482.74
-0.81
570.65
+2.43
8.24
+0.06
-1
Եղանակը Երևանում
Հայ
Մրրիկ Մոսկվայում. արդյո՞ք տարերքը կհասնի Հայաստան
19:07
30 Մայիսի 2017
© Լուսանկարը՝ thegreenwhale
ԵՐԵՎԱՆ, մայիսի 30./Նովոստի-Արմենիա/. Նախօրեին Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը: ՌԴ քննչական կոմիտեի տվյալներով, բնության տարերքի զոհերի թիվը հասել է 14-ի, ևս 108-ը հոսպիտալացվել է:

Տարերքի խրախճանքը

Այս մրրիկը մարդկային զոհերի թվով ամենախոշորն է Մոսկվայի օդերևութաբանական դիտարկման ողջ պատմության ընթացքում: Մոսկվային հասցված վնասը դեռ հաշվարկվում է, սակայն ԱԻՆ-ն արդեն հաղորդում է, որ մրրիկի հետևանքով տապալվել է ավելի քան 6500 ծառ, վնասվել են ավելի քան 180 բարձրահարկ շենքների, սեփական տների, վարչական շենքերի և մեկ ծննդատան տանիքներ, ավելի քան 1900 միավոր անձնական ավտոմեքենաներ և մեկ ավտոբուս, միջքաղաքային երկաթուղային հաղորդակցության շուրջ 130 ուղևորափոխադրող գնացքների, 23 միջպետական գնացքների չվերթերի ուշացում է տեղի ունեցել։ Մոսկվայի ավիացիոն հանգույցի օդանավակայաններում, ավիաընկերությունների որոշմամբ, մայիսի 29–ին հետաձգվել է ավելի քան 50 չվերթ։

Загружается новость ... "Лево"

Մոսկվայի քաղաքապետ Սերգեյ Սոբյանինը հայտարարել է, որ իշխանությունները դրամական փոխհատուցում կտրամադրեն մրրիկից զոհվածների ընտանիքներին: Նախատեսվում է , որ Մոսկվայի ղեկավարությունը յուրաքանչյուր զոհվածի ընտանիքին կվճարի 1 մլն ռուբլի:

Մրրիկ Մոսկվայում. աղետների կրկնություն

Մոսկվայում բնական աղետներն այդքան էլ հազվադեպ երևույթներ չեն, դրանք կրկնվում են որոշակի պարբերականությամբ: Օրինակ, 1998 թ-ի հունիսի 20- ի լույս 21-ի գիշերը Մոսկվայի և Մոսկվայի մարզի տարածքով անցավ բնական տարերք, որի հետևանքով 8 մարդ զոհվեց, շուրջ 150-200-ը ստացան վնասվածքներ:

Չնայած այդ տարերքը լրատվամիջոցներն անվանեցին մրրիկ, սակայն իրականում այն դասակարգվում է որպես փոթորկային քամի:

1998 թ-ին Մոսկվայում գրանցված մրրիկն ամենաավերիչն էր համանման բնական տարերքների շարքում 1904 թ.–ի պտտահողմից հետո:

Մրրիկը կհասնի, արդյո՞ք, Հայաստան

Հայաստանի բնակիչները Մոսկվայի և Մոսկվայի մարզի եղանակային փոփոխությունները հաճախ կապում են Երևանի եղանակային փոփոխությունների հետ: Կարծիք կա, եթե Մոսկվայում ձյուն է, ապա Երևանում պետք է սպասել ցրտերի և, հակառակը, եթե Ռուսաստանի մայրաքաղաքում արև է, ապա Երևանում շոգ է լինելու:

Նման կարծիքն ամրապնդվեց Երևանի բնակիչների գիտակցության մեջ այս ձմեռ գրանցված ցրտաշունչ սիբիրյան սառնամանիքներից հետո, որոնք Սիբիրից Հայաստան բերեց արկտիկական ցիկլոնը։ Իսկ վերջին կանխատեսումները, ըստ որոնց Մոսկվայում մայիսի վերջին սպասվում է ջերմաստիճանի նվազում և ուժեղ քամի, համընկան մայիսի վերջին օրերին Երևանում գրանցված ջերմաստիճանի նվազման հետ, որն ուղեկցվեց անձրևներով և ամպրոպներով։

Загружается новость ... "Право"

Մտավախություն առաջացրեց նաև այն փաստը, որ Մոսկվայի իրադարձություններից մեկ շաբաթ առաջ Հայաստանի հիդրոմետ ծառայության օդերևութաբանության կենտրոնի պետ Գագիկ Սուրենյանը նախազգուշացրեց, որ Հայաստանի տարածքով շարժվում է հզոր ամպրոպային ամպ։ Սակայն Երևանը հրաշքով խուսափեց աղետից, քանի որ ամպրոպային ամպը երևանյան երկնքում կարող էր վերածվել պտտահողմի։

Հայաստանին սպառնացող բնական աղետը տեղափոխվեց Թուրքիա, որտեղ միաժամանակ ձևավորվեց մի քանի պտտահողմ։

Ինչ վերաբերում է մոսկովյան մրրիկին, ապա Սուրենյանը խորհուրդ է տալիս չմտահոգվել։ Ինչպես նա տեղեկացրեց «Նովոստի–Արմենիա» գործակալությանը, այս անգամ աղետը Հայաստան չի հասնի։

Загружается новость ... "Лево"

«Մրրիկը գրանցվել է Մոսկվայի տարածքում, դա որևէ կերպ կապ չունի մեզ հետ, քանի որ շատ հեռու է մեր տարածաշրջանից», – ասաց Սուրենյանը։

Ի՞նչ է մեզ սպասվում

Օդերևութաբանների կանխատեսմամբ, այսօր Հայաստանում կանխատեսվում է առանց տեղումների եղանակ, իսկ հետագա չորս օրերի ընթացքում առանձին շրջաններում և առավելապես գիշերային ժամերին հնարավոր է անձրև ու ամպրոպ, որոշ շրջաններում հնարավոր է նաև կարկուտ։ Ջերմաստիճանը հանրապետության տարածքում հունիսի 1–2–ը կնվազի 2–3 աստիճանով։

Ինչ վերաբերում մայրաքաղաքին, ապա Երևանում հունիսի 1–3–ը երեկոյան ժամերին սպասվում է անձրև ու ամպրոպ։

Երևանում առաջիկա հինգ օրը օդի ջերմաստիճանը ցերեկային ժամերին կտատանվի +21...+30 աստիճանի սահմանում։–0–
Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։