483.82
-0.09
522.04
-3.39
8.49
+0.01
+16
Եղանակը Երևանում
Հայ
Յոթ ուղի դեպի երջանկություն
1
Երջանկությունը միջազգային օր ունի

2012 թվականին ՄԱԿ-ը մարտի 20-ը հռչակել է Երջանկության միջազգային օր (International Day of Happiness)՝ նպատակ ունենալով առաջ տանել այն գաղափարը, որ երջանկության ձգտումը մեր մոլորակի բոլոր մարդկանց ընդհանուր զգացումն է: Նաև, Օրվա հիմնադիրների կարծիքով, այսօրվա տոնը կոչված է ցույց տալու, որ երջանկությունը մարդկության հիմնական նպատակներից է: Այդ կապակցությամբ կոչ է արվում բոլոր երկրներին ուղղել ջանքերը յուրաքանչյուր մարդու բարեկեցության բարելավմանը:

весна цветы дети счастье поле солнце.jpg

2
... և նախարարություն

Այո, որքան էլ զարմանալի է հնչում, աշխարհում, իսկ ավելի ճշգրիտ՝ Բութան պետությունում մի քանի տարի առաջ ստեղծվել է Երջանկության նախարարություն: Կառավարությունը որպես իր գլխավոր նպատակ հռչակել է իր յուրաքանչյուր քաղաքացու՝ երջանկության ձգտումը: Եվ դա ամրագրված է այդ երկրի Սահմանադրության 9-րդ հոդվածում: Բութանում գոյություն չունի համախառն ներքին արդյունքի ընդունված հասկացություն, այն փոխարինել են ավելի հարմար ինդիկատորով՝ ազգային համախառն երջանկություն: Այսպիսով, երջանկությունն ազգային քաղաքականության անկյունաքարն է, և հենց այդ պատճառով երկրում նույնիսկ ստեղծվել է Երջանկության նախարարություն:

Монастырь в горах Тибета
3
Երջանկություն՝ ի՞նչ է դա

Երջանկությունը բացարձակ հարմարավետության վիճակ է: Եվ այն միշտ չէ, որ կախված է նյութական բարիքներից: Հարմարավետությունը, նախևառաջ, պետք է հոգու ոլորտում լինի: Այդ իսկ պատճառով կարելի է ասել, որ երջանկությունը շատ անհատական է: Երջանկությունը մի զգացում է, որն անհնար է զգալ անընդհատ: Դա ակնթարթ է, երբ դուք հասկանում եք. «այո, ես երջանիկ եմ, և երջանիկ եմ հենց հիմա, այս պահին»: Անհնար է լինել երջանիկ ապագայում կամ անցյալում, այդ զգացողությունն այս պահի համար է: Եվ այս պահին դուք ինքներդ եք ստեղծում, ինքներդ եք որոշում՝ լինել ապագայում երջանիկ, թե դժբախտ:

Счастье
4
Քայլ առաջին դեպի երջանկություն՝ ուղեղին ճիշտ հրահանգ տվեք

Երջանիկ լինելու համար պետք է ազատվել այդ վիճակին խոչընդոտող գործոններից: Օրինակ, պետք է դադարել ինքնավերլուծությամբ զբաղվել ցանկացած առիթով, «փորփրել» սեփական մտքերն ու անձը: Կյանքը, անշուշտ, լի է զանազան խնդիրներով, բայց, դառնալով դրանց գերին, դուք չեք կարողանա նկատել գոյության ողջ գեղեցկությունը: Ամեն անգամ, երբ բացասական էներգիայի հոսք եք զգում, ասեք ինքներդ ձեզ՝ «սա ժամանակավոր է», «կյանքում կան նաև հիանալի պահեր» և այլն: Ուղեղին տրված ճիշտ հրահանգները շուտով սովորություն կդառնան, և ապրելն ավելի դյուրին կլինի:

