484.78
-2
571.8
-2.21
8.19
+0.02
+12
Եղանակը Երևանում
Հայ
Կարևորը` ուրախ սրտով սեղան նստեք
10:10
26 Դեկտեմբերի 2015

ԵՐԵՎԱՆ, 26 դեկտեմբերի. /Նովոստի-Արմենիա/. «Աղջիկ ջան, ինչ կարող ես, էն էլ դիր սեղանին, կարևորը` ուրախ սրտով սեղան նստեք», - օրերս այսպիսի ջերմ բարեմաղթանք հղեց ընկույզ վաճառող տարեց կինը: Առաջին հայացքից, ամենասովորական խոսք է էլի, բայց իրականում շատ մեծ իմաստ է պարունակում: Իսկապես կարևորը Ամանորը ուրախ, ջերմ ընտանեկան մթոլորտում դիմավորելն է, այն, ինչ ժամանակին արել են մեր հայրերն ու պապերը, վստահ եմ, առանց ներկայիս սեղանների ճոխության:

Վերջին տարիներին պատեհ-անպատեհ անողոք քննադատվում է Ամանորի անցկացման հայկական տարբերակը (առհասարակ հայկական և Հայաստանում կատարովող ամեն ինչն է քննադատվում, բայց դա քննարկման այլ թեմա է, և կարծում եմ` դրան կանդրադառնամ հետագայում): Հատկապես անարգանքի սյունին է գամվում հայերիս «բդասիրությունը», իմ կարծիքով, ավելի շատ խոսվում է ավելորդ ծախսերի, ճոխ սեղանների, շռայլությունների մասին, քան մենք, իրականում, մեզ թույլ ենք տալիս:

Ամեն տարի դեկտեմբերի սկզբից մինչև հունվարի վերջ դիետոլոգները սկսում են խորհորդներ տալ ինչպես սնվել, ինչքան սնվել, հետո հերթը գալիս է վարակաբաններին, թե ինչ անել, որ սննդից չթունավորվել, այս շքերթը եզրափակում են հոգեբանները, թե ինչ անել, որպեսզի նախ խուսափել այդքան մեծ ծախսերից, ապա հետտոնական  դեպրեսիաներից: Այս ամենի մասին ասում-խոսում,  անվերջ քննարկում են սոցիալական կայքերում: Ու ամբողջ աշխարհով մեկ տպավորություն  է ստեղծվում,  կարծես թե Հայաստանում «հրեշաբար» են տոնում նոր տարին: Իրականում սա հրաշալի առիթ է ընտանիքով սեղանի շուրջ հավաքվելու, հարազատներին ու ընկերներին այցելելու, բարեմաղթանքներ հղելու ու ուրախանալու համար: Հատկապես, որ վերջին տարիներին հեռացել ենք միմյանց տուն հյուր գնալու մեր հայկական բացառիկ լավ սովորույթից:

Ամեն տարի ԱՄՆ նախագահները Գովաբանության տոնին մեծ շուքով ու հանդիսավորությամբ են պատրաստվում, ամբողջ աշխարհի առաջ հնդուհավ են տապակում, մեկին էլ պարտադիր «Կյանք շնորհում»: Աշխարհը դա նայում է, հիանում, ոգևորվում, շատերն էլ նույնիսկ իրենց երկրներում են կրկնում հնդուհավի տապակման արարողությունը: Խոսքը Գովաբանության տոնի մասին չէ, այլ այն, որ այդ տոնին հնդուհավ են ուտում և դա ներկայացնում որպես բարի ավանդույթ: Ամենակարևորը ներկայացման մեջ է, ներկայիս տերմիններով ասած PR-ը: Հնդուհավ ուտելն Ամերիկայում համարվում է երախտագիտության նշան, և դա  աշխարհն այդպես էլ ընկալում է, իսկ Հայաստանում ամբողջ տարվա ընթացքում միայն Ամանորին են ճոխ սեղաններ բացվում, խոզի բուդ կամ նույն ամերիկյան հնդուհավ են մատուցում, քննադատությունների պատճառով այն հասարակության ու նաև աշխարհի հայկական մասի համար որպես վայրի երևույթ է ընկալվում:

Նախորդ օրը շատ դիպուկ դիտարկում արեց հանրապետության գլխավոր վարակաբան Արա Ասոյանը.  «Չեմ հիշում մի դեպք, որ Նոր տարվա տոներից հետո ամբողջ հայ ազգն ընկնի հիվանդանոց, այնպես որ, բերեք մարդկանց չհարամենք, նորմալ ուտեն, իրենց Նոր տարին անցկացնեն»: Նոր տարվա գնումների թեմային անդրադարձավ նաև գրականագետ Դավիթ Գասպարյանը` ասելով, որ այն հայ ժողովրդի ամենասիրած տոնն է. «Այդ գնումների մեջ ի՞նչ վատ բան կա, մենք ուրիշի դդմի տոնը կարևորում ենք, սակայն լավ բաներին արհամարհանքով ենք նայում»,-ասաց գրականագետը։

