544.32
7.6
477.81
+26
Եղանակը Երևանում
Հայ

Քանդել և պահպանել. Մարությանը մեկնաբանել է օպերայի հարակից սրճարանների ապամոնտաժումն ու Արամի 23–ի շինության փլուզումը

09:25
16 Հունվարի 2019

ԵՐԵՎԱՆ, 16 հունվարի./Նովոստի–Արմենիա/. Երևանի քաղաքապետ Հայկ Մարությանը երեքշաբթի ճեպազրույցի ժամանակ մեկնաբանել է երևանցիների շրջանում մեծ արձագանք ստացած երկու կարևոր թեմա։ 

Մարությանը մասնավորապես անդրադարձել է Արամի փողոցում գտնվող հին շենքի մասնակի փլուզմանը, որտեղ տեղակայված է «Հայաստանի փոքրիկ երգիչներ» մանկական երգչախումբը, ինչպես նաև Օպերայի հարակից տարածքում հայտնի սրճարաններն ապամոնտաժմանը։

Մանկական ֆիլհարմոնիայի ճակատագրի մասին 

Հունվարի 11–ի երեկոյան փլուզվեց Արամի 23 հասցեում գտնվող շենքի արտաքին պատի և առաստաղի մի մասը։ Այդ շենքում էր տեղակայված «Հայաստանի փոքրիկ երգիչներ» մանկական ֆիլհարմոնիան` Տիգրան Հեքեքյանի ղեկավարությամբ։ Ինչպես այս կապակցությամբ հայտարարել է Երևանի գլխավոր ճարտարապետ Արթուր Մեսչյանը, «Արամի 23-ի պատի քանդվելը խորհրդանշական էր, որովհետև դա բավականին անկազմակերպ, անտրամաբանական քաշքշուկների հետևանք եղավ»։ Նրա խոսքով, շուրջ 3 ամիս Արամի 23-ի վերաբերյալ խոսակցություններ են գնում, թե ինչպես անենք, որ վթարային վիճակում գտնվող կառույցի առանձնապես հպվող պատը կարողանանք շինարարական հրապարակին միացնել:  

Մարությանը նախօրեին կազմակերպված ճեպազրույցի ժամանակ խոստացավ, որ Երևանի քաղաքապետարանն իր լիազորությունների շրջանակում կանի հնարավոր ամեն ինչ, որպեսզի պահպանի Արամի 23 հասցեում գտնվող պատմամշակութային հուշարձանի մնացած մասը։

«Այս շինության նկատմամբ քաղաքապետարանի լիազորությունները տարածվում են այն շրջանակներում, ինչ քաղաքի մնացած շինությունների նկատմամբ։ Այսինքն, մենք պարտավոր ենք հոգ տանել Երևանի ողջ բնակֆոնդի մասին։ Ավելին, մենք այլ լիազորություններ չունենք», – ասել է նա։

Միաժամանակ, Մարությանն ընդգծել է, որ «Հայաստանի փոքրիկ երգիչներ» մանկական երգչախմբի շենքը, որը ներկայացնում է պատմամշակութային արժեք, գտնվում է նրա սեփականատիրոջ իրավասության և Մշակույթի նախարարության լիազորությունների ներքո։ 

«Ըստ օրենքի, պատմամշակութային արժեք ներկայացնող բոլոր շինությունների պահպանությունը, ինչպես նաև նրանց հետ կապված այլ հարցերը կարգավորվում են նրանց սեփականատերերի կողմից։ Իսկ այդ ամենին հետևում է Մշակույթի նախարարությունը», – պարզաբանեց Մարությանը։

Նրա խոսքով, երկար տարիներ հուշարձանն ունեցել է երկու սեփականատեր («Հայաստանի փոքրիկ երգիչներ ասոցիացիա» ՀԿ–ն և Երևանի քաղաքապետարանի իրավասության ներքո գտնվող «Հայաստանի փոքրիկ երգիչներ» հասարակական ոչ կոմերցիոն կազմակերպությունը), որոնք պետք է հոգ տանեին շինության պահպանության մասին։ Միաժամանակ արդեն մի քանի ամիս է` հասարակական ոչ կոմերցիոն կազմակերպությունն իր գործունեությունն իրականացնելու համար արդեն ստացել է վայր քաղաքապետարանի ենթակայության տակ գտնվող այլ երաժշտական դպրոցներում, և Արամի 23–ում գտնվող շենքի լիիրավ սեփականատերն է դարձել «Հայաստանի փոքրիկ երգիչներ» ասոցիացիան` Տիգրան Հեքեքյանի ղեկավարությամբ։

«Այսպիսով, շինությունն արդեն մի քանի ամիս է քաղաքապետարանի սեփականությունը չէ։ Սակայն մենք շարունակել ենք ձեռնարկել անհրաժեշտ բոլոր քայլերը մեր լիազորությունների շրջանակում հուշարձանի պահպանության համար» – ընդգծել է Մարությանը։

