբեջանական զորամիավորումներից քաղաքի ազատագրման ժամանակ Խոջալուից հումանիտար միջանցքով տեղափոխված խաղաղ բնակիչների մարմինները գտել են Աղդամի մոտակայքում, որն այդ պահին գտնվում էր ադրբեջանական վերահսկողության տակ։ Անպատասխան է մնում այն հարցը, թե ինչու՞ այդ մարդիկ ժամանակին չեն տարհանվել, չնայած կրակային կետի ճնշման համար պատրաստվող հարձակման մասին հայկական կողմի նախազգուշացմանը։ Ինչու՞ ադրբեջանցի նախկին քաղաքական կատարածուները տեղի ունեցածում մեղադրում են ոչ թե հայերին, այլ իրենց հայրենակիցներին, որոնք նախաձեռնել են իշխանության զավթման համար պայքար խաղաղ բնակիչների արյան միջոցով, որոնցից մի մասն, ի դեպ, թուրք մսխեթցիներ էին, ովքեր տեղակայվել էին Խոջալուում պատերազմից մի քանի տարի առաջ, սա ևս մի հարց է, որի պատասխանը խիզախություն է պահանջում։

Տարրական տրամաբանության հարց է, թե ինչպե՞ս է խաղաղ բնակիչների մեծամասնությունն ամեն դեպքում հասել ադրբեջանական կողմի ենթակայության ներքո գտնվող տարածք, եթե հայերը, ինչպես պնդում է ադրբեջանական պաշտոնական քարոզչամեքենան, շրջապատել են քաղաքը` չթողնելով ճանապարհ հեռանալու համար։

Նման հարցերը քիչ չեն, որոնց ի պատասխան Ադրբեջանից խուլ լռություն է լսվում։ Սովորաբար Աղդամի իրադարձությունների մասին Ադրբեջանում հիշում են հերթական տարելիցի նախաշեմին, որը նշվում է ոչ թե հոկտեմբերին, այլ փետրվարին։

Սակայն օրերս թեմային առաջինն անդրադարձել է Ադրբեջանի նախագահ Իլհամ Ալիևը «Աթաթուրքի VIII միջազգային համաժողովի» մասնակիցներին ուղղված իր ողջույնի խոսքում։ Հաջորդը նախագահի` հասարակական–քաղաքական հարցերով օգնական Ալի Հասանովն է, ով հոդված է հրապարակել, որտեղ պնդում է, թե հայերը «200 տարի շարունակ ադրբեջանցիներին ցեղասպանության են ենթարկել»։ Սակայն նա, ցավոք, չի բացատրում, թե դրանից հետո այդ ինչպե՞ս ստացվեց, որ տարածաշրջանում հայերի թիվը կազմում է երեք միլիոն, իսկ ադրբեջանցիները կրկնակի ավել են։ Նույն օրը ԶԼՄ–ներում հայտնվեց տեղեկատվություն այն մասին, որ Խոջալուից 16 ընտանիքների 23 տարի անց վերջապես բնակելի տարածք են տրամադրել։

Եվ վերջում հրապարակվեց Ադրբեջանի նախագահի աշխատակազմի ղեկավար Ռամիզ Մեխթիևի 94 էջանոց հոդվածը «Եվրոպական կառույցների դեգրադացիայի ակունքների կամ Ադրբեջանի նկատմամբ կիրառվող երկակի չափանիշների քաղաքականության մասին», որտեղ Մեխթիևը, ինչպես արդեն կարելի էր կռահել վերնագրից, մեղադրել է Արևմուտքին Հայոց ցեղասպանությունը ճանաչելու և սեփական չարիքների նկատմամբ անտարբերության, մասնավորապես` Աղդամի իրադարձությունները որպես «ցեղասպանություն» չճանաչելու համար։