Ուրեմն, եկե՛ք գնումներ անենք, համեղ ուտեստներ պատրաստենք, ուրախ սրտով սեղան նստենք, հյուրեր ընդունենք ինչպես մեր ծնողներն ու նախնիները: Չնեղվենք, չփնթփնթանք, ուրախ-զվարթ անցկացնենք Ամանորի տոները, որ տարին էլ ուրախ ու հաջող լինի: Չէ՞ որ հայ ժողովուրդն առանձնանում է իր բացառիկ հյուրընկալությամբ, ինչու՞ օտարների համար կարող ենք գրկաբաց լինել, իսկ ինքներս մեզ համար կազմակերպվող ընտանեկան ջերմ, ուրախ տոնը փնթփնթոցներով ու դժգոհություններով լցնենք: Եկե՛ք  Ամանորն առաջին հերթին մեր ընտանիքներում դիմավորենք բարձր տրամադրությամբ, հեքիաթ պարգևենք մեր երեխաներին, ուրախանանք ու ուրախացնենք, նույնիսկ եթե սեղանը ճկվում է առատությունից, ոչինչ, նոր սեղան կգնենք:-0-

Լուսինե Մարգարյան

Loading...
Թեմատիկ նյութեր
Բաժնի այլ նյութեր
15:26
19 Հոկտեմբերի 2017
Ծեծել, թե չծեծել. Հայաստանում քննարկվում է ընտանեկան բռնության օրենքի նախագիծը
Փաստաթուղթը հայ հասարակությանը բաժանել է երկու ճամբարի. նախագծի կողմնակիցները կարծում են, որ բռնությունը պետք է պատժվի, իսկ հակառակորդները վստահ են, որ այն լուրջ հարված է հասցնում հայկական ընտանեկան ավանդույթներին։
20:04
09 Հոկտեմբերի 2017
Եվրասիական գործընկերության համաժողով. հիմնական թրենդները, նախագծերը և հույսերը
Հոկտեմբերի 5–7–ը Երևանում կայացավ Եվրասիական գործընկերության երկրորդ միջազգային համաժողովը։
16:30
03 Սեպտեմբերի 2017
Հետահայաց ամառ. ամենաաղմկոտ իրադարձությունները Հայաստանում
Այն հարցին, թե ինչպես անցավ ամառը, Հայաստանի բնակիչները, ամենայն հավանականությամբ, կպատասխանեն` «շատ շոգ էր»:
19:40
31 Մայիսի 2017
Օձերի անսպասելի «գրոհը» Հայաստանում. պատճառներ և հետևանքներ
Վերջին ժամանակներում Հայաստանի մայրաքաղաքում հաճախակի են դարձել օձերի հայտնաբերման դեպքերը:
19:07
30 Մայիսի 2017
Մրրիկ Մոսկվայում. արդյո՞ք տարերքը կհասնի Հայաստան
Մոսկվայի տարածքում մոլեգնած ուժեղ մրրիկը լուրջ վնաս է հասցրել Ռուսաստանի մայրաքաղաքին` քանդելով տանիքներ, կանգառներ, Դոնսկոյ վանքի տապանաքարերը:
11:08
30 Մայիսի 2017
Հայաստան. միֆ և իրականություն
Կյանքիս մեծ մասն ապրելով Սփյուռքում՝ հաճախ նկատել եմ մեր հայրենակիցների յուրահատուկ վերաբերմունքը Հայաստանի նկատմամբ:
20:10
23 Մայիսի 2017
«Արևային» հարձակում. ինչպե՞ս փրկվել մելանոմայից. փորձագետների խորհուրդները
Ամեն տարի մայիսին աշխարհի տարբեր երկրներում նշվում է Մելանոմայի դեմ պայքարի համաշխարհային օրը։
17:51
14 Մայիսի 2017
Հայաստանի ձախողումը «Եվրատեսիլ 2017»–ում. սոցցանցերի առաջին արձագանքները
Հայ երգչուհի Արծվիկը նախօրեին Ուկրաինայի մայրաքաղաքում անցկացված «Եվրատեսիլ 2017» երգի միջազգային մրցույթում զբաղեցրել է ընդամենը 18–րդ տեղը:
19:10
25 Ապրիլի 2017
ԱՄՆ նախագահները և Հայոց ցեղասպանությունը. մեծ քաղաքականություն VS պատմական արդարություն
Յուրաքանչյուր տարի ապրիլի 24-ին աշխարհասփյուռ հայությունը քարացած հետևում է` արդյոք ԱՄՆ նախագահը ապրիլի 24-ին նվիրված իր ավանդական ելույթում «ցեղասպանություն» կանվանի՞ Օսմանյան կայսրությունում 1,5 մլն հայերի ոչնչացումը, թե ոչ:
14:43
24 Ապրիլի 2017
Թուրք «Շերլոկ Հոլմսը» Հայոց ցեղասպանության անհերքելի ապացույց է գտել
Թուրք պատմաբան Թաներ Աքչամը գտել է ցեղասպանության անհերքելի ապացույց, որը «ծխացող ատրճանակ» է անվանել։
15:25
11 Ապրիլի 2017
Հայրենադարձի success story. միասին կարող ենք ամեն ինչ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)
«Նովոստի-Արմենիա» գործակալությունը որպես «Vartanush Grandma» տուրօպերատորի լրատվական գործընկեր շարունակում է մասնակցությունը «Back to Armenia» նախագծին:
22:11
07 Մարտի 2017
Ռուսական «դեսանտ» Հայաստանում կամ կրկին Ադրբեջանին ռուսական զենքի վաճառքի մասին
Հայկական տեղեկատվական դաշտը կրկին փոթորկոտ է։