Ինչպես նշել է Երևանի քաղաքապետը, մասնավորապես քաղաքապետարանը բանակցություններ է վարել սեփականատիրոջ և կառուցապատողի հետ, քննարկել է պատերի ամրացման նախագիծը, սակայն կողմերի միջև ձեռք չի բերվել կոնսենսուս։

Քաղաքապետը դժվարացել է նշել շինության ամրացման կոնկրետ ժամկետները, քանի որ դա կրկին կախված չէ քաղաքային իշխանություններից։ 

Միաժամանակ Մարությանը հայտարարել է, որ մտադիր է իրավական շրջանակներում պարզել այն հանգամանքները, որոնք դարձել են հուշարձանի մասնակի փլուզման պատճառ։

«Նախկին իշխանությունները շինարարության թույլտվություն են տվել, և դատախազությունը հիմա պարզում է, թե ինչ հիմքով է տրվել թույլտվությունը և, արդյոք, խախտվե՞լ են շինարարական նորմերը։ Այս դեպքը չի դառնա նախադեպ. այսուհետ մենք կանենք հնարավոր ամեն ինչ` քաղաքի զարգացման և հուշարձանների պահպանման համար», – հայտարարել է Մարությանը։

Օպերայի հարակից հայտնի սրճարանների ապամոնտաժումը

Մարությանը նշել է, որ օպերայի հարակից սրճարանների ապամոնտաժման որոշումը վերջնական է։

«Ազատության հրապարակի մոտակայքի հողատարածքներում գործող մի շարք սրճարանների ապամոնտաժման որոշումը վերջնական է և ենթակա չէ վերանայման»,  – ասել է նա երեքշաբթի լրագրողներին։

Ավելի վաղ Երևանի քաղաքապետարանի մամուլի ծառայության տարածած հաղորդագրության համաձայն, Օպերայի մերձակայքում՝ անմիջապես Ազատության հրապարակին հարող հատվածում, քաղաքի սեփականությունը հանդիսացող հողամասերը վարձակալած և սրճարանային բիզնես ծավալած տնտեսվարողները քաղաքապետարանի համապատասխան ստորաբաժանումից ծանուցում են ստացել, ըստ որի, առաջարկվում է նրանց՝ հրաժարվել վարձակալության իրավունքով տրամադրված հողամասերի մի մասից, քանի որ քաղաքապետարանը մտադիր է կանաչապատել դրանք:

«Սրճարանների սեփականատարերն, իհարկե, ունեն պահանջներ, սակայն ես պարտավոր չեմ ուսումնասիրել գործարարների բոլոր խնդիրները», – հայտարարել է Մարությանը։ 

Նրա խոսքով, նա պարտավոր է միայն ծանոթանալ այն փաստաթղթերին, որոնք կարգավորում են քաղաքապետարանի և այդ սրճարանների սեփականատերերի փոխհարաբերությունները։ Միաժամանակ քաղաքապետն ընդգծել է, որ սրճարանների ապամոնտաժման ողջ գործընթացն իրականացվելու է օրենքին համապատասխան։

Տնտեսվարողների հետ կնքած պայմանագրերի համաձայն, Երևան համայնքը, ի դեմս քաղաքապետարանի, իրավունք ունի ցանկացած պահի՝ 30 օր առաջ ծանուցելու պայմանով, ներկայացնել վարձակալությամբ տրված տարածքն ազատելու պահանջ։

Քաղաքապետարանից նշում են, որ քաղաքապետարանը պայմանագրի սույն դրույթը իրացնելու դեպքում տնտեսվարողին փոխհատուցում տրամադրելու պարտավորություն չունի: Այնուհանդերձ, քաղաքի իշխանությունները հավատարիմ են ձեռնարկատիրությունը խթանելու իրենց քաղաքականությանը, և նշված տնտեսվարողները, բնականաբար, կարող են շարունակել իրենց բիզնեսը քաղաքի այլ, ավելի պատշաճ հատվածներում։ 

Երևանի քաղաքապետ Հայկ Մարությանի և նրա թիմի հանրային հանձնառության համաձայն, քաղաքապետարանն սկսել է Երևանում կանաչ տարածքների վերականգնման և զարգացման գործընթացը։–0–