Մի կողմում թողնենք Ադրբեջանի մոտ որևէ ապացույցների բացակությունը լուրջ առաջընթաց նախաձեռնելու համար, հակառակ դեպքում նրանք ստիպված չէին լինի դիմել կեղծարարությունների, որոնք տարեցտարի բացահայտվում են հայ մասնագետների կողմից։ Ավելին, միջազգային դատարան դիմելու սպառնալիքներն այդպես էլ մնում են հռետորաբանության մակարդակի վրա։

Սակայն Մեխթիևի հոդվածում, ըստ էության, կա այն հարցի պատասխանը, թե ինչու՞ Խոջալուի մասին հանկարծ հիշեցին հոկտեմբերի կեսին` անօրինական խորհրդարանական ընտրություններից մեկ շաբաթ առաջ, այն էլ «պալատական հեղաշրջումներով» ներիշխանական սկանդալների ֆոնին։ Հավանաբար դա իշխող ռեժիմի նենգանշած խաղաթուղթն է, որի մասին հիշել են այն ժամանակ, երբ Արևմուտքի հասցեին հնչող սպառնալիքներն ու շանտաժը դադարել են գործել;
«Մի՛ սովորեցրեք մեզ ապրել» ներկայացման առաջին մասն արժանացավ խղճուկ ծափահարությունների։ Հիմա սկսվել է երկրորդ մասը` «Դուք հայերին խղճում եք, իսկ մենք ինչո՞վ ենք պակաս»։ Բացի այդ, արդեն դժվար թե հաջողվի 2016 թ.–ի փետրվարին ապահովել հաջող քարոզարշավ տնտեսական ճգնաժամի և անվերահսկելի դիվանագիտական կորպուսի պայմաններում։ Դրանից բացի, հայկական սփյուռքը հաջողությամբ կանխում է նման բանաձևերի ընդունումն ամերիկյան առանձին նահանգներում։ Այդ պատճառով ռեժիմը քամում է վերջին դիվիդենտները` հնարավորինս չարաշահելով թեման։