счастье
5
Քայլ երկրորդ՝ այն գիտակցումը, թե ինչ է երջանկությունը հենց ձեզ համար

Յուրաքանչյուր մարդ բացառիկ է: Դա նշանակում է, որ երևույթների ընկալումը նույնպես մեր անհատականն ու սեփականն է: Հետևաբար, երջանկության գաղափարը չի կարող միանշանակ լինել: Երջանկությանը պետք է վերաբերվել որպես նպատակի, իսկ դրան հասնելու համար այն պետք է մարմնավորել: Որոշեք ձեզ համար, թե որ հատկանիշներով եզ ձեզ երջանիկ զգում, այլապես այն կարող է գալ, իսկ դուք չեք նկատի

Счастье человек солнце небо
6
Քայլ երրորդ՝ քիչ դժգոհեք

Քիչ դժգոհեք մարդկանցից, հանգամանքներից և կյանքից ընդհանուր առմամբ: Դա, նախևառաջ, կօգնի ձեզ խուսափել բացասական էմոցիաներից: Եթե ձեզ ինչ-որ բան դուր չի գալիս այս կամ այն պատճառով, փորձեք պարզապես դրանից խուսափել կամ հրաժարվել այդ գործոններից: Փոխեք աշխատանքը, փոքրացրեք շփման շրջանակը, մի խոսքով, լուծեք առաջացող խնդիրները և մի դարձեք հանգամանքների զոհ:

счастье
7
Քայլ չորրորդ՝ ապրեք ներկայով

Երջանկությունն այսօր է և այս պահին, պետք է երջանիկ պահերը թողնել «հետո»-ի համար: Պետք է հիշել, որ մեր ամբողջ ուժը, էներգիան, ուշադրությունը մեր տնօրինության տակ են հենց հիմա: Դարձեք երջանիկ հենց այստեղ և այժմ: Եթե ձեզ ոչինչ չի ուրախացնում ներկայում, ապա հավանական է, որ ապագան էլ չի ուրախացնի, չէ՞ որ այն ինչ-որ պահի ներկա է դառնում:

солнечный кот солнце счастье
8
Քայլ հինգերորդ՝ ոչնչի համար մի՛ ափսոսացեք

Կյանքը հանգամանքների շղթա է, որոնք հաճախ մեր հիշողության մեջ բացասական հետք են թողնում: Պետք չէ ափսոսալ անցյալի արարքների համար, անդադար մտածել, որ ինչ-որ բան բաց եք թողել կամ սխալ եք կատարել: Անցյալը փոխել հնարավոր չէ, բայց դրա փոխարեն այն դասեր է տալիս: Շեշտը դրեք նրա վրա, որ չկրկնեք նմանատիպ սխալներ ապագայում, քայլեր կատարեք դրա համար:

офисная работа депрессия
9
Քայլ վեցերորդ՝ ընդունեք ինքներդ ձեզ

Երջանկությունը կառուցվում է սեփական անձը որպես անհատականություն ընդունելու վրա, նրա վրա, թե ով եք դուք իրականում: Եթե ցանկանում եք երջանիկ լինել, ապա դրան կարելի է հասնել այն վիճակից, որում գտնվում եք այս պահին: Երջանկությունն այն չէ, թե ով եք դառնալու ապագայում, այլ այն է, թե ով եք այս պահին: Դուրս գրեք թղթի վրա ձեր արժանիքները, ուսումնասիրեք դրանք և հիշեք: Դուրս գրեք նաև ձեր թերությունները և դարձրեք արժանիքներ: Հավատացեք, դա օգնում է:

счастье воздушные шары
10
Քայլ յոթերորդ՝ գտեք կյանքի ձեր նպատակը

Նպատակն այն է, ինչ ստիպում է ձեզ առաջ շարժվել՝ հաղթահարելով կյանքի բոլոր դժվարությունները: Ձեզ անհրաժեշտ է գտնել ձեր սեփական նպատակը: Հնարեք կյանքի սեփական սցենարը, ծրագիր կազմես, հասկացեք, թե ինչ եք ուզում կյանքից և սկսեք աստիճանաբար իրագործել այն: Այդ ընթացքը երջանկության անվերջանալի աղբյուր է: Եթե ունեք նպատակ, ավելի դյուրին կլինի հաշտվել չսիրած աշխատանքի կամ կենցաղային միապաղաղության հետ, քանի որ գիտեք, որ յուրաքանչյուր նոր օր մոտեցնում է ձեզ այդ նպատակին: -0-

счастье офис смайлик