Թեմատիկ նյութեր
Բաժնի այլ նյութեր
11:27
18 Հունիսի 2019
Հայաստանի և Ադրբեջանի արտգործնախարարների՝ Վաշինգտոնի հանդիպումը փոխադարձ մեղադրանքների հարթակ է դառնալու. Աննա Կարապետյան
Հայաստանի և Ադրբեջանի արտաքին գործերի նախարարների՝ հունիսի 20-ին Վաշինգտոնում կայանալիք հանդիպումը, հերթական անգամ, փոխադարձ մեղադրանքների հարթակ է դառնում:
19:56
23 Ապրիլի 2019
Հայաստանի թավշյա հեղափոխությունը. հետադարձ հայացք իրադարձություններին մեկ տարի անց (ՖՈՏՈ)
Մեկ տարի առաջ ճիշտ այս օրը տեղի ունեցավ ոչ բռնի թավշյա հեղափոխությունը։
12:00
22 Ապրիլի 2019
Ղարաբաղյան հակամարտություն. ի՞նչ են մեզնից ուզում պացիֆիստները
Ինձ դուր չեն գալիս մարդիկ, ովքեր աշխատավարձով պացիֆիստ են աշխատում:Եվ ես նրանց հարցեր ունեմ տալու։
14:00
01 Ապրիլի 2019
Կոնստանտին Օրբելյանի «մշակութային հեղափոխությունը»
Թատերական հասարակությանը վերջին օրերին հանգիստ չի տալիս այն տեղեկությունը, որ մշակույթի նախարարի պաշտոնակատարի հրամանով` Կոնստանտին Օրբելյանն ազատվել է Օպերայի և բալետի ազգային ակադեմիական թատրոնի տնօրենի պաշտոնից։ Միաժամանակ, նա պահպանել է թատրոնի գեղարվեստական ղեկավարի պաշտոնը։
19:24
11 Մարտի 2019
Ինչպե՞ս գնահատել ԵԱՀԿ ՄԽ համանախագահների հայտարարությունը. ներկայացնում ենք քաղաքագետների կարծիքներ
ԵԱՀԿ ՄԽ համանախագահներն օրերս հայտարարություն են տարածել ՀՀ վարչապետ Նիկոլ Փաշինյանի և Ադրբեջանի նախագահի Իլհամ Ալիևի նախապատրաստվող հանդիպման կապակցությամբ։
11:34
20 Փետրվարի 2019
Creative City նորարարական կլաստեր` որպես Նոր Հայաստանի զարգացման հիմք (ՖՈՏՈ)
Միջազգային փորձի ուսումնասիրությունը վկայում է այն մասին, որ այսօր Հայաստանի համար ընդունելի կարող է դառնալ նորարարական կլաստերների ստեղծման պրակտիկայի ներդրումը։
13:15
18 Փետրվարի 2019
Զարգացման վերացական ծրագիր և անօգնական ընդդիմություն. ի՞նչ ապագա է ընտրել Հայաստանը
Հայտնի դրույթն այն մասին, որ «իշխանությունն այլասեռում է» ապրիորի չունի բացառություններ։ Այս բախտից չխուսափեց նաև ՀՀ նոր իշխանությունը` վարչապետ Նիկոլ Փաշինյանի գլխավորությամբ։
16:43
11 Փետրվարի 2019
Նախկին փոխխոսնակ Արփինե Հովհաննիսյանը լքում է ՀՀԿ–ն. պարզում ենք պատճառները և հնարավոր զարգացումները
Արփինե Հովհաննիսյանը երկուշաբթի հայտարարել է ՀՀԿ–ի իր անդամակցությունը դադարեցնելու մասին։
19:47
05 Փետրվարի 2019
Արցախում դատապարտված Ադրբեջանի քաղաքացի Հուսեյնզադեն չի ցանկանում վերադառնալ հայրենիք
Արցախում դատապարտված Ադրբեջանի քաղաքացի Հուսեյնզադեն չի ցանկանում վերադառնալ հայրենիք:
21:01
31 Հունվարի 2019
Հայոց ցեղասպանության ճանաչման կարևորությունը, մշակութային ժառանգության պահպանումը, հայկական փորձը ՏՏ ոլորտում. Փաշինյանը հանդիպեց Քյոլնի քաղաքպետի հետ (ՖՈՏՈ)
Վարչապետ Նիկոլ Փաշինյանը Գերմանիա պաշտոնական այցի շրջանակում հինգշաբթի հանդիպել է Քյոլնի քաղաքապետ Հենրիետե Ռեքերին:
18:37
29 Հունվարի 2019
Քաղաքական հեղափոխությունից դեպի տնտեսական. ինչպե՞ս հանդես եկավ Հայաստանը Դավոսյան համաժողովին. փորձագիտական կարծիքներ
Հայաստանի համար համաժողովի հիմնական արդյունքները սահմանելու համարզ զրուցել ենք Հայաստանի և Ռուսաստանի մի շարք փորձագետների հետ, որոնք ներկայացրել են Դավոսի տնտեսական համաժողովի հիմնական ուղերձների իրենց տեսլականը:
13:59
26 Հունվարի 2019
Հայաստանի նախագահությունը ԵՏՄ-ում` որպես երկրի հեղինակությունը բարձրացնելու նոր հնարավորություն. փորձագետների գնահատականներն ու ակնկալիքները
Հասկանալու համար, թե ինչ հեռանկարներ են բացվում ՀՀ–ի առաջ ԵՏՄ-ում նախագահության ժամանակ, ինչպես նաև, թե ինչ մարտահրավերների հետ կբախվի երկիրը, զրուցել ենք հայ և ռուսաստանցի փորձագետների հետ։