Անժելա Էլիբեկովա, Հարավայի Կովկասի աշխարհաքաղաքականության փորձագետ
Հեղինակի կարծիքը կարող է չհամընկնել խմբագրության դիրքորոշման հետ
Loading...
Թեմատիկ նյութեր
Բաժնի այլ նյութեր
21:11
09 Դեկտեմբերի 2016
Հայաստանը չի կենտրոնանում միայն իր սեփական ցավի վրա, այլ ապագայում ցեղասպանությունների կանխման առաջամարտիկ է
Դեկտեմբերի 9-ը «Ցեղասպանության հանցագործության զոհերի հիշատակի և արժանապատվության եւ այդ հանցագործության կանխարգելման միջազգային օրն» է։
14:53
07 Դեկտեմբերի 2016
Սպիտակի երկրաշարժ. 28 տարվա կյանք մահից հետո
Հայաստանի պատմության մեջ ամենասարսափելի և ավերիչ երկրաշարժի օրից անցել է 28 տարի: Երկրաշարժի հետևանքով ավերվեցին Սպիտակը, Լենինականը (Գյումրի), Կիրովականը (Վանաձոր), Ստեփանավանը և հարյուրավոր այլ բնակավայրեր: Զոհվեց 25 հազար մարդ, 19 հազարը հաշմանդամ դարձավ, շուրջ կես միլիոնը  մնաց անօթևան:
13:47
30 Նոյեմբերի 2016
ՀՀ ԱԺ–ն կարդիականացվի
Հայաստանի խորհրդարանը չորեքշաբթի արտահերթ նիստի ընթացքում առաջին ընթերցմամբ ընդունել է «Ազգային ժողովի կանոնակարգ» օրենքի նախագիծը։
19:38
29 Նոյեմբերի 2016
ՀՀ կառավարությունը դեկտեմբերին կաշխատի արտակարգ ռեժիմով
ՀՀ վարչապետ Կարեն Կարապետյանի մոտ տեղի ունեցած խորհրդակցության ժամանակ նախարարությունների և գերատեսչությունների ղեկավարներն ու ներկայացուցիչները ներկայացրել են վերջին երկու ամիսների ընթացքում կատարված աշխատանքների հաշվետվությունները:
18:34
29 Նոյեմբերի 2016
Հակաբիոտիկներ միայն դեղատոմսով. կողմ և դեմ
Հայաստանում 2016 թ.-ի դեկտեմբերի 15-ից ուժի մեջ կմտնեն «Դեղերի մասին» օրենքի փոփոխությունները, որոնք նախատեսում են դեղատոմսով վաճառվող մի շարք դեղամիջոցների վաճառքի խստացում: Այս կապակցությամբ «Նովոստի-Արմենիա» գործակալությունը փորձել է պարզել, ինչպիսի դրական և բացասական հետևանքներ դա կունենա բնակչության համար:
20:30
27 Նոյեմբերի 2016
«Երկրաշարժը» պառակտեց Հայաստանը. գլուխգործո՞ց, թե՞ խեղաթյուրում
«Երկրաշարժ» ռուսական ֆիլմը, որի համաշխարհային պրեմիերան տեղի ունեցավ օրերս Հայաստանում, բավականին բուռն արձագանքի արժանացավ ինչպես հանդիսատեսի, այնպես էլ կինեմատոգրաֆիստների շրջանում։
15:14
13 Նոյեմբերի 2016
Շուրջ 150 հազար ծառ է տնկվել Երևանում վերջին մի քանի տարվա ընթացքում. քաղաքապետ
Վերջին մի քանի տարվա ընթացքում թե՛ համաքաղաքային և թե՛, ընդհանրապես, սեզոնային ծառատունկերի շրջանակում շուրջ 150 հազար ծառ և թուփ է տնկվել մայրաքաղաքում:
17:58
02 Նոյեմբերի 2016
Մոսկովյան դպրոց հայկական շեշտադրումով. ո՞րն է խնդիրը
Վերջին օրերին Մոսկվայի հայկական համայնքի աղմկահարույց իրադարձություններից մեկը դարձավ տեղեկությունն այն մասին, որ «Միջմշակութային հաղորդակցությունների թիվ 1650 դպրոցում» խնդիրներ են ծագել։ Դպրոցի աշակերտների մեծամասնությունը հայեր են։ Եվ դպրոցը մտադիր են միաձուլել մեկ այլ դպրոցի հետ։
01:27
22 Հոկտեմբերի 2016
Շուտով ընտրություններ են. խորհրդարանի թարմացումն անխուսափելի է
Գարնանը Հայաստանում սպասվում են խորհրդարանական ընտրություններ:
16:52
21 Հոկտեմբերի 2016
ՀՀ ԱԺ-ն ընդունեց կառավարության ծրագիրը
ՀՀ ԱԺ–ն ուրբաթ արտահերթ նիստի ժամանակ հավանություն տվեց կառավարության նոր ծրագրին: Ծրագրին կողմ է քվեարկել 85 պատգամավոր, դեմ` 7, իսկ 6-ը ձեռնպահ են մնացել:
15:48
13 Հոկտեմբերի 2016
Երևանում բացվել է «ArmHiTec-2016» առաջին միջազգային ցուցահանդեսը (ԼՈՒՍԱՆԿԱՐՆԵՐ)
Հինգշաբթի Երևանում բացվել է Սպառազինությունների և պաշտպանական տեխնոլոգիաների «ArmHiTec-2016» առաջին միջազգային ցուցահանդեսը:
15:49
03 Հոկտեմբերի 2016
Պաշտպանության «քաղաքացիական» նախարար. անցում մեխանիկական կառավարման
Հայաստանի նոր կառավարությունն ամբողջովին ձևավորված է։ Սեպտեմբերի 13–ին մեկնարկած գործընթացը, երբ իր պաշտոնը ստանձնեց վարչապետ, Երևանի նախկին քաղաքապետ Կարեն Կարապետյանը, ավարտվեց հոկտեմբերի 3–ին` առանցքային գերատեսչությունների` Արտգործնախարարության և Պաշտպանության նախարարության ղեկավարների նշանակմամբ։