ԵՐԵՎԱՆ, 6 հունվարի. /Նովոստի–Արմենիա/. Նոր տարվա առաջին իսկ օրերին Երևանում և մարզերում հաճախակի դարձան ՍՇՎ–ի մասին դեպքերը։
Ընդհանուր իրավիճակ
ՀՀ առողջապահության նախարարության հատուկ վտանգավոր և օդակաթիլային վարակների համաճարակաբանության բաժնի պետ Լիանա Թորոսյանը նշում է, որ Հայաստանի բոլոր բժշկական հաստատություններն աշխատել են տոնական օրերին, և նրանց տվյալների վերլուծության հիման վրա կարելի է հայտարարել, որ գրիպի և ՍՇՎ–ի հետ կապված իրավիճակը մեր երկրում համաչափ է սեզոնայնությանը. սկսած նախորդ տարվա 40–րդ շաբաթից և մինչև այս տարվա 20–րդ շաբաթ գրանցվում է գրիպի և ՍՇՎ–ի ակտիվ սեզոն։
Նա նաև տեղեկացրել է, որ վերջին օրերի կտրվածքով մեկ օրվա ընթացքում սուր շնչառական վարակներով շտապօգնության 52 կանչ է գրանցվել ողջ հանրապետության տարածքում, որից 47-ը եղել է երեխաների շրջանում: Բացի այդ, եղել են նաև թոքաբորբի կանչեր, որոնցից միայն 1-ն է եղել երեխայի մոտ։
Загружается новость ... "Лево"
«Երեխաների շրջանում գրանցվող հիվանդությունների մեծ թիվը պայմանավորված է նրանով, որ նրանք ավելի խոցելի են, իսկ ծնողներն ավելի ուշադիր են նրանց առողջության նկատմամբ։ Ընդհանուր առմամբ կարելի է նշել, որ վիճակը նորմալ է, քանի որ չեն գրանցվել ծանր և առանձնապես ծանր դեպքեր, ինչպես նաև չկան արհեստական շնչառական սարքին միացված հիվանդներ», – նշել է Թորոսյանը։
Ինչ վերաբերում է ստացիոնար դիմելիությանը, ապա կան հիվանդներ, ովքեր հոսպիտալացվել են ստացիոնար հիվանդանոցներ. դրանց հիմնական բեռը ընկել է Երևանի երեք ստացիոնար հիվանդանոցների վրա՝ «Արաբկիր», «Մուրացան» և «Սուրբ Աստվածամայր» ԲԿ-ներ, ինչը տրամաբանական է, քանի որ այնտեղ հոսպիտալացվում են հենց մինչև հինգ տարեկան երեխաները։
Նա նաև նշել է, որ այսօր Հայաստանի հիվանդանոցներում շարունակում է բուժվել 0–ից 14 տարեկան 400 երեխա, որոնց առողջական վիճակը գնահատվում է թեթև կամ միջին ծանրության, ՍՇՎ–ի հետ կապված ծանր հիվանդներ երկրում չկան։
Միաժամանակ վերակենդանացման բաժանմունքներում գտնվում է 20 երեխա, որոնց հիվանդությունն ընթանում է այլ քրոնիկ հիվանդության ֆոնին, և հնարավոր բարդությունները բացառելու նպատակով նրանք շարունակում են մնալ բժիշկների հսկողության տակ։
Կա՞, արդյոք, խուճապի առիթ
Թորոսյանը վստահ է, որ Հայաստանում սուր շնչառական հիվանդությունների ակտիվացման հետ կապված խուճապի պատճառ չկա։
«Եթե համեմատենք նախորդ տարվա նույն ժամանակահատվածի ցուցանիշների հետ, ապա կարելի է հայտարարել, որ ոչ մի աննախադեպ վիճակ չկա, իրավիճակը սովորական է այս սեզոնի համար», - ասել է Թորոսյանը։
Загружается новость ...
"Право"
Փորձագետի խոսքով՝ դեռևս նախորդ տարվա նոյեմբերից հանրապետությունում շրջանառվում են գրիպի հարուցիչներ՝ գրիպ B, գրիպ A։
Նա նշել է, որ գրիպ A-ի H1N1 ենթատեսակի դեպքերը եզակի են։
«6 այդպիսի դեպք ենք ունեցել, գրեթե 20 դեպք ունեցել ենք՝ պայմանավորված գրիպ B-ով, և բազմաթիվ այլ դեպքեր ունեցել ենք այլ շնչառական վարակների վիրուսներով պայմանավորված՝ պնևմովիրուսներ, բոկավիրուսներ, ադենովիրուսներ, որոնց նկատմամբ առավել խոցելի են հենց երեխաները», - ասել է նա:
«Հաշվի առնելով ահազանգողների թիվը, սեզոնը ու համեմատություն տանելով նախորդ տարվա նույն ժամանակաշրջանի հետ՝ պետք է ասել, որ այն հիվանդացության մակարդակը, որն այսօր դիտվում է հանրապետությունում, ոչ ահազանգող է, ոչ էլ խուճապ է առաջացնում, այլ օրինաչափ է, քանի որ գրիպը և սուր շնչառական վարակներն ունեն սեզոնային բնույթ և ակտիվանում են մասնավորապես ուշ աշնանը, ձմռանը և շարունակվում են մինչև վաղ գարուն»,- ավելացրել է Թորոսյանը։
Կանխարգելիչ միջոցառումներ ու բուժում
Վիրուսների տարածումը պայմանավորված է ինչպես նրանց ակտիվացմամբ ձմեռային սեզոնին, այնպես էլ հարբուխով ու թույլ իմունիտետով։ Այդ իսկ պատճառով մասնագետը խորհուրդ է տալիս ձեռնարկել կանխարգելիչ միջոցառումներ ու չգնալ հյուր այն ընկերների տներ, որտեղ կան հիվանդներ ու չտանել նրանց մոտ երեխաներին, որոնք ներառվում են ռիսկային խմբում։
Загружается новость ... "Лево"
Ինչ վերաբերում է հնարավոր դինամիկային, ապա, նրա խոսքով, փետրվարին սպասվում է վիրուսների ակտիվացման երկրորդ փուլը (առաջինը՝ հոկտեմբեր-նոյեմբերին, խմբ.), քանի որ գրանցվում են ջերմաստիճանի տատանումներ, և վիրուսները կրկին կարող են ակտիվանալ իմունիտետի անկման, ուսումնական հաստատությունների աշխատանքի, ջեռուցման պայմանների և այլ պատճառների ֆոնին։
Ինչպես նշել է Թորոսյանը, նախորդ տարիներին հիվանդությունների մակարդակն այս օրերին ավելի բարձր էր, սակայն անհրաժեշտ է զգոն լինել ու հիվանդության դեպքում դիմել բժշկի։
Ավելի լավ է խորհրդակցել մանկաբույժի հետ, անհրաժեշտության դեպքում կանչ գրանցել, և հետո միայն որոշել հիվանդանոցային բուժում ստանալու վերաբերյալ։ Բժշկին դիմելու պատճառ կարող է դառնալ 1-2 օրվա ընթացքում 38-ից բարձր պահպանվող ջերմությունը, որը չի իջնում անգամ ջերմիջեցնողների օգտագործման դեպքում։ Ընդ որում կտրականապես խորհուրդ չի տրվում այդ ընթացքում օգտագործել հակաբիոտիկներ, ավելի նախընտրելի է դիմել բժշկի։-